تكفون انصحوني تعبت من التفكير "بالرواكتين" والا استمر بالعلاج التقليدي بالكريمات؟؟؟؟؟

لا

امبييييييييييييييه مو صاحيه هاذي!!!!

اكو دكتور جلديه يفقص حبوب ملتهبه!!!!!!!!!!

تكفين اشتكي عليها شنو هاذي حاطينها علشان تلعب بويوه الناس؟!

دكتوري مع انه مو معروف بس ما رضى يجيس الحبوب الملتهبه حتى ابره ما رضى يقزني !! والحمدالله راحوا بدون اثر بس انا ما كانت الحبوب جايده بس ملوعه جبدي

والعلاج كان طويل شوي

عطاني مضاد الحيوي شهر مع كريمات والنتايج حتى بعد ما تركته كانت تبين

ما كان يبي يوصف لي الروكوتان من البدايه

سوي بعد فحوصات ملوت الحساسيه يمكن يكون عندك حساسيه من شي

وروحي حق دكاترة جلديه متخصصين والهادي وخري عنه دكاترتهم ما منهم فايده عن (تجربه)

الحل الفعال للحبوب الرواكتين .. عن تجربة يخلى بشرتج ووواووو

لا كريمات ولا مضادات ولا غيرة .. بس دكتورتج عجيبة شلون تتعبث بالحبوب !!!! امرها غريب !!

والله اني كنت حاسه انه في شي غلط وما كنت ابيها تجيسهم بس زوجي الله يهديه اصر لانه حسباله اني خايفه من الألم وانا كنت احاتي الأثر
الله يسامحها صراحه
انا كنت عند دكتور علاء مدحوه لي بس همن ما عجبني و هذي مدحوها لي و علاجها كان اوكي بس استغربت حركتها هذي
و في وحده والله قالت لي انه الهادي ماديين وانه دكاترتهم يتعمدون يطولون العلاج والا جان كتبت لج الرواكتين و فكت عمرها ….!!!
والله ما ادري احس اني تايهه حدي ضعنا بين هالدكاتره

آآآآآآآآآآآآآآآآآآآآه تكفووووووووون لا اتبجوني من جديد

يعني معقوله حركتها غلط؟؟

يا ربي شلون دكتوره و تسوي جذي؟؟

وشلون انا رضيت ؟!!!

حسبي الله و نعم الوكيل

عقد منثور انتي جم شهر كليتي الرواكتين؟؟

واااااااااي حاسه بمعاناتج انا بعد نفس الشي كانت بشرتي غير الحين لووعه مادري من شنو قامت تطلع حبووب كل يوم حبه غير وملتهبين ويعورون واثارهم تغث زياده ماقمت احب اطلع كلش كلش كلش خذيت موعد عن دكتور عيسي بشور يمدحونه لاني تعبت حتي لو يعطيني الروكاتين شكلي بجرب خلاص ملييييت بس غلط انه تفقص لحبووب اهي بدون شي صح لها اثر بس راح يزيد دبل دبل دبل الاثر بهل طريقه ولا يمكن فوق هذا يصير حفر بالويهه من هل حركه شلون جذي هذي ؟؟!!

المهم ولله يا حبيبتي انا للحين مالقيت حل وحدي تعبانه كل ما اشوف ويهي ابجي لان قبل غير والحين غير والله يشافينا من هالحبووب والاثار ويصفي بشرتنا طبيعيه بدون شي

و الله رفيجتي صارلها سنين تعالج ويها بالكريمات و المضاد و التونك و كل شي حتى الادويه الشعبية

مافادها شي كل يوم حبه يديه بويها و وحبوبها الواان مرة بيضه و مرات حمر و مرات صفر

لاعت جبدها من ويها مسكينه

بس استخدمت حبوب بالرواكتين تقريبا من 3 الى 6 شهور ماشاء الله ويها ماقامت تطلع فيه حبوب صج صج فرق ويها

بس كانت تسوي تحاليل تقريبا كل شهر او شهرين بس نفسيتها واايد تحسنت بس باقي تعالج اثار الحبوب و تصير بشرتها اوكي … بسوي تقشير بس ما ادري وين

أنصحج بالرواكتين …
شوفي صلي أول استخارة وسوي التحاليل .. واخذي الحبوب "بس طبعا لازم تآخذين مانع الحمل"
وراجعي شهريا وطبعا تسوين تحاليل كل شهر للإطمئنان
وبتشوفين العافية بإذن الله
أنا توني مخلصة كورس العلاج بالرواكتين وتقريبا من دخلت بالشهر الرابع ولاااااااااااا حبه تطلع لي حتى أيام الدورة
وبس راح تعانين من جفاف عادي بالشعر والشفايف .. بس والله عادي موحيل وكلها خمس او ست شهور وانتي مخلصة
توكلي على الله وارتاااااااحي

اي والله امين ياااااا رب

والله كان ودي اروح حق عيسى بشور بس حسافه ما ضنتي زوجي بيرضى لانه ما صدق اني غيرت و رحت لدكتوره

انا هذا اللي خايفه منه انه عقب هالتعب و الغثى بالكريمات و المضادات اني ما اطلع بنتيجه ممكن يصير تحسن شوي بس ما ابي الحبوب ترد تطلع مااااااااااا ابيييييييهاااااااااااااا
على قولتهم جنك يا زيد ما غزيت

سبحان الله والله اني استخرت وكنت خلاص بسوي التحاليل و اخذ الحبوب عند الدكتور علاء بس ما الله كتبلي
رفيجاتي حيل خوفوني منها و انها تخرب اكثر ما انها تصلح ومضاعفاتها حيل مضره وما ادري شنو فغيروا وجهة نظري وانصحوني بهالدكتوره ورحت لها
قدر الله وما شاء فعل لعلها خيره بالتأجيل
بس ان شاء الله اني باخذها وارتااااح والله تعبت

حبيبتي بالعكس.. ترى هذا اهو الصح..

الروكوتان وايد في اثار جانبيه ومضاعفات ولا جان ما قالوا لج تسوين تحاليل كل شوي.. لو كان سهل وامن جان خلاص كل واحد عنده حبوب ياخذ روكوتان واطباء الجلديه خل يسكرون عياداتهم !

الدكتور الشاطر اهو الي يخلي الروكوتان حق اخر شي..بس الي ماله خلق عوار راس يوصف لج اياه ويفك نفسه

انا بنت خالي تستخدمه,, والحبوب تروح بس بعد فتره ترد.. ورفيجتي نفس الشي.. بس ترد بعد سنه ولا سنتين .. واعرف واحده ما ردوا لها..

انتي من كلامج اتوقع ان تحتاجين ..

جربيه وانشالله تصير بشرتج احلى من اول

فعلا في ناس تاكلها و ترد لها و في ناس لأ
الدكتور همن قال لي جذي
انا ودي اسال الدكتوره الموعد الجاي اذا العلاج الحالي اللي اهي تعطيني اياه حل مؤقت و الحبوب راح ترد بعد فتره قصيره راح اقول لها تصرف لي الرواكتين و بشوف شتقول… الله يسامحها لعبت في وجهي

8شهور .. كليتها وكل شهرين اسوى تحليل على الكلى .. وفى اول شهر يقب ويهج حبوب .. وكل الدهوون تطلع مرة ووحدة وبعدها يبداء مفعوول الحبوب وتجف البشرة .. وتحسنن وبتلاحظين هالشى وبتتحمسين ..

واللى تقول اثارة الجانبية وايد .. حبيبتى اثارة بس فترة العلاج وبعدها يرد كل شئ طبيعى .. صارلى سنة من تركت الروكتين وليومج ماشفت حبة وحدة .. وهم بشرتى صارت رووعة والمسامات تتسكر ..

واهم شئ بهالفترة ماتحملين .. .. وسلامتج

على فكرة .. انا عالجت بالحكومة بعد مافقدت الامل بالعيادات الخاصة لشنهم يماطلووون بالعلاج .. وكلها خرطى بخرطى

وقليل ما يقولون عن هالحبوب ..