|
|
السلام عليكم
مبارك عليكم الشهر مقدما
عندي بعض الاسئلة وارجو الي عنده فكرة يفيدنا
1- التعيين الجديد للمعلم كم الراتب يكون؟
2- عندي مقابلة انشاالله واختبار في تدريس مادة الاجتماعيات شنو طبيعة اسئلة الاختبار ؟
3- عندي دورة قبل بداية الدوام شنو طبيعة الدورة وشنو المطلوب واين تكون
الرجاء عدم اهمال الرسالة
ومشكورين
2- السؤال الثاني ما عندي فكرة عنه .
3- الدورة خرابيط ما لها داعي يحاضرون فيها موجهين ونظار ومسؤولين من المنطقة يوضحون لج طبيعة عملج ( الأخوات في المنتدى مومقصرين ) .
السؤال الاول عن المعاش نفسه نفسه المعاش معاش المدرسه
السؤال الثاني عن طريقة الاسأله و االاختبار يسألونج عن كل شي يعني انا اسألوني اغلب الاسأله كانت عن الميداني و طريقة تحضيره و السلبيات و االايجابيات الي فيني كوني مدرسه متدربه
و سالفت الدوره ان شالله يحددون اهما
وكم يعطونا أعمال ممتازة ؟؟
لي الحين ما اشتغلت وأفكر بالمعاش …..
راتب المعلم واحد سواء اداب او تربيه وهو اول مربوط 858 دينار
بالنسبه لج اختي فبصراحه اول مره تمر علي خريجه من جامعه مصر شي غريب والله؟؟ مادري انتي اذا تخصصج ابتدائي ولا بيحطونج متوسط او ثانوي ….الله يوفقج يارب المقابله سهالات لاتحاتين
الراتب تقريبا ما بين 860 إلى 850
ومافي فرق نهائيا ما بين التربوية وغير التربوية
آنا مو تربوية وراتبي نفس التربوية بالتمام والكمال
الكل يتعين على الدرجة الرابعة والمعاش واااااااااااحد
3- عندي دورة قبل بداية الدوام شنو طبيعة الدورة وشنو المطلوب واين تكون
الدورة المنطقة التعليمية يعلمونج وين مكانها
وعادة ما تكون في مدرسة من المدارس التابعة للمنطقة التعليمية إللي تعينتي فيها
وبصراحة هي مفيدة جدا جدا للمعلمة إللي ما تعرف شي …
بس إذا تعرفين قوانين الإجازات والدوام وتعرفين طريقة التحضير راح تحسين بملل
وهي تنقسم لجانبين
أول جم يوم يتكلمون عن الجوانب الإدارية من الغياب والإستئذان والإجازات وتكون مشتركة لكل المعلمين والمعلمات الجدد إللي تابعين للمنطقة التعليمية نفسها ويحاضر فيها مسؤولين من المنطقة وعادة يكونون المرااقبين
والقسم الثاني من الدورة يتكلم عن الأمور الفنية مثل التحضير وطريقة الإعداد ((أمور تتعلق بمادتج)) هني يقسمونكم كل تخصص بروح ما تكون مشتركة لكل التخصصات ويحاضر فيها الموجهين الفنيين
موفقة يالغالية