تعبت من امس قلبي يعوورني ما ادري شالحل؟؟

شلونكم
راح ادش بالموضوع علطول
زوجي ياني امس واعترفلي انه يكلم بنات ابليس وانا زوجي الحمدالله انسان مصلي ومسمي وخايف الله
بس صدمني والله يا بنات من امس ما نمت وقاعدة ابجي بس ما بينتله هالشي وقلبي يعورني حاسة انه
جرحني مع انه بشهادته اني مو مقصرة بحقه واني تارسة عينه عيل ليش يسوي جذي؟؟
ماني عارفة يقولي انتي مو مقصرة ويكلم ؟؟ والله ما ادري تعبت بالتفكير وماني عارفة شلون اتصرف معاه
والمشكلة انه قالي لان ما يبي يمشي بالطريج هذا لان على قولته ما مستعد يهدم بيته ويشتت عياله الله يخليكم
ساعدوني شسوي تعبت من التفكير

حبيبتي دام اعترف معناته حس بغلطته وتاب احمدي ربج ومولازم تكونين مقصرة عشان يكلم لا تلقينه قلد احد او بس يجرب

اهنيج عليه اعترف لج وتاب لانه يحبج ومايبي يكمل هالطريق

ريحي نفسج شوفي البلاوي بهالمنتدى الي تطيح عليه يكلم ولاهمته زوجته

حاوولي تنسين وابدوا صفحه جديده

بنات وينكم والله جد ابي مساعدتكم ما ادري شسوي

حبيبتي عادي الريال يكلم مو شرط زوجته مقصره عاااااااادي لو شنو تكون

وخلاص اهم شي اعترفلج

وكلي امرج لله سبحانه
ومالج الا الدعاء له بالثبات
وربي يخليه لج ويبعده عن هالطريج
اهو كان بامكانه يتوب وما يقولج
بس اهو من وجهة نظره ان الاعتراف يمكن يريحه او يقلل من تاثير احساسه بالذنب
ادري الموضوع صعب
بس اللي يخلي اتكاله على الله سبحانه راح يهون بنظره كل شي
الله يجمعكم على الخير ولا يفرقكم
اللهم آمين
عطيه فرصة ثانية وحاولي تنسين
ولا تذكرينه كل شوي بهالموضوع

الحمدلله على كل حال ..
نرى ما اعترفلج الا لانه يحبج وموهاينه عليه يخليج وترى ريلج شاريج ..
عدييها كل ريال يسوي هالحركات بس اشوه انه حس, بعضهم حريمهم يواجهونهم وينكرون وهم يستمرون بغلطهم ..
الله يسخره لج ويخليكم لبعض..

يكلم بس؟؟ حمدي ربج
زين مايسوي شي ثاني؟

اي والله …. ربي يهنيج ماشاء الله

هو حاس بغلطته بس شنو يدريج انة مرة ثانية مايكررهه
ديري بالج وقولي لة شلي يثبت لي انك ماتعديهه
وادعي بصلاتج الله يييسر امورج والله يهديه لج ان شاء الله

حبيبتي دامه اعترف لج يعني حاس بالغلط اللي قاعد يسويه حاولي تجذبينه صوبج وصوب العيال خليه يطلع معاكم اكثر وانشالله ربي يهديه ويهدي باجي الرياييل

ما اعترفلج الا انه يحبج وشاريج وما يبى يمشى بهالطريج انتى خليه ينسى بنات ابليس بطريقتج والله يبعده عن بنات بليس ويصخره لج

شوفي حبيبتي معني انة اعترف انة انسان محترم وبيحبك وحاسس انة غلط في حقك وانك متستهليش منة كدة سمحية وفكري ان اللة عزوجل بيسامح فمابالك انتي وممكن يكون السبب في اللي عملة اصدقائة او البنت نفسها بس بشروط اجلسي معاة وقوليلة انا سمحتك لاني بحبك ولانها اول مرة تحصل وانك اعترفتلي بس مش مبرر انك تخوني وتعترف اني اسامح وياريت تكون اول واخر مرة فحياتنا لاني معنديش استعداد اخسرك لاني بحبك فاهمة يعني خليكي شديدة في الكلام وفي نفس الوقت حسسية بحبك وقوليلة ياريت تتقي ربنا فيا لاني عمري مفكرت فغيرك ولا حتي بيني وبين نفسي ومن ناحيتك حاولي ظبطي نفسك خليكي انثي فنظرة وربنا يبعد عنك بنات الحرام يارب

يا ليته مو معترف

لو مخلي البنات من كيفه ومن غير مايقول أحسن

لو انا مكانج جان أظل أشك وأحاتي لي اخر يوم بعمري ( حتى لو ماشي سيده )

الله يهديه والله لو مو متكلم أبرك

جاكي واعترف بنفسو هاذا شي لوحده يكفيكي انه رجاااااااااااااااااااااال سنع وافرحي وقولي يحبني وعرف قيمتي بس ياليت ياليت تسمعين نصيحتي وحاولي تنسين الموضوع بعد ماتجلسين معاه وتقوليليه كل الكلام الي في قلبك من حرقه وماتذكرينه بعد كذا ولاتذكرينه فيه طول عمرك بالي سواه واعطيه ثقه لاتقطعيها من ناحيته لانك لوشكيتي فيه ولاذكرتيه ولا تدقينه بالكلام الي نموت عليه ترى بيصير شي بعدين مو حلووووووووووو هااا فهمتيني

الحين بطلي بكاء واتعدلي ولاتقولي ماابينه اني ابكي تراه عارف بس ساكت وعيشي حياتك كنك عروس