تعرفين احد ياخذ حبوب السيولة الوارفرين ضروري الله يخليكم

أنا سويت عملية قلب مفتوح ( تبديل صمام ) وكتب لي الدكتور على الوارفرين المسيل للدم

مدى الحياه . المشكله بالاكل لان الحبوب هذي تتفاعل مع انواع معينه من الاكل اللي فيها

فيتامين ك مثل البقدونس والخس . مشكلتي أنا دقيقه حييل فصرت اخاف من الاكل فصمت

والحين نزل وزني مع فقر دم ولما سألت الدكتور يقولي اكلي كل شي …..وانا محتاره وخايفه

فاللي تاخذ هالحبوب او تعرف احد ياخذها تساعدني بنظام الاكل ……

ساعدوني الله يخليكم

يدتي تاخذها وماشالله عليها تاكل كللللل شي
بس كل شي باعتدال لا تحرمين نفسج من الاكل موووزين ولا تكثرين

جسمج يحتاج هالاكل اذا ماكليتيه بتطلع لج مشاكل يديده بس لازم ماتكثرين
اذا كثرتي يتفاعل مع الدوا وياذيج يعني مو تطيحيله بسلطه سبانخ لان متروسه فيتامين k
ولازم ماتقطعينه يعني سلطه سبانخ حطيتيلج صحن و كليتيه خلاص كافي جسمج امتصه و راح
مو تحطينلج صحن ثاني و ثلاث لا راح يتراكم و يتفاعل مع الدوا
واذا حرمتي جسمج راح تمرضين انتبهي لاكلج
و سئلي دكتورج اكثر جمعي الاسئله و روحي
اي و عصير التوت لا تكثرين منه

مشكوره حبيبتي ع الرفع

ربي يشفي جدتج ويحفظها

مشكوره روز على النصيحه

انا سألت دكتوري يقولي اكلي من كل شي بس باعتدال لكن المشكله فيني انا خايفه ومعطيه

الموضوع اكبر من حجمه

‘طبعا اهم شيئ تبتعدين عن الغريب فروت لانه ما يصلح ابدا مع الوافرين . والشيئ الثاني معروف الخضره العدو الثاني للوافرين الا اذا اتبعتي طريقه معينه انج تاكلين نفس الكميه طول العمر ……….طبعا سالي دكتورج عن هالاشياء

السلام حبيبتي انا بعد توني مسويه عمليه تبديل الصمام
و الحمدالله انا من قبل ما احب شي اسمه خضار بس احب الورق عنب و الجاي الاخضر و هم هذيلا من ضمن اللسته
انا قالولي بآمريكا عادي تاكلين كثر ما تبين بس بانتظام يعني مثلا كل اسبوع نفس الايام و نفس الكميه …
طبعا هدا شي صعب ف انا ما قاعده اسوي هالشي بس لمه اكل الاشيا اللي فيها فيتاكين ك ما اكثر