|
|
سلام مربع للحلوات و المشرفات
بسال الحريم سؤال وايد بخاطري
باجر الواحده اذا تزوجت و شافت ازعاجات من حمولتها لابد يعني
تقول لامها كل التفاصيل او تسكت و تداري الوضع و تبلع الحرات بروحها؟
او تشكي لامها من باب اخذ النصيحه و امي مجربه الحموله و الحياة فراح تنصحني
بس مرات بعض المتزوجات يمصخونها كل شي يشوفونه ببيت الحموله او يدرون عنه راحو صبوه باذن الام و هذي غيبه و محرمه شرعا مثل ما ترضين احد يطلع اسرار بيتج كذلك هم
انا اقصد المشاكل و الهموم الي فعلا البنت لما تتزوج تعاني منها تقول لامها التفاصيل او تقول الوضع بشكل عام عشان لاتحر امها
و بعض الامهات الله يهداهم عصبيات ترفع الخط و تتهاوش و ينقطع التواصل و تروح صلة الرحم
السؤال متى اقول لامي ومتى اسكت؟ وانا قريت و مقتنعه ان الحياة الناجحه الكثير منها تغافل و تطنيش
متى اطنش و متى اوقف و ادور حل؟ خصوصا بتدخل ام الزوج او اخته لان مو كل ام زوج او اخت زوج يخافون الله
الله يطيحنا بحمايل طيبه و يخافون الله و يحرصون على صلة الرحم و فيهم الجود كله يارب
بس بشكل عام وبصفه عامه ، الانسان عندو قدره على التحمل ، فما بصير من كتر المشاكل الزوجه اضلها مضغوطه وكتوومه بصير معها مرض بعدين او حاله نفسيه ، حلو تلاقي صدر حنون تشكيلو وتحكيلو من باب انها تفرغ الطاقه يلي فيها ومجرد ماتخلص الكلام ينتهى الكلام عند الشخص الاخر ، يعني متل بير تحطي فيه همك وحملك ، بس بدون اي مشااكل ، ومن غير شر انا لو صار معي ومع خوات زوجي مشاكل ما الي غير امي احكيلها واشكيلها ، بس بدون ما تصير مشااكل ،
بالنسبه لزوجي مستحيل احكي اي مشكله بيني وبينه عشان ما اشوه صورته قدام اهلي واخرب شكلو ، والحمدلله برضو مافي مشااكل بيني وبين زوجي والله لا يغير علينا الا للاحسن يارب ،
تسلمي حبيبتي ع الموضوع ،،
و لو كانت عايشة كنت بكر الاولي والتالي عندها بصراحه،
.gif "Eh S(22)")
بس اذا تبين نصيحتي مولازم كل شي تدري فيه بالذات المشاكل،
لانك راح تراضين معاه وتنسين وهي ماراح تنسي ويمكن تقعد تحاتي ليل نهار!
يعني اعطيك مثال رفيقتي مو اختي ولابنتي ولاوحدة تقرب لي بس رفيقتي الروح بالروح،
كانت تشتكي لي من زوجها وحركاته والناس تراضوا وانا للحين معصبه واكرهه!!!!!!
.gif "Eh S(14)")
شوفي وهي رفيقتي ، شلون لو ام وبنتها؟
يمكن بس اقوول حق خواتي واخليهم يادبونهم لووووووووول !
وكفاية أمهاتنا شالو همنا واحنا صغار بعد نشيلهم همنا واحنا كبار حراام
صح انها تخفف عني وتنصحني بس تظل تحاتيني وبين فترة وفترة تسأل ،،
ولو تراضينا وانحلت المشكلة انا ارجع عادي وعلى طبيعتي بس هي تظل شايلة في قلبها عليهم ،، مع انها تواصلهم بس عشاني مو من قلب ولا من حب ،،
يعني لو يرجع فيني الزمن لـ ورا ما اقول شي ،، لان الحين ما اقدر اتصرف على كيفي ،، لو تسمعني بسوي خدمة لـ احد صارت لي معاه مشكله تتضايق ان شلون انا انزل من قدري عندهم -وجهة نظرها – وصعب اصلح الي انكسر عندها 