تـنظيــم الوووقت x حل لاغلب المشاكل x كيف تنضيمكم وافكاركم لحياتكم الزوجيه السعيده ؟

قوووه بنات

اخباركم ؟؟

موضوعي مدري مكرر او لا .. بس حبيت اطرحه للفائده

الفكره ان نستفيد من بعضنا بشغلة تقسيم الوقت

طبعاً اكيد ان البعض وقت شغل زوجها يكون مختلف عن الثانيه ، بس هالشي مو عآائق

الاغلبيه تعرف ان البعض مو الكل مايعرف يقسم وقته ، وتقسيم الوقت يوفر علينا عناء كبير جداً

يعني لو كان يومك بدون تخيطي راح تضيع منك ساعات تقصينها بدون فايده .

اعطيكم امثله ..

مثلاً نبي نعرف متى تصحون من النوم ، اول ماتصحون وش تسوون ..

تنظيف الشقه وترتيبها وتبخيرها كم ساعه تخصصون له ، وشلون نظامكم في التنظيف يعني كم مره تغيرون بطانية السرير ، كم مره تنبون الارضيه سمعت ان كثرتها لان تخرب السيراميك ،
افكاركم في تقديم العشاء والغذاء لمظهر مرتب وانيق

وقت عنايتكم بنفسسكم ( متى يكون ) ؟!

افكاركم في حفله بسيطه ورومنسيه في الويك عشان تكون راحه للزوج ويتعلق بالزوجه اكثر

طلعاتكم بالاسبوع لازم تطلعون كل اسبوع مره ؟

اشياء مثل كذا
انا اعاني من الوقت ماعرف اقسمه واغلب الاوقات ع الاب والبيت غفصه وحوسه اذا قرب يجي احوس الدين وارتب واحس هالشي يتعبني

وقت عنايتي بنفسي ماخذ مجال كبير من الوقت

الريوق ، الغذاء ، العشاء ماعندي له ذوق خاص يعني حي الله اسوي شي واحطه في تبسي واقدمه !!
ابي افكار وشغلات حلوه تضيف للاطباق جمال والعصاير رونق خاص

شي اهم من ذولا كلهم لازم في يومنا نخصص وقت نختلي فيه بربنا هالشي مو قادره عليه كل مره ااجل ابي اخلي وقت محدد لي للعباده لو حبيت اتقرب لله وقت ثاني مو مشكله بس ابي وقت يكون مخصص للهشي يعني اجبار لنفسي

طلعاتنا من وقت لوقت واغلب الاوقات ماشوف زوجي دوامه من الصباح لاربع العصر يجي يتغذا ويلعب كوره لحزة الاذان يجي يسبح ويروح المسيد ، يقعد ساعه وياي وساعات نص ساعه ويروح يقعد مع امه شوي يجي يوديني بيت اهلي ..
ارجع ع 12 او 12 ونص
نسولف نص ساعه ياخذ حاجته وينام
احس هالشي مأزمني ماشوف كثيييير والكوره يومياً ودي اقوله الاربعاء والخميس لا يلعب ابي اطلع معاه واحس بجو خاص بينا
هو يطلعني مابين وقت وقت بس احس ان هالروتين يذبح يعني مثلاِ حالي يصير كذا 3 اسابيع ماحس اني اشتاق لسوالفه والقعده وياه والسبب ان مانلتقي كثير عق نشتاق !!
والويك يقعد من 12 او 1 وانا بعدي نايمه .. هالشي غلط عارفه اني انام وهو صحى بس خلاص احس تعودت لان اذا فضيت اقوم انام في اي حزه حق يمشي الوقت

عشان كذا اكيد فيه ناس مثلي يحتاجون ( لتنظيم الوقت )

اتمنى تفاعلكم يا احلى كويتيات

صباح الخير
تنظيم الوقت صعب حيل
انا بطبعي احب النظام مو فوضويه
فا اقعد الصبح واغسل واغير ملابسي اقعد زوجي على مايغسل ويلبس اكون فتحت الدروشة ونفضت الفراش
اخليها من ربع ساعه الى نص ساعه ، تغيير الفراش كل ثلاث ايام
تنظيف البيت أنا تجيني خدامه نص دوام كل يومين تنظف الارضيه بشكل اوسع وتمسح حتى الكبت
أنا هاليومين امسح الارضيه الشقه كامله وابخرها وعندي فواحه للعطور أغسل الحمامات واذا في مواعين اغسلهم وهذا كله الصبح
عزكم الله الزباله اخلي خدامه حمولتي تقطعها برى هذا بالليل
يرجع زوجي من الدوام طبعا بأي وقت يرجع مرات العصر مرات يخلص اليوم ولا واشوفه
يتسبح وينام اذا رد مبكر يقعد يروح للنادي ويتعشى برى
بحكم دوامه ما اشوفه وايد ولا واطلع معاه
وقت العنايه بنفسي بعد ما خلص نتظيف الشقه الصبح اتسبح وأنام واقعد حسب النومه اذا رد مبكر اقعد اغير ملابسي واضبط مكياج واهو عمك اصمخ واذا مارد مبكر اسحبها نومه
عاد بعد ما اقعد أغسل الملابس واكويهم واطلب لي عشا او غداً من المطعم

*

حاولي تسوين لج جدول تمشين عليه علشان يتنظم وقتج

لو تسوين جدول يكون احسن

بالنسبة لي ماحب يكون الشي بجدول لاني راح امللللللللللللل .. فاخليه على حسب يومي وظروف اليوم

انا عندي شقة صغيرة ببيت حمولتي مافيها ميني كتشين
عبارة بس عن دريسينج وصالة وغرفة نوم وحمام جنب الدريسينج

كل يوم لما اصحى من النوم وكان ريلي صاحي طلع مشوار او راح الشغل او نزل عند اهله تحت
اقوم ارتب السرير اضربه عالخفيف ثم اعدله وانسقه وارتبه
اغير بطانية السرير كل اسبوع مرة
ولما ابدله ابخره
احط المبخرة داخل الفراش واسكر عليها حتى الريحة تنحبس وتلزق فيه
واهتم ان البخور يكون بارد وحلو وخفيف حتى مايخنق ريحته وقت النوم
وبقية الايام استخدم مخلط عطر مركز جفينشي شاريته من دبي اخلطه مع كحول وموية معدنية

امسح التسريحة وارتبها
امسح الكمودينو والابجورات من الغبرة
امسح الكبت والادراج
ورفوف العطور امسحها عن طريق الريش

الارضية امسحها مرة بالاسبوع لان تبقى نظيفة
واسويها لما ابدل غطاء السرير واخلصه مره وحده

والمرايا يوم اي يوم لا لان ماتتوسخ

الصالة يوميا ارتبها مرتين بالاغلب لما يقعد فيها ريلي او يدخل احد عندي ويحوسها هههه
انظف الطاولة الي فيها بملمع مرايا
والفضيات الي محطوطين بالديكور بالريش

وامسح التلفزيون بعد بالريش
واضرب الكنفات بالوسائد المحطوطين
وبعد الستارة لانهم ثقال
وافتح الدريشة واخلي الجو يتجدد
وابخرهم اذا الصبح بلبان ذكر عالمبخرة
واذا بعد الظهر صحيت
ابخره ببخور الي احبه وهادي

استخدم معطرات المفروشات من جلايد
او ايرويك

ومرات حتى ابخ من معطرات السرير مخلط جفينشي

الحمام ريلي ينظفه مرتين بالاسبوع لاني حامل صعب علي انظفه وماشاءالله عليه يخليه يلق هههههههههههههه

واحيانا لما اصحى بدري ومايكون موجود بالشقة
اترك خدامة حمولتي لوفاضية تنظفه …

لكن انا يوميا ارش ع الارضية موية وشوية ديتول وبعدها اجففها عن طريق الشفاط
وامسح المرايا لان مرات يجي عليها موية وتجف تسوي دوائر ونقط
واغسل الحنفية بليفة وغسولات جسم معطرة تنظف وتلمع وتعطي رائحة حلوة
وبعد اعمل نفس الشي مع مكان قضاء الحاجة واضيف عليه ديتول ملمع مستر مصل

قبل اسوي كل هذا وبعدين اخر شي اسوي الارضية حتى لما اكون كبيت موية عليهم انظفها مرة وحدة مع بعض

الزبالة الله يكرمكم ابدلها يوميا بكيس جديد والقديم اسكره واحطه بره بالمزبال الكبير لما انزل تحت عند حمولتي اخذهم بيدي
وهم عبارة عن كيس صغيرة تمتليء يوميا وتجدد بغيرهم جداد ولاننا اثنين تكون نظيفة تمتليء بالكلينكس او بالاوراق فقط

الدريسينج انظف مكان الرفوف بالريش
واستخدم الماكينة لان فيها سجاد كامل هناك مايصير نمسحه بمثل بقية الشقة الي سراميك

وهذا بعد مرة بالاسبوع

لان الشقة تكون نظيفة باغلب الوقت مايحتاج اسوي فيها شي

ياخذ مني هالشي ساعةونص

اهتمامي بنفسي
ادخل الحمام ابلل ويهي احط ماسك
اتسبح وهو علي
وانا بالحوض اغسله لما اخلص سبوح
واستخدم سنفرة او مرات بس اغسل ويهي بغسول

ارطب جسمي بكريم او بزيت جونسون للاطفال مع شوي مخلط خفيف وهادي

واجفف جسمي واستخدم مزيل رائحة وبودرة ع منطقتي الحساسة لماتكون مغسولة ونظيفة

البس ملابسي ….

ياخذ مني هذا ساعة

وابداء اتعدل بالميكأب ….. و ع حسب اليوم او ع حسب اللبس ياخذ مني

مرات ساعة ونص مرات ساعة ومرات نصف ساعة ومرات حتى بس ربع ساعة

ابخر الجناح وابخر نفسي بالعود المبخر من اجمل
وللغرفة بخور خاص فيها

وطبعا اكون سكرت الدرايش كلهم
حتى تبقى الريحة بالشقة

واشغل التكيف حتى تصير باردة

ولما اخلص انزل تحت واتركهم مشغلين
علشان اذا جى ريلي من تحت او من بره
يلقى الشقة باردة……

في امور ثانية اهتم فيها

مثلا تبديل روب الحمام الخاص فيه
ترتيب كبته
ترتيب ملابسه الداخلية الخاصة وغسلهم وتبخيرهم بالعود
تبخير الكبتات الي نحط فيها ملابسنا
تنظيف الثلاجة وتاكد من الاشياء الي فيها وتاريخهم
ترتيب الحمام لو مثلا الغسولات والسنفرات مسوين حوسة اعدلهم وارتبهم

وناوية اجيب لعمري منسق احذية
اصفصف فيها كل شوزاتي الفلات
الي استخدمهم لان ماستخدم الا فلات عالحمل ههههههههه الكعوب مالبستهم الا بداية زواجي :_(
للحمام ابخره مرات
ومرات استخدم له فواحة اشعلها لما انزل

سويلج جدول وامشي عليه

حاولي تسوين لج جدول تمشين عليه علشان يتنظم وقتج