يا شين لما يكون طموحج كبير بل الواقع يصدمج .gif "Eh S(16)")
من زمااااااان و طموحي أكمّل ماجستير و أشتغل معيدة في الجامعة أو بالتطبيقي، بس ظروفي ما سمحتلي أتخرج من كلية التربية إلا بمعدل 2.44 
رد لي الأمل لما سمعت عن نظام تسجيل غير المقيدين، و ما كان عندي أي مانع بالدراسة على حسابي، حتى لو اضطريت أتفرّغ من دوامي و آخذ اجازة بدون راتب.
بس ألحين زميلاتي بالمدرسة قاموا يحبطوني 
يقولون ما راح أستفيد من الماجستير، لأن اذا تقديري بالبكالوريوس جيد فمستحيل أحد يقبلني معيدة حتى لو خذيت امتياز بالماجستير!
بفهم ألحين صج هالحجي؟؟؟ يعني خلاص راحت عليّ؟؟؟ .gif "Eh S(2)")
والله اختي السالفه مو بهالبساطه الحين الكلللللللللللللللللللللللل عنده ماستر ودكتوراه يعني على سبيل المثال
انا امي متخرجه من التربيه الجامعه وتقديرها جيد جدا مرتفع راحت كملت ماستر على حسابها بجامعة الكويت ويابت بالماستر (امتياز)عابلت اشكثر عشان تكمل دكتوراه مو راضين لازم واسطه قويييه و يفضلون الرياييل ومسالة ان تيبين ماستر وتصيرين معيده انسيييييييييييييييييييي التطبيقي واااااااااااااايد معقدين الامور … الله يسهل و يكتبلج الي فيه الخير يارب
ويييييه لا تقولين!!
يعني صج ما في أمل؟!
مو متقبلة أبداً أظل معلمة ابتدائي طول عمري… شسوي بهالطموح الي ذابحني؟ =(
انزين لو قدرت أحصّل واسطة، هل راح ينفعني الماجستير (لو خذيت فيه امتياز مثلاً) اذا تقديري بالبكالوريوس جيد؟؟؟
و بشكل عام: المعلمة الحاصلة على الماجستير شلون تقدر تستفيد منه؟
هلا بالطموحه
عن نفسى اشجعج واشجعج واشجعج
خليج على هالطموح وكملى الماستر …واذا قدرتى تكملين الدكتواره لاتترددين نهائيا
وتركى عنج اللى يحبطونج واخذيها بالعقل اللى عنده ماستر مثل اللى عنده بكالوريوس
وماعليج من موضوع يقبلونج معيده او لا …ركزى على انج تحصلين شهاده اعلى من شهادتج واكيد فى فرق حسب علمى التربيه يزيدونج 200 دينار عقب ماكان 25 دينار
شوفى الدنيا فرص واذا حصلت لج هالفرصه لاتضيعينها
موفقه
بصراحة حبيبتي هذا كان تفكيري و جذي كنت أشجع نفسي..
بس المشكلة كل ما أكلم أحد يقولي: شفايدة الطموح و الشهادة اذا ما فادوج بوظيفتج؟ كل الي راح تحصلينه هو التعب و ضياع سنتين من عمرج.
للحين محتارة مادري شسوي =(
كملي دراستج ومالج شغل بالناس اللي تقوله ترى بعض الناس يحسدون مايبون احد يصير اعلى منهم وماتدرين مع الايام لو تتوظفين وتصيرين عميده الرازق ربي كثري من الاستغفار وذكر الله عشان تنتفتح ابواب الرزق وشدي حيلج كافي لما يجبون طاريج الا شهادتج ماجستير اودكتوراه السنين الجاية ماتنفع البكالوريوس الحين الجيل هذا الكل يبي ماجستير ودكتوراه
والله يوفقج يارب
حبيبتي انا لما نصحتج ما كان هدفي احبطج او اقتل طموحج بس هذا واقع مؤلم احنا مرينه فيه, انا انصحج عموما اذا انتي فعلا حابه تخصصج تكملين بره مو بالكويت لان ماجستير من جامعات الكويت الكل عنده الحين فماراح تفيدج بس اذا يبتي من بريطانيا او امريكا ممكن تصيرين معيده و انصحج ما تاخذين بكلام البنات الي بالمنتدى بس وتتاكدين بنفسج و تروحين التطبيقي لتخخصج و تكلمين احد اعضاء التدريس هناك عشان ترتاحين وتعرفين تقررين صح وانا معاج مهنة التدريس تشيب الراس بس تخيلي تاخذين الماجستير و تيلج الناظره تقولج فلانه اليوم لازم تبيعين بالمقصف ,مو قهر مو حرقة قلب؟ هذا صار بامي وما اتمنى يصير باحد عشان جذي انصحج تفكرين بالموضوع عدل واذا لزمتي انج تكملين لا يوقف طموحج عند الماجستير انشاءالله تحصلين الدكتوراه و بجذي تذمنين ان حقج ما يضيع وانا عندي اهل ودكاترة اقسام بعد بالتطبيقي يقولون ان التطيقي للتخصصات العلميه ما يقبلون الدكتوراه من الجامعات العربيه ومن التخصصات الغير علميه يعني البدنيه وجذي ممكن تصيرين دكتوره اذا يبتي شهاده من دول عربيه و هذي وحده نعرفها تخصصها بدنيه كانت مدرسة كملت الماستر بمصر بس ما قدرت تتوظف لان الماستر مثل ما قتلج ما يسويج معيده الا من دول اوروبا فكملت الدكتوراه والحين باذن الله تتظوف بدنيه طبعا دراسة الدكتوراه كلفتها 20 الف وشهادتها من مصر .. انا انصج تكملين بس كملي صح و سالي عن الموضوع من المصدر يعني روحي التطبيقي و ساليهم مافيها شي
تسلمون و الله حبايبي، ما قصرتوا.
خلاص إن شاء الله راح أستخير ربي و أسأل عدل، بس ادعولي أتوفق.