|
|
بدخل بالموضوع على طول وبدون مقدمات اليوم وانا اتجول بالنت لقيت صوره نرفزتني الصرتحه
انا شخصيا مو وع هذا الشي
عندي ما اتزوج طول عمري ولا اتزوج واحد عنده زوجه وبالنسبه لي هذا الشي غلط وظلم للزوجه الاولى
بنات ابليز ابي كل وحده فيكم اتقول رايها مع ولا ضد وليش
انا شخصيا اعذر الزوج انه يتزوج في حاله وحده انه يكون عنده سبب مقنع مثل انه تكون ما تيبت عيال واهو يبي يكون جذي حقه او تكون الزوجه مريضه من ناحية الفراش مثلا وما تقدر تعطي الي يبي اهني اهو يقدر يتزوج لكن عبط وبس ابي اتزوج انا اعرف وحده رفيجتي كانت مخطوبه وقالها خطيبها انا تره يمكن اتزوج عليج ويوم قالتله ليش قالها بس جذي انا ابي يكون عنجي اكثر من زوجه الصارحه عبط وعذرهم الله حلل هذا الشي ليش انتي اتحرمينه
المهم انا اندمجت لانه من صج الموضوع يقهر وللمعلوما ت انا مو متزوجه عشان لا تقولون انتي اتقولين جذي لانج متزوجه
المهم الحين دوركم
انا اعرف واحد كثرت فلوسه وكثرو حريمه مع الفلوس تحسينه انه بس جذي يحس انه شهريار على غفله
عنجي = عندي
الصارحه = الصراحه
اشلون والي شرعاه رب العالمين؟؟
مشكلة هذا الموضوع في أهواء شخصية وعاطفة وليس نقاش علمي
وتحييز أيضا فطريقة طرح الموضوع يا عمري غلط
والنقاش أصلا مبين اشلون راح يكون صاير
استغفر الله
مشكوره حبيبتي ام زاكي على المشاركه
الله يوفقج ويرزقج وينولج الي في بالج اللهم امين
اذا المره فيها عيب !
و هالريال قالها و نبههآ آكثر من مره و اهيه مو راضيه تتعدل
و بعد التهديد من الريال انه اذا مآ تسنعت رآح يتزوج عليها > هني الصراحه الريال مآ ينلآم ! : )
بس اذا الريال بس جي يبي يتزوج
اذا قلتيله شنو السبب ؟ يقول بس جي البنت مآ فيها شي
بس بتزوج عليها > هني آنآ آرفض بشده :@
وايد حريم صار لهم 10 و15 سنة مايابوا عيال وماتبي زوجها يتزوج عليها
وايد حريم مهملات وماتبي زوجها يتزوج عليها
وعندي الزواج ولا الخيانة
الخيانات منتشرة وايد ليش لانه حرم ما احل الله
الرجل بطبيعته يحب التعدد منعتيه من الزواج بيكلم بنات مو مشكلة
و لي صارو الحريم مثل زوجات الرسول و الصحابيات يخافون الله و ما يشيشون الريال و تخاف الله بالزوجة الأولى
و لي صار الزواج و الطلاق مرن مثل ذاك الزمن
و صار المجتمع كله مجتمع مُربي و خلّاق .. اليهال ما يضيعون فيه في غياب الزوج
وقتها .. نقول "نعم للتعدد"
لكن .. في زمن الريال ما يخاف الله .. ولي هو خاف الله ما يدري شنو اللي له و شنو اللي عليه
في زمن الحريم صارو يخرعون .. و الشريجه هي عدوة لا محاله تحاول تستملك و تستفرد بالرجل
في زمن .. الزوجه ما تدري شنو حقوقها .. و لي درت شنو حقوقها .. فحقوقها مهدرة
و اهي اللي تصرف و تجابل و تربي و تشيل و تحط .. تصير اهي الأم و الأبو
في زمن الزواج من ثانية لابد إن يهدم بيت الأولى و يضيع عيالها
شلوووون تبونا نرضااا بالتعدد ؟
شلووووووون
بالأول حطو الأسااااس .. حطو الأخلاااق .. حطو الدين بالبشر
بعدين قولو تعدد !
ثانيا التعدد من حق الرجل لكنه مو فرض عليهم
و الله سبحانه و تعالى ذكر انه العدل بين الزوجات صعب جدا ما يقدر عليه كل ريال اذن التعدد فيه حكمة من الله سبحانه بس هذي مسئولية كبيررررررة و الريال محاسب فيها يعني مو عبالهم انها ميزة لهم
ثالثا انا ماني فاهمة ليش الريايل حاسبينها سلطة بيدهم يهددون فيها المرة … ليش اهو اللي كامل يعني؟
رابعا اذا اهو من حقهم ( وهو فعلا حقهم) ليش يضغطون على المرة علشان تتنازل عن اهم حقوقها؟ المرة تشارك بالمصروف و السكن و العيال و حتى تصرف على نفسها و اذا قالت ابي حقي وانت لازم تصرف علي اطلعت مو زينة وما توقف مع الريال و يقول انا منصدم منج و يعملها ازفت معاملة يعني منجرح الاخ … انزين ماهو هذا حق و هذا حق ليش المرة تتنازل عادي عند الريال ( و جان زين فيه تقدير ) و هو اذا بيتزوج قالها بالفم المليان هذا حقي
خامسا الحين في زمانا هذا المرة تتحمل مع الريال كل شي من مصروف و عيال و خدم و تدريس و طبيب يعني الاخ غاسل ايده و فوق هذا تتحمل معاملته الجلفة و نفسه الخايسة و تفضيله حق اهله و ربعه و هواياته عليها و طبعا حقها الشرعي تاخذه متى ما سمح مزاجه التعبان … باختصار ريايل هالوقت مو معطين زوجاتهم حقوقهم كاملة و المرة متحملة و صابرة و راضية بالقليل اللي يوصلها هالمرة اتيي وحدة ثانية تشاركها بهالقليل اللي عندها؟ يعني اذا اهي بروحها بحياته و مسكينة راضية بالفتات اشلون اذا يات وحدة ثانية شاركتها بالفتات الصراحة مو عدل نهائيا
لما الريايل يصيرون ريايل خل يتكلمون بحقوق الريايل