تعبنااااا متى يطبقووون قانون المعاقين

السلام عليكم

بنات طقت جبدي صج صبرنا صبرنا وقصوا علينا بالجرايد خلاص وافقوا على القانون من مارس ليما الحين ما تطبق بس حبر على الورق

انا ارعى معاق اعاقة حركيه كامله وباخذ تخفيف ساعات عمل بس خلاص احس بضغط مو طبيعي وماقدر اخذ التخفيف قبل مايقرون القرار لانه فيها خصم

تعبت يا بنات والله ماقدر اداوم جذي

اسمالله علييج من التعب كله هذا أجر ان شاء الله
بخصوص اعفاء السااعتين روحي سويهم أنا سويتهم وخلصت ولا يقولولج ليلحين ما في شي أنا سويتها وخلصت وخلال اسبوع طلعتها بس يبيلهم رياااال علي رووسهم أنا ريلي راح لهم ودش بخشومهم والله بسبوع خلصت والحمد لله انا اداوم وماخذه اعفاء الساعتين والللي أعرفه ومن كثر ما أروح لهم كل شي ورا العيد وان شاء الله نخلص من هالووويه بس الاعفاء سويييه عادي وتوكلي علي الله وربج يسخر لج عيال الحلال وتخلصيين
وما يشوف شر وليدج حبيبتي

جزاكي الله الف خير لولو بس بشريني فيه شي جديد ردي علي عسى الله يشافي مرضاكم

اقتباس:

المشاركة الأصلية كتبت بواسطة بنت صباح الناصر جزاكي الله الف خير لولو بس بشريني فيه شي جديد ردي علي عسى الله يشافي مرضاكم

يا بعد قلبي والله مافي شي ليلحيين والله أنا مثلج انطر اي خبر يطلع بالجرايد والله انا ابي اتقااعد ولا ابي الدوام أبي اجابل ولدي وبحط كل وقتي حقه بس كل ما أروح اي مكاان يقولولي ما يانا شي من المجلس الاعلي افا علييييج بس يصير شي ابلغج علي طول 00 اللحين بس يمشون أعفاء الساعتين اذا تبين اعفاء ولا تحاتين تري انا بين قتره وفتره لازم نمر علي المجلس الاعلي نشوف لي وييين واصلييين مع هالقانون وربج كريم ان شاء الله وفرجها علينا وشافي عيالنا يارب
قولو امييييييييييييييييييييييين

اختي لولو بس لو تقولين شنو الاجراءات اللي سويتيها و وين رحتي بالضبط و متاكده ان الاعفاء بدون خصم و الا لا؟؟؟ عفيه ردي علي

وبعدين وش صار على قانونهم ماصااااااااارت حطووووووووووووو رئيس وريحونااااااااااا والله طفشنااااااااااااااا

توه المدير متعين

ان شاء الله ورا العيد الفانون يتفعل

احنا بعد ننحرج اذا يونا المراجعين ويسالونا طبقوا القانون نقولهم للحين لان هل الشي مو بايدنا بايد المدير

افهم من كلامج حبيبتي انج موظفه بالمجلس الاعلى؟؟

الله يعين ياحي ياااااااقيوم الي عنده اي اخباااااااار يبشرنااااااااااااا الله يبشره باالجنه

هلا والله فيييج يالغاليه اي حبيبتي والله ما يخصمون انا ماخذه اعفااء وخلصت اوراقي كلها ولا طول معااااج لما طلعين الاعفاااء وتروحين الدور الخااامس عند المراقب محمد رشيد المطيري قدمي الطلب وقولي لهم ابي الاعفاء وانا كتابي طلع بتاريخ
29/6/2010
ولا يقولولج مافي شي ليلحيين تري بس اعفاء الساعتين مطبقينها من القانون
وانا رحت وزارتي وتاكدت انه ما يخصمون بس لازم تيبين كتاب من المجلس الاعلي حق دوامج علشان أهنيييه ما يقدرون يخصمون عليييج واي استفساار انا حاااضر يالغاليه

هلا وغلا فييييج أخت (روحي)
اتمني حبيبيتي انج تكونيين معانا علي الخط علي طول وجزااج الله الف خير

فديتج لولو الله يجزاج خير والله اني محتاجه هالاعفاء ابي اجابل ولدي الله يشفيه .. حرقتني مصاريف اخصائية التخاطب و انا اقدر اسوي اللي تسويه بس ماكو وقت اجابله … الله يشفيلج مريضج و ولدي امين يا رب العالمين

لولو حبيبتي القانون ليما الحين ما تطبق وحتى تخفيف ساعات العمل ما تطبق بشكل فعلي

انا اخذت الكتاب من المجلس ويوم رحت للوزارة اللي اشتغل فيها قالوا لي القانون ما تطبق ليما الحين والورقة مامنها فايدة وقالتلي الموظفة لو ابي تخفيف ساعتين بيكون بخصم .. هذا انا ادري فيه من قبل بس ماقدر على الخصم عندي مصاريف

ليما الحين الكتاب عندي وتوني راجعت قبل الرمضان الوزارة يقولون القانون ما تطبق يمكن على شهر 9 او 10 بس صراحه لاعت جبدي كل مره يأجلون هو من 3 قارين اذا مو قد قرارات لا يعشمونا

هلا فييج حبيبيتي
لا يالغاليه انا ماخذه اعفااء الساعتيين وخاالصه وكتابي طالع من تاريخ 29/6/2010
انتي وزارتج ما طبقته انا وزارتي الحمدللله ماشيه بهالقاانون واروح الدوااام واطلع السااعه 11 الظهر
وفي واايد قرارات لحد الان ما تطبق عليها القانون وانا رايحه المجلس وقايلين ورا العيد راح يبلشوون فيييه وان شاء الله يطبقونه

ما قصرتي حبيبيتي احنا خوااات ونساعد بعض 000والله صح كلامج ما عندنا وقت نجاابل والله يعينا مدارس قربت يهااال وبييت وداومااات ولدي هااادي والله صج يبيييله وقت برووحه بس والله ما تقدرييين
ان شاء الله اتقااعد علشاان أجاابل ولدي وافتك من حنت هالدوامااات ليش طالعه وليش متأخره 00 والله انه ولدي بروحه مرااجعاااته يبيييلها وقت وتطلعيين مبجر من البيت ولا تلحقييين علي الموعد
الله كريم ان شاء الله يارب وسهل أمورناااا وفرج همومنااا ويشفي عيالناا يارب