|
|
السلام عليكم
يعطيكم العافية ابلات
ابي اسال سؤال
الحين انا عندي صف سادس و طبعا عندهم امتحان اسلامية ب كل الكتاب
الموجهه رافضة نسوي تلخيص او اوراق مراجعه او سؤال و جواب او سؤال بدون جواب
يعني انا قلت درس بدرس: كل درس وراه تلخيصه .. ارتب الدرس عشان يعرفون يدرسون … لا ممنوع
انزين احط الدرس سؤال و جواب … لا ممنوع
انزين احط اسئلة على الدرس و هم يجاوبونها بروحهم .. بعد ممنوع
الكتاب موجود و يدرسون
بصراحة الكتاب صعب عليهم خصوصا ان لغتهم العربية ضعيفة وايد
الحين المشكلة اولياء الامور واااااااااااايد معصبين ( طبعا انا عصبت من قبلهم بس ما باليد حيلة )
سؤال هل مثل شي قرارات ترجع لراي كل موجهه؟؟
يعني والا التوجيه توجيه؟؟
ليش في مدارس حكومية و خاصة و ثنائية و انجليزية تسوي
و علنا
واحنا ممنوع؟؟؟
واخر شي رح تطلع براس المدرسة ؟؟؟
ساعدوني
بس انا اقصد هل القرار ممكن يكون من موجهه فمدرستنا ممنوع والمدارس الباقي عادي؟؟؟
المنع اللي صار من الموجهة تراه لمصلحتج قبل مصلحتها ,لا تنسين ان امتحانات نهاية الفصل موحدة على مستوى المنطقة التعليمية فلو قمت بعمل ملخصات قد تغفلين عن نقطة أو معلومة في الدرس أوتم الاجابة عليها خطأ(و الخطأ وارد ) والكل يعرف اعتماد الطلبة على الملخصات اللي يعملها المدرسين و إن جاءت هذه المعلومة في الدرس و ما درسها الطالب راح تتم محاسبتج من قبل ولي الأمر و شوفي النتائج ….. منو اللي سمح … و هذا الشيئ ممنوع و ليش ما منعتوه……….. وين رئيس القسم أو الموجه الفني ليش سمح لكم ……و المصيبة اللي أكبر إن صار من غير علمه؟؟؟؟….أحسن شيئ تدريب الطالبات على اختبارات سابقة و في كل حصة عطيهم سؤال من امتحانات سابقة . و رجائي من جميع المعلمات لا تسوون ملخصات خلوا الطلبة يتعلمون شلون يدرسون و شلون يسوون ملخصات بنفسهم .
|
المشاركة الأصلية كتبت بواسطة تورمالين
 السلام عليكم…………….. اختي
المنع اللي صار من الموجهة تراه لمصلحتج قبل مصلحتها ,لا تنسين ان امتحانات نهاية الفصل موحدة على مستوى المنطقة التعليمية فلو قمت بعمل ملخصات قد تغفلين عن نقطة أو معلومة في الدرس أوتم الاجابة عليها خطأ(و الخطأ وارد ) والكل يعرف اعتماد الطلبة على الملخصات اللي يعملها المدرسين و إن جاءت هذه المعلومة في الدرس و ما درسها الطالب راح تتم محاسبتج من قبل ولي الأمر و شوفي النتائج ….. منو اللي سمح … و هذا الشيئ ممنوع و ليش ما منعتوه……….. وين رئيس القسم أو الموجه الفني ليش سمح لكم ……و المصيبة اللي أكبر إن صار من غير علمه؟؟؟؟….أحسن شيئ تدريب الطالبات على اختبارات سابقة و في كل حصة عطيهم سؤال من امتحانات سابقة . و رجائي من جميع المعلمات لا تسوون ملخصات خلوا الطلبة يتعلمون شلون يدرسون و شلون يسوون ملخصات بنفسهم . |
جزاج الله خير على الرد
اختي انا في مدرسة اجنبية … ومستوى اللغة العربية جدا ضعيف عند الطالبات
ولما تعطينهم كتاب التربية الاسلامية… وممنوع ينفتح في اثناء الشرح
يرجعون البيت يفتحون الكتاب ابيض و كله كلام على عكس كتبهم المواد الثانية
فيختصرون الموضوع و يسكرون الكتاب
اكييييد الملخصات لا تغني عن الكتاب ولا الاسئلة … لكن عامل مساعد
وفي نهاية الورق يكون في عبارة ( هذه الملخصات او الاسئلة لا تغني عن الرجوع للكتاب)
لكن صدقا وضع الطلبة شي وايد صعب… حتى اولياء الامور معترضين وايد
كتبي فوق بهامش كل صفحة مراجعة ولا تغني عن كتاب الطالب
بهالطريقة ساعدتي الطالبات وتركتي نفسج بعيد عن المشاكل
ولا تستاذنين التوجيه بهالشغلات لانهم يخافون من المشاكل كل شي عندهم لا
اهتمامج بطالباتج ربنا انشالله ياجرج عليه