|
|
هذا يلي كنت انا اخاف منه ابني حياتي الزوجية ويجي الله يذكره بالخير بعلي ويدمر
المرة الاولى اخذ ذهبي نصفهم وباعهم والحين اخذهم كلهم وباعهم
طيب انا ويش سويتله لياخذ حقوقي
لا والقهر يبيعهم لان اهله في ورطة ويحتاجون فلوس عشان كذا ياخذ من وراي من دون علمي
فزعتكم يا بنات اقول لاخوه الكبير ولا اشتكي لربي عشان يجبر بخاطري ويرزقني خيرا من كل يلي فقدته
اخاف اتكلم واسبب مشاكل ولا اخوه ما يتفاهم معه ترى في الاخير ما اريد ادمر حياتي بالعكس بحافظ عليها لين ما اموت
بس بشو تنصحوني لاني والله تعبت وقلبي يشب نااااااااااار
الله يعوضك يا قلبي على ما فقدته ويصبرك ان شاء الله
تحياتي نفسي بيبي
زوجج يقهر
ليش تكلمين اخوه ؟؟؟؟؟؟ كلميه اهو قولي له تعال يافلان انا شكو تبيع ذهبي؟؟؟؟؟
شقول لج يعني ؟؟ عورتي قلبي – شلون يعوضج غيره ؟؟ ماقول الا الله يهون عليج ويمسح على قلبج
طوفيها وانسي بعد شتسوين
مفروض يطلب منج ان رضيتي خير وبركه وان مارضيتي حقج وحلالج انتي حره فيه
صج شي يحرق القلب
انا اقول لاتكلمين اخوانه وكلميه اهو واحتسبي الاجر عند الله لان ريلج ماراح يرضيه هالتصرف وماتدرين شنو راح يسوي
وفوق هذا يمكن اهله مايصدقونج ..
كلميه اهو وزفيه شكو ياخذ ذهبج
المهر من حقها واهو دفع فيها المهر وتزوجها مو من حقه ياخذ منه ولا فلس وماتعتبر فلوسه عشان اي ياخذهم بدون استذان لازم يستأذن عالاقل مو من كيفه ياخذ ويبيع عشان اهله ؟؟ اهيا مو ملزومه فيهم ولا سبيل
يا انج تغصبينه يردهم وتهددينه انج ماراح تسكتين
يا تسكتين وتسالين ربج يعوضج خير
بس خل اقولج شغلة
الريال مايتجرأ ويسمح لنفسه بهالحركة الا لأنه يعرف زوجته تسكت وماتتكلم وطيبة
خليج قوية المرة القوية والذكية اهي اللي تخلي زوجها يحسب حسابها باي خطوة يسويها
انا لأن طبعي ماأسكت عن الحق زوجي ندم لأنه ورط نفسه بسوالف وساعد اهله على حسابه وحسابي وحساب بيته . . ودايما يتأسفلي عن هالشي
اما اذا يعرفني اسكت وعلى نياتي بيكرر الغلظة مرة ومرتين ليما يغرق ويغرقنا معاه
الحل بيدج .. لاتسكتين .. انا والله ماأحرشج عليه بس هذا حقج وانتي انسانة لها كرامة ولها مشاعرها واحتياجاتها
حبيبتي ذهبج طايح عنده بدون حسيب ولا رقيب
وعلي فكره الشيطان شاطر ذهب جدامه وهو محتاج شنو بيسوي
ويشوفج انج ما تلبسينه فقال بحطها بلامر الواقع
والله يابنات الذهب ما ينحط جدام عين الرجال
دربالكم يابنات والله نصيحه لكم بعد
وعلي زوجج صح المفروض ما يتصرف فيه بس خلاااص الي راح راح
كلميه هو شكووو اخووووه (اذاكان هو يستحي من نفسه راح يطيب خاطرج وراح يسوي الي راح ترضين عليه واذا ماكان يستحي ولازم احد يخوفه او يفشله قووولي لأخوه____والله يعينج حبوبه ويصبر قلبج
الله يصبرني ويخفف عليا يارب
ويهدي عله يبطل هالعادة الشينة ويعوضني عن كل ذهب اخذه مني
ياخوفي بس الوالدة تعرف لانها راح تشب حريقة فوق راسي
بس سكوتك عن أول مرة ،، هو اللي خلاه يتمادى ثاني مرة !
ودامه مو ثقة ، لا تخشين الذهب في بيتكم !
واسمحيلي لو انه طالبه منك ميخالف ! من حقك توافقين او ترفضين !
بس مو بالغصب !!
|
المشاركة الأصلية كتبت بواسطة .,،:"$الـعـوبــــة$":،,.
 الله يعينك !
بس سكوتك عن أول مرة ،، هو اللي خلاه يتمادى ثاني مرة ! ودامه مو ثقة ، لا تخشين الذهب في بيتكم ! واسمحيلي لو انه طالبه منك ميخالف ! من حقك توافقين او ترفضين ! بس مو بالغصب !! |
نفس الكلام ولوقلتي لخوه تكبر المشكله
احسن شيى تفاهمي معاه
والله يهديه
وعموما تفاهمي معاه بهدوء وقوليله ما يكررها والله يصبرك