تعقدت من قسم الحياه الزوجيه :'(

السلاام عليكم والرحمه ♡♡
انا عضوه يديده وياكم بس متااابعه يوميه تقريبا
امبيه بنات والله تعقدت

من المواضيع اللي اقراها قمت احس ان محد فيه خير
وكل الرياييل شينين حتى ريلي قمت احط ابالي ان بيي يوم وبيخوني ..

وقاعده احاتي لما اولد والاربعين وفترة نفاسي
ولما اقرى موضوع حييييل اتاثر و اقعد مطنقره واتخيل ان ريلي يسوي فيني جي
رااح اجرم فيييييه
لي درجة ماودي يمسك فونه احط ابالي ان قاعد يسووووي شي غلط

نوروني

مريت بحالتك ببداياتي

بعدين خلاص صارت عندي منااعه

بس اول زوااجي كان يضيق صدري واكره الرجال

بعدين الحمدالله صار ماعاد يهمني وبالعكس استفيد واحاول اتعلم

انت حاليا فتره حمل والمشاعر تتلخبط وتكوون الحامل حساااسه ومتوتره
تولدين بالسلامه وترجعين لطبيعتك

بالعكس قسم حياة الزوجية
علمني شغلات وايد واستفدت حيل والخوات العضوات ما قصروا
قاعدين يعطون من وقتهم وافكارهم ونصائح مفيدة ينصحون ونصبر بعض

ههههه ماالومك

صح كلامج وانا تقريبا معضم وقت فراغي اشوف مواضيعه لكن مع هذا المشاكل تشيب الراس

صح لأنو هي مشكلتنا نحنا الثقة العمياء بأزواجنا خلتهم ياخدو راحتون
بس القسم كتير حلو كمان في شغلات حلوة بتعلم وبتساعد وبتسلي كمان
لا تحطي ببالك وتولدي بالسلامة

بالعكس حبيبتي الواحد يتعلم من دروس غيره

وعلى فكره ترى مو كلشي تقرينه اتصدقينه في وايد عضوات الله يهديهم ينزلون مواضيع وهميه
مرت تقول طلقني ومره تزوج علي ومره انا بنخطب وتلاقينها بنك واحد وكل مره لها سالفه

ههههه نفس ماقالت باتشولي ساعات سكون تأليف بتأليف

واذا كان صج تحمدي ربج وقولي الحمدالله الذي عافانا مما ابتلاهم واستودعي زوجج الله

اخذي المفيد وتركي الباجي ولاتحطين ابالج هالشي عيشي ايامج وحطي ثقتج بالله وتركي المستقبل بيد ربج واهوه كفيل بكل شي سواء زين وله شين والواحد مايظمن يعيش لي باجر علشان يحاتي باجر تعوذي من بليس وماكو اله العافيه

فترة النفاس لاتبتعدين عن زوجج وايد وخلج مرتبه كل مايكون عندج وسمعيه على طول كلام حلو ولا اتحاتين حبيبتي

اتصدقين عاد يا صاحبة الموضوع انا مثـــلج بالضبط احس تعقدت دايم افكر واخاف بيوم يخوني الله لا يجيب هذا اليوم
ياربي

كنت بعرض مثلج بنفس الموضوع اللي طرحتيه بس زين طرحتيه يعني مو بس انا افكر بهذا التفكير في غيري مثلي هههههه
بس تصدقين بنفس الوقت استفدت اشياء وايد من هالقسم حاولي تستفيدين وتركي عنج اتفتيش من ورا زوجج صدقيني كنت مثلج
بس الحين من الردود بطللت ههههههه يمكن الحمل له دور

هههههه
عادي مو لازم تقلبين المواضيع و تطبقيها على حياتك
كل زواج في له ظروفه
وانشالله ماتشوفين شر

انا بعد مثلج قمت اخاف وااايد بس تصدقين هالخوف و مشاكل العضوات قامت تعلمني اخطأ غيري عشان انا مااقع فيها بالعكس صج بتخافين بس بتتعلمين

يعنيي مو بس انا اللي متأزمه لووووووول