تفائلو بالخير تجدوه !!!!!! تعالوا !!!!!!!!!

قوووووووه
ادري بتقولون شعندها ام زنوب اليوم
هههههههههههههههه
عندي كل خير

اليوم كلنه عرفنه مدارسنه
تعالوا قولوا شعوركم
شنو ؟؟
نصيحه مني
لا تتبعين راي اي احد في المدرسه الي انتي فيها لانه من الصعب ان احنه نحكم على الشي اذا احنه ما عشناه
روحي جربي يمكن ربج يكتبلج التوفيق في خلاف تجارب غيرج السلبيه

ابتسمي و روحي بكل اندفاع و تفائل خلي عنج اي شي ممكن يخرب مزاجج
سواء البنطرون او التنوره او القسم او اواواواو
اي ماكانت الاسباب حطي في بالج ربج يغير الاشياء بين عشيه و ضحاها
فماتدرون شنو ممكن يصير و شلون ممكن يصير

و مثل ماقال الرسول صلى الله عليه و آله و صحبه و سلم
تفائلو بالخير تجدوه

تعالو نتفائل بالخير و انا واثقه ان راح نجده

شعوري متفائله و بدش بكل قوه و بثبت نفسي و بفرغ افكاري و نشاطاتي و طاقتي في احلى مو هبه و اكثر شي احبه و هو التدريس

يالله بنات شيلوا التشائم الي ماراح يفيدنه كله من صحتنه و اعصابنه

ايه جذي ام زنوب التفاؤل شي طيب

وعسى ان تكرهو شي وهو خير لكم

وساعات تكون المدرسه عندج مو زينه وغيرج لأ

ففي تفاوت

كله على حسب

شعوري لا يوصف ههههههه

طبعا كانت محاضرتنا اليوم على فترتين الاولى كان عن القياس والتقويم والمحاضره حدها ثقيله وما تنبلع ومالها داعي هههههه

الفتره الثانيه عاد هجوووم على المسرح ولا وحده فينا قعدت بالصف

اهناك عاد قالو لنا بعد شوي راح يقولون اسامينا

ونقعد ننطر حوالي ربع ساعه

عاد يت لنا وحده وقالت الموجهه تبيكم بس ساعه ونص ونرجع المسرح

رجعنا واشوا كانت اللي تشرح عن الامتحانات زينه نوعا ما مو نفس اول محاضره

وعقبها خلونا نقيم الدوره

وهجوووم على المسرح لحق لا اتلحق

وانا واقفه واسم المشرف ينادي اسامي البنات ويصعدون المسرح ويوقعون ويعطونهم ورقه المباشره

قلت ياللا ما بقى شي وينادوني

وفجأه قال المشرف والان مع المتوسط

اهني عاد يا لهوي وين اسمي !!! انا اوراقي من زمان خالصه شنو هذا شسوي واقعد اتحلطم اثاري مو بس انا هههههههه

كلمنا المشرف وجيك على اسامينا

وقال مافي راجعو المنطقه

وطبعا ركض قبل لا ينتهي الدوام واهناك عند المراقب زيطه زمبليطه ماكو تنظيم من مكان لي مكان تعالي راكضي

لما استلمت الورقه وفيها اسمي واسم مدرستي

بصراحه شعوري كان عادي جدا لما عرفت لا مصدومه ولا مستانسه الحمدالله على كل شي

وان شاء الله تكون مدرسه زينه

عاد باجر لازم اكون قبل 7 ونص اهناك عشان ياخذون على فكره زينه من اولها

وان شاء الله خير

واااااااااااااااااااااااااااااااااااااااااااي احلى حمااااااااااااااااااااااااااااااس منج فديتج والله

انا ماكنت متحمسه الانه العله الناظره غثيثه بس دام ريسه قسمي حلوه والابلات زييين انا شعلي

والله نص حماس ونص خووف لانه مرحله جديده علي من ابتدائي لي متوسط

وان شاء الله خير

بس بسالج شنو الالعاب اللي تسووينها لهم بحكم انه كبار وشنوالافكار اللي تصلح للمتوسط مثل انشطه اوراق عمل ومن النوع

وانزين الصور شلون عليها لانها اغلب اللي عندي رسومات تصلح للابتدائي شلون للمتوسط

وحكم اني علوم انشطه اني اطبقها واو العاب

ياليت نتشارك للمتوووسط بالموووضووع

انا قطوني مدرسه كلش مايمدحونها

دامج حابه التدريس وعندج افكار وابداعات.. ركزي على هالشي .. لا تهتمين باي شي ثاني

ونصيحة مني .. ابتعدي عن الناس السلبية .. لان لهم تاثير كبير ..

السلام بنات انا والله همن احس مستانسه على خايفه انا قاعد اسوي فحوصاتي وانشاء الله الخميس اوديهم بالملف انا قدمت بمحافظه مبارك الكبير والله ماعرف بمدارسهم انا من سكان العاصمه بس شقتي بالقصور شنو مدارس زينه عندهم الله يخليكم ساعدوني كتبت موضوع مستقل محد رد قلت اسال

ام حمد تذكرتج كنتي معاي بصحه نفسيه

لا مدرستي شقول وشخلي عنها !
الناس تنحاش منهااااااا
كله نقل
انا اقط نفسي بالتهلكه

اي لوول يا حلات ايام الدكتور أمان

بالنسبة للمدرسه تحملي بعد شتسوين شدي حيلج وحبي شغلج وانا اقول لا تسمعين كلام فلانه وعلانه .. نفس لما يقولولج لا تاخذين عند الدكتور الفلاني وانحاشي منه ولما تجربينه يطلع خوش دكتور.. فنصيحة لا تحكمين علي شي الا لما تجربينه .. انتي جربي هالكورس وذا شفتي انج مو قادرة انتقلي

والله يوفقج

وانا معاج ام حمد في هذي النقطه

لما كانو الكل متفق على دكتور معين مو زين وانحاشي منه

وعقبها تأجلين الموضوع على اساس ان محد يمدحه

وبعدين اخر كورس لج تضطرين تاخذين عنده تلقينه من احسن وافضل الدكاتره

وتتحسفين على الكورسات اللي ضاعت عليج بسبب كلام البنات

ولما اقول جذي يقولون لي حياه الجامعه شي والشغل شي ثاني

ودي بس احد يقول لي شنو الشي اللي يبون من المدرسه

لان لحد الحين محد قنعني بأي شي

الحين المدرسه اللي قاطيني فيها قالو مو زينه

ولكن متفائله خير والله كريم

فديتكم وفديت كلامكم و حماسكم و عسانه دوم جذي انا امس كنت متحبطه مو عيب ان الانسان يتأثر بلي يصير فيه ينطوي و يفكر و يشوف الطريج الانسب و الشي الي يريحه و يريح غيره لاكن العيب ان ينكسر و يتحبط و يبدي يكون انسان سلبي في كل تصرفاته و ذيج الساعه اكيد بيكره الساعه الي دش فيها هلوظيفه او هلمكان
في ثقافه عجيبه اسمها الحب
حبي كلشي بحياتج تقبلي بعيوبه مهمن كانت عيوبه تلقين العيوب نفسها بتحول ايجابيات لا و بتون احلى شي بشي الي حبيتيه بتعشقينها خاصه لو كانت مصدر الهامج و اندفاعج
و ماكو شي كامل الا وجهه سبحانه فهذا الي لازم نسوي و هذي الثقافه الي لازم نتعامل فيها بحياتنه كلها مو بس بالعمل
حبي ربج تخلصيله و تحسين نفسج لاشعوريا تخافين من ربج و تذكرين لمن تخطين اي خطوه و هذا بينعكس على شغلج بايجابيه و تلقين ربج يفتحلج ابواب الرزق و الخير و الترقيات لانج اخلصتي و مافي شي عند ربج يضيع اذا ضاع بتقريرج ترى عند ربج مايضيع احتسبي الاجر

حبي شغلج
اي شي تسوينه حبيه حبي حتى غلاف دفترج التحضير عشان لي شفتيه تشفقين تفتحينه
انا عن نفسي لمن افتح دفتر تحضيري اذكر طالباتي و الابلات الي كانوا معاي و سوالفنه بعيد عن السلبيه كلها و بكل حب و اخلاص

حبي ابلات قسمج حتى لو كانوا مو ذاك الزود حبيهم عشان تكتسبينهم بطيبتج حتى لو ماكتسبتيهم لانه معندهم مو نضيف المهم انج جدام ربج صافية النيه و هذا اهم شي وهو النيه و تحت مليون خط لانها اساس التعامل مع الكل و انا عن نفسي ناويه ادخل مدرستي بكل حسن نيه و بتعاون و بعطاء ماله اي حدود و لا تنسون الانسان يناجح ينقل هلحب و هلعطاء لغيره و يأثر فيهمل اكن مايتأثر منهم و هذا النجاح بعينه و علمه لمن نلقى نفسنه غيرنه انسان بكبره مو بتعليم و لا بالتدريس لالا بطيب اخلاقنه و كل وحده فينه مرايه تعكس تربيتها و اسرتها و انا واثقه ان امهاتنه يستاهلون نعكس لهم احلى تربيه و احلى اخلاق و بنهايه احنه مسلمين و احنه اولى من غيرنه بلاخلاق و طيبها

حبي طالباتج
عامليهم مثل خواتج و بناتج مثل ماتحبين مصلحت اهلج حبي مصلحتهم بتلقين نفسج فجأه صرتي وحده منهم و فيهم و اسمج على لسان كل وحده و يافرحتي اليوم لمن سمعت من وحده عن طالبات مادحيني و ذاكريني طرت من الفرحه لمن دريت اني اثرت فيهم

حبي نفسج
و هذا مهم ان الاسان يححب نفسه و ذاته فيبدي يطور نفسه

و انا يعلم الله اني احبكم و احب مصلحتكم و عشان جذي سردت لكم هلمقدمه السريعه و اتمنى تكونون استفدتوا منها و على فكره الي قاري ردودي امس و اليوم يدري انه هلمقدمه من تجربه مو من عبط

فراي
حبيبتي اكيد تعبتي و خفتي ان اوراقج ضايعه بس الف الحمدلله انج خلصتي و صاجه من باجر روحي مبجر و ثبتي نفسج و انتي قدها و قدود يا حياتي ربي يوفقج باحسن مدرسه انشالله

صدقني صعبه فديتج و فديت كلامج قسم بالله ان كلامج وايد يريحني و ترى انا حطيت هلموضوع عشان الناس المتحبطين و انشالله يكون هلموضوع دافع لنه كلنه ان نتشجع و نحب شغلنه و نترك كل السلبيات ورانه
انا امس تعبت بغيت اموت من التفكير بس لمن حطيت الموضوع جدام عيني لقيت اني مبالغه بالسالفه و لازم اتقبل و لازم ما افكر بسلبيات مهمن كانت حجمها لانه الي بيتعب بنهايه هي انا و بيأثر على حياتي كلها فلا و الف لا
الشي الي بيأثر على حياتي احط له حد و افكر صح و انقذ حياتي قبل لا يصير مالايحمد عقباه
و انشالله نكون احنه الدفعه القويه الي مكتسحه المدارس و نرفع راسنه فوق و نرفع اسم ديرتنه فوق و الكويت بنهايه تستاهل عمرنه كله
و هذا الي ابيه منكم
بنسبه للالعاب التعليميه من عيني هذي قبل هذي و لا طلبتي شي اليوم انزلج موضوع خاص عن الالعاب التعليميه و نصايح لاستخدامها في المرحله المتوسط و مهم انبهج على شغله الرسومات و البطاقات الي كنتي تستخدمينهم بلابتدائي انسيهم لانه ماينفع مع المتوسط نصيحه و عن تجربه و انشالله اليوم بحط موضوع يفرح قلبج و يطمن قلبج و يساعد الكل تستاهلون بنات ديرتي و معلماتنه

cherry kisses
فديتج حبيبتي لا تتشائمين الانسان المتميز متميز وين ماراح و لا تشائمين اني مادشيتيها انتي سكعتي تجارب غيرج مهمن كنتي واثقه فيهم نصيحه مني يالغاليه لا تعبين نفسج روحي و جربي و تميزي و شوفي يمكن تجربتج تكون افضل يمكن حدث تغيير او تدوير يمكن صار تغيير بنيات و بالقلوب يمكن صار في ضمير اكثر من قبل روحي حبيبتي و توكلي على ربج و بنتظر منج باجر احلى ابتسامه و تبشرينه انج مرتاحه ياقلبي

ام حمد
فديتج و فديت نصايحج و حكمتج و كلامج اصلن الصوره الشخصيه مالتج من اشوفها استانس فديتج نصيحتج على راسي و انشالله بسويها ولانه جد الانسان المتشائم مؤذي و يأثر
و لو كنتوا بقسم كله متشائمين حاولي تجنبينهم لاكن لا تقطعين نفسج منهم قعدي وياهم و اشتغلي وياهم لاكن لا تستمعين الى احباطاتهم خليهم يتأثرون بتميزج و لا تتأثرين بسلبيتهم
منوره ام حمد

حبي الرسم
حياج الله يالغاليه
شوفي حبيبتي لا تسألين عن المدرسه الزينه و لا الشينه لانج ماراح تختارين اصلن شوفي ربج وين كاتبلج و توكلي عليه و انشالله ربي يرزقج باحسن مدرسه و احسن اداره و احسن قسم يارب

وياج بكل كلمه
ماشالله عليج تبارك الرحمن عين العقل

بنات يعني شنو معلم هـــ ؟؟؟

واحنا شنو دال والا هاء؟

فراي معلم ه اهمه الي عندهم دبلوم تربوي
قبل التربيه الاساسيه كانت تخرج دبلوم تربوي بعدين صار بلريوس
فلي ما عندهم بكلريوس معلم ه
و الي عندهم بكلريوس تعيين يديد معلم د
فاحنه دال

عاااااااشت ام زنووووووووووب هذي بنات حواء اللي نعرفها