تغذية الطفل الرضيع

السلام عليكم بنات بغيت اسألكم عن افضل حليب صناعي للرضع لان بنتي اعطيها بيوميل وما احس وزنها يزيد ومدحولي حليب بتاميل كمفورت وببلاك ونان بأيش تنصحوني وشنو افضل اكل اعطيها بهلفتره عمرها 6اشهر عشان تمتن شوي واكون شاكره لكم

بروجرس احسن شي
و خلاص الحين دخليلها الخظار و العيش و عقب شهر دخي اللحم و الدياي و جبده الدياي
و عطيها صفار بيض مفيوح مخلوط مع جبن كيري
و توست و لبنه و زعتر مخلوطين بالخلاط
و كويكير اللي اهوا الشوفان حطيه بجدر صغير و خلطي مع الفاكهه و مايو يصير مثل السيريلاك

بس طبعا بالتدريج و شوي شوي تدخلين هالاصناف

الله يخليها لج يارب
انا بنتي ماشيه عالبيبلاك وطبعاً الحليب يفرق من ياهل لي ياهل
والشهر السادس بديت ادخل لها الاكل
خضار
فواكه المعلبات للاطفال والطازج
فارليز
عيش مطبوخ مع الخضار ومهروس بالخلاط
يعني بديت شوي شوي اخليها تتذوق الاكل

يعطيكم الف عافيه حبايبي وخلي لكم اعيالكم يارب

برفع لج موضوع عن اكل الاطفال من 6 شهور اقريه حبيبتي

أنا أعطي أعيالي سيميلاك كيو .. عن نصيحة من دكاترة ..

والأخت أللي مدحت بروجرس .. فيه دكتورة مامدحته لي لأن يحطون فيه زيت النخيل وهو أرخص نوع من أنواع الزيوت علشان جذي لاحظوا إن سعره أرخص من باجي أنواع الحليب للرضع .. حبيت أنبهكم !!!!