|
|
السلام عليكم و رحمة الله و بركاته
فكرت افتح هالمووضووع 
لاني عن جد اعاني من ألم مو طبيعي اياام الدوره و الله يا بنات اصير مثل الجثه ما اقدر اتحرك من مكاان و بجي و صياح الم مو طبيعي في بطني و ظهري و احس جسمي متكسر..
يعني شي يلوع الجبد و كل شهر لي زيااره في المستشفى ..
فقررت كلنا نساعد بعض ..
شنو الاشياء المفيده اللي ناخذها ..
شنو الاشياء اللي توخر الالم .. وتخففه ..
وشنو البرنامج اللي اسوويه
واهم شي اللي يوخر العواار
واكووون شاكرتلكم من كل كل قلبي والله بدعي لهاا
اللحين على الابوااب جايه و انا ميته من الخووف تقوولوون ولاده
تظهر متاعب وآلام الحيض على كثير قبل وأثناء الحيض وتبدأ تلك المتاعب من أسبوع إلى أسبوعين وهي عبارة عن انتفاخ البطن وظهور حب الشباب والقلق والاكتئاب وكبر حجم الثديين وإرهاق تقلب المزاج بعض الضيق والغضب وتغيرات أخرى ويجب عليك إتباع الآتي:
1- ممارسة الرياضة والمشي لأن الرياضة تساعد على استقرار مستوى الهرمونات في الجسم.
2- تناول الخضروات مثل الخس والجرجير والكرنب والسبانخ.
3- تناول كوب من مغلي النعناع المحلى بالسكر ثلاث مرات يومياً
علاج آلام الحيض
آلام الحيض من أسبابها تقلص الأوعية الدموية نتيجة التوتر وأيضاً الانسداد الرحمي وأيضاً ضيق الرحم ولتجنب أو تقليل وتسكين آلام الحيض يجب إتباع الآتي:
1- دهان أسفل البطن بزيت الزيتون.
2- تناول مغلي بذور الحلبة.
3- تناول مغلي بذور الكمون.
4- تناول مغلي أوراق البقدونس.
5- تناول الرمان والمشمش الطازج.
يسلمو عالموصوع
باقي اسبوع ويع بالعيدد الله يعيني
انا سويتلي نظام او ريجيم قاسي ههههه
بس ماشي تماام معاي الحمدلله يبوووووي قبل
لازم ازور الطبيب عشان الإبره .gif "Eh S(2)")
شسويت قبل لاتجيني بيومين اخفف اكل حييييل
وامشي واايد قبل لاتشرف ,,
والعيش اقطعه مادري احس ارتحت عقب ماقطعته ايام الدوره
وجااي اعشااب ,, مردقوش وزعتر
شربي منهم كثر ماتقدرين ,, على الريق طبعا
و ورى الاكل بس الوجبه الرئيسيه الغيهاا اووكيك .gif "Eh S(6)")
يعني اكلي خفايف ,, اجبان ,, بيض ,,فطااير
اي شي المهم لاتثقليين
وبعد اليوم الثالث عادي اكلي دجاج مشوي بطاط اللي تحبينه
بس العيش نهيي ,, عن نفسي ماكله كلش بأيامها لان اذا كليته بطني تعورني
واذا حاشج عوار عطيها برووفين 
وقوليلنا شيصير معاج هالشهر
وسلامتج
.gif "Eh S(11)")
انا عن نفسي اكل حبوب مسكنة برويفنال 200 غرام
ومرتاحة معاها هي مسكن الاسنان لاي شي بس انا ارتحت معاها
وادفي نفسي واشرب شي حار ومرات حط كمادة بس صراحة ارتحت على حبوب
لدرجة تجيني قبل مااروح دوام تخيلي اكل حبة والبس وادفي نفسي
واروح لدوام وربي لاتعب ولاشي
معاناه واااااااااااي
هو تلحف هو لوعة جبد
والله انا ما احاتي الا يوم تشررررررررررررف
مالي خلق لها بالمرة
هو دوخة
هو بلاا
واااااااااااااي
اذكر مرة شربت دارسين و زنجبيل جتني بدون عوار ما شاء الله بس هذا كان قبل سنين طويله بس الحمد الله على كل حال
بس التعب و التوتر و ضيقه الخلق هذي لازم احس ان حيلي مهدود حتى لو ما راح العوار التعب موجود موجود