تعرفين دكتور جلديه حق اكزيما الأطفال؟ دشي بلييييز

دكتور جلديه اطفال مادري
بس بنت اختج جم عمرها ؟
انا كنت صغيره بس مو وايد يعني بالمتوسط وطلعت فيني وعالجت عند الجريوي كان شاطر
الكريم قصدج اسمه القسط الهندي ؟؟
هذا يمدحونه ومذكور عن الرسول عليه الصلاه والسلام بس بصراحه ماجربته

حبيبتي والله
ما تشوف شر ان شاءالله

انا بنتي من صغرها ليما الحين عمرها سنتين ونص واهيا حساسيتها بزيادة والاكزيما حادة عندها
وما خلينا شي من كريم ولا مرطب ولا لوشن ما نفع

ووديتها دار الشفا والله عطوها شراب ماادري شسمه ماشاءالله من مرتين ثلاث اختفت بالمرة طبعا اهي ترجع بس بعد مدة طويلة وايد ، قالو فيه كورتيزون بس عمتها شافت المكونات وقالت مافيه شي !!!

الصراحة كنت بعطيها منه هاليومين لكن ما ينصرف الا بوصفة

بس عموما دكاترة اطفال دار الشفا زينين وايد

وسلامتها حبيبتي

بعد قلبي ماتستاهل والله الاكزيما عذااااااااااااااااب انا جربتها من عمر طويل

انا كله آخذ ابر من بو حمرا

والله بالنسبه للاطفال ما ادري

بس وحده من الاخوات حطت موضوع حرمه تعالج الاكزيما وحتى الصدفيه انا اقول اخذي الياهل عندها تعالجها بإذن الله

جربي مو خسرانه قطعت قلبي والله

شوفي حبيبتي لما كنت في النفاس عقب ما ولدت ولدي لاحظت الأكزيما في وجهه ومصافط جسمه ووديته عند دكتور المستوصف ونصحني نصايح مشيت عليها وطبقتها بعد مع بنتي الثانية اللي فيها أكزيما بعد والحمد لله إختفت إلى اليوم بس بعض المرات ألاحظ شوية جفاف في جسمهم في أيام الغبار بس وأرجع أطبق نصايح الدكتور بدون أدوية ولا كورتيزون لأنه خطرررررررررررررر ….
النصايح هذي يكون تأثيرها خفيف على الجسم في البداية بس بعدين مع الإستمرار تلاحظين الفرق وتختفي الأكزيما إن شاء الله …
أول شي لازم على طول يكون جسم المريض نظيف ورطب يعني مغسول بماي بس بدون صابون نهائي وممكن صابونة سيباميد الأطفال كل أسبوعين مره ويندهن بأي مرطب للجسم بدون عطور وأنا أستخدم لوشن سيباميد وفي بعد مرطب طبي يصرفونه في المستوصف والمستشفى وايد روعة … حتى لما قلت للدكتور صعبة أسبوعين بدون غسيل بصابون رد علي وقال لي إذا تبين تردين صحة ولدج طبقي اللي أقولج عليه بحذافيره بدون نقاش … وحطي باديه فيها ماي بكل غرفه يكون المريض فيها علشان تخفف الجفاف بالغرفة … ودققي بأكله وإبتعدي عن كل شي يسبب له الأكزيما … ولا تنسين تدعين له وتقرين القرآن عليه وأنت تغسلينه وتدهنين جسمه ولا تخلين الخادمة تلمس جسمه … لأن هذي مهمة الأم بس …
والموضوع يبي له طولة بال …
والله يشافي كل مريض يا رب …

حواء الكون تسلمين حبيبتي وانشالله بشوف الموضوع بلبل حياتي المشكله ان جسمها ما يتحمل مسكينه وين فيها حيل عندها حساسيه من أشياء وايد مشكورييين حبايبي على مروركم

[B]صباح الخير كيف الحال حبيبتي حماي صار فيه اكزيما لعبت فيه لعب وماخلا طبيب ما راحله مافاده العلاج حتى لندن راح عالج فيها على حسابه اخر شئ راحت خالتي لحواج معروف بالجهراء وقالها عليك بالسدر خل يتسبح فيه قامت تضحك خالتي عليه تقوله علاجات الدنيا مافادته واتقولي سدر قالها جربي وشوفي وفعلا من استخدمه طفت الحكه وراحت الاكزيما منه بس ليما الحين عليها مايخليها لانه ارتاح وايد عليها — اما الكريم اللي تقصدينه بالسعوديه اخذ اسمه من اختي واكتبه لك وبالشفاء انشاءالله[/B]

جربي هالكريم وحده من جماعتنا ولده 2سنه الأكزيما بوجهه ومافاد فيها كريمات وعطاها دكتور بدار الشفا هالكريم وتمدحه حيل

الماركهtriderm
النوعcorpo

بس سألي عنه لأني ماجربته كنت أبيه حقي لأنه فيني أكزيما بوجهي

حبيبتي والله بنت اختج … ما تشوف شر ان شاء الله
حبيبتي انا امي جذي معوره قلبي ما بقى باب مستشفى ما طقينه بابه …
وما بقى عياده خاصه ماطقينا بابها وماكو فايده مره تخف ومره اتزيد وتنتشر بأماكن ثانيه …
انا امي فيها في قاعه ريلها وفي جف ايدها من داخل والله انها ما تقدر اتنام من الحكه واصرخ عليها من كثر ما قلبي يتقطع واقول لها لا تحكين تقول والله ما اقدر غصبن علي …
اقولها لج خاااص لالالالالالالالالالالالالالالالالالالالالا تروحين بوووق في بوووق
وكل دكتور يشخص على كيفه … وبس يبون يسحبون منا فلوس والله …
امي اخر الاايام راحت المستوصف مه خالتي وعاطاها ادويه والحمدالله قاعده اشوفها تخف عليهم …
وامس كنت عند مرت ابوي والا تقول لي ولد اختها فيه اكزيما في ويهه وكل جسمه والحين راحت نهائيا بس بقى الاثار ودقت على اختها وعطتني اسم الدكتور اومكانه وانا اكيد ما راح ابخل عليج وبقول لج عنه
بس تكفين ما ابي غير الدعاء لأمي ولي من كل قلبج وان شاء الله انا ابي بتروح له باجر …
الدكتور اسمه اسامه البقصمي في مستشفى ( الامراض الساريه ) للي يم دوار لعظام …
وتقول اذا ما حصلتيه تلقينه في الجناح الرابع في نفس المستشفى
روحو له وقولولي شنو يصير معاكم ضروري حبيبتي …
والله يشافي كل انسان مرض يا رب …

مشكووووووريييييييييين بنات ما قصرتوا لا خلا ولا عدم
قطوة مشكووره حبيبتي وعسى الله يشافي امج ياااارب وياريت اذا راحت له امج تقوليلي شصار معاكم
انحنا تونا رادين من الشاليه وذاك اليوم سبحتها بالبحر وقلنا حق ابوها ياخذ وياهم ماي بحر بعد عشان يسبحونها فيه وانشالله يكون فيه العافيه
والله يشافي كل مريييض يارب ويبعد عنكم وعن كل المسلمين شر المرض قووولوا امييييييييييييييين

تبين شي مجرب ؟؟

دم ضب اي لاتستغربين

ولد عمي فيه اكزيماا قام يمسح ايده يوميا بدم الضب

وخفت حييل على كلام امه

الله ىيشفيها

لا لاتحاتين ولد اختي جذي والله جنه ويهه محروق ويقطع القلب
والله والله راح للجريوي تعرفينه اكيييد يمكن مره او مرتين وتبارك الرحمان ويهه رد مثل اول واحسن وماتشوف شر ان شاء الله …
واتمنى اكون افدتج