تعلقت على ماتطلقت .حسبى الله ونعم الوكيل

شلونكم حريم شخباركم…….

ليش جذى الرياييل اذا كرهو الوحده كفرو يعنى الله قال امساك بمعروف او تسريح باحسان,,,,,,

وااااااايد سمعنا وشفنا قصص عن حريم ماتت وحيت على ماطلقها زوجها وتلاقين كله عله فى اعرف وحده زوجها علقها 10 سنين يالله طلقها وها شلون دشت على شخصيه كبيره بالديره زوجها يشتغل عنده وقالت له السالفه وانها مظلومه معاه وعندها عيال تبى اتعيش عشانهم لان متحكم فيها وفعيالها لى درجه بتروح العمره موراضى يجدد جوازها بتروح مع اخوها وزوجته
المهم هشخصيه ياب زوجها من عتراه والى ماسوته المحاكم ابعشر سنين سواه هالريال ابدقيقه وطلقها فعلا وخذاها هذه الشخصيه العوده ومشاله الله عوضها مليونير ومن الهوامير مو اى شي

انا مادرى ليش الرياييل يسون جذى خلاص مره ماتبيك ليش اتهين نفسك عطها ورقتها بدون لا اتشحططها وتفضحها والدقه اهو يعيش حياته طول بعرض سفر وناسه ودواوين وبر وهذه المسكينه عمرها كله يروح تنطر الفرج اه اه اه

ومرات يتزوج ويعيل واهى معلقه…….

شرايكم بنات بلموضوع شنو القصص الى سمعتوها اوعاشرتوها وصار معاهم جذى؟؟

انا عايشة هالمأساة الحين

معلقه في بيت ابوي

حسبي الله نعم الوكيل

راااد لنفسيه هالريل ..وحسن اخلاااقه او رداته..

الله يكفينا الشر ويستر علينا ومايحوجنا لهالامور يارب العالمين.

إي مار علي هالحالات صج ماعاد في رياييل بس أنا أقول لو المرأه تحره تسوي كل شي مايرضيه طبعا مايكون حرام غير التشرشح في المحاكم بعد أتوقع بيتوب ويطلق شرايكم؟؟

واله انا الحاله الوحيدخ اللي مرت علي من هالنوع الريال هو اللي كان معاه حق

المره شرشحته مسكين ووايد فسلته حدام الناس مع ان ولد عايله وخوش وليد بس هي مااااااااااااا خلت شي فيه ماسوته ( مابي اخوض بعرض احد الله يستر على بنات خلق الله )

وبس علقها كنوع من العقاب ورد اعتبار

الله يعينهم ويفرج كربتها ويمسح على قلبه (زواج المصلحه ومايسوي )

الله يعينج حبيبتى وينصرج عليه انتى كله قولى عدعاء ترا وايد زين اللهم اجرنى فى مصيبتى واخلف لى خيرا عنها

مادرى مافهمت عليج عدل بس فى ناااااااااس تخاف ماتختشيش على قولتهم

اكو ناس ماتيى الا بالعين الحمره ماينفع معاهم الطيب فتضطرين انج تشرشحينه بالمحاكم لانج انظلمتى خاصه اذا انتى ماسويتى شي ومن اول ماخذاج ونفسيته زفت معاج

يعنى على قولتهم ماشاف خيرج من شرك اهو امعقد خلقه وطاح ابجبدج

صح في وايد رياييل جذي

بس خو في حل وله شحقه في خلع للحالات الي مثل هالريال

انا من وجهت نظرى كافى ان يطلقها وبسرعه البرق بعد عشان اتعرف ان مومتمسك فيها وورقتها اهى اكبر درس ورادع الله فوقها وكفيلها

كل شي ينحل بالتفاهم واذا السالفه صار فيها عناد عمره مارح تنحل الامور :
وحده قريبه عليناا حيل عندهاا 6 عيال 19 سنه متزوجته ومتحمله بخله وطقه ولسانه الزفر وتوه قبل 4 سنين هدته وبالغصب طلقهاا وتوهاا تشوف حياتها !

مااقول غير حسبي الله ونعم الوكيل في كل رجال مثل هالطينه ..

وااااااااااى وعليه اتحسين توه اتشوف الدنيا حتى نفسيتهم اتغير الى مرو بهظروف

حسبي الله ونعم الوكيل
في وايد صججججج من هالطقه
لايرحمون ولا يخلون رحمة الله تنزل

صراحه انا اعتبر اللي يعلق المره مو ريال ونذل .. يعني شنو هالحقد هذا ما تبيها طلقها خلاص خل المره تشوف حياتها

لا تذكروني بــ آلذي مضى ..~
حسبي آلله فيه ونعم آلوكيل ..~