|
|
يعطيكم العافيه حبايبي انا عندي شغله بقولها يمكن هي
مشكله فيني و يمكن و سواس مادري انتو حكمو انا عندي
ولد الله يحفظه عمره سنتين من ولدته وانا مجابلته على طول
اخاف عليه وايد وايد لدرجة اني ما اخليه عند احد حتى امي
و لما ضطريت اسوي عمليه وقعت على مسئوليتي اني اسويها
فبنج موضعي بالمعنى العمليه ما تصير الا فبنج عام بس عشان
ما انام بالمستشفى و اخلي و كنت مفكره اييب خدامه بس اخاف
يتعلق فيها او انها تأذيه او تطقه وحتى الحضانه كنت بسجله
بس الحين ترددت اخاف يطقونه او اي شي و خايفه احمل لاني
قاعده افكر وقت الولاده وين بينام ولدي اخاف يتعود على خالتي
او اي احد ثاني غيري بنات يمكن تضحكون علي بس التفكير ذابحني
احس اني تعبت من خوفي على ولدي و ساعات اقول ياليتني ما يبته
جان انا الحين مرتاحه استغفرالله ياربي
بصراحه اشوفش غير طبيعيه وبكذا بتاذين ولدش بيكون معتمد عليش ومستحيل يعتمد على روحه في المدرسه ولا غيره
وبياثر ع شخصيته بعد
وايد وايد وايد أوسوس مو شوي..قاعدة أتعب وايد..
كله أتخيل أشياء مو زينة و أعيش الدور و أقعد أبجي..
من أسبوع إختي قالتلي باخذ بنتج معاي أوديها السوق..
والله إن قلبي قام يفرفر من الخرعة..
بس ضغطت على نفسي و قلتلها أوكي اخذيها..بس مشت جان أبجي..و أقول ياليتني ما خليتها تاخذها ما تسوى علي المحاتاة..
طبعا طول الطلعة تلفونات أحاتي بنتي..
خذوها أمس طلعوها مرة ثانية حاولت أمسك نفسي و ما أدق كل دقيقتين..
شوي شوي أحاول أغير من نفسي والله المستعان..
والله أحسن إني بنهار من الوسواس و المحاتاة..
الله يعينني و يعينج و يطمن قلوبنا ويريح بالنا إن شاء الله.
وبس هالوسواس ليش بالله؟! ان صار فيه شي بيصير بوجودج او عدمه واهلج ماراح يتعمدون يأذون ولدج ليش معتقل عندهم؟ شيلي هالافكار وحببي ولدج بقلوب الناس باجر تعتازين احد وماتقدرين تسوين شي. وبالنسبه للحضانه خير ياطير خل يروح حضانه على فكره عيالي وحده سنه ونص والثاني ست شهوور بالحضانه عاااااااادي وديه خل يصير اجتماعي لي متى بيتم تحتج؟! وبعدين الصبي لازم يكون مع ابوم مو مع امه عشان يصير ريال ويروح معاه الديوانيه والمسجد حتى لو صغير عادي.
انا ولدي مستحيييل اخلي الخدامة تسوي له شي اذا بطلع اخليه عند امي او خالتي والحمد لله اكون متطمنة
اذا ناوية تييبين خدامة خليها لشغل البيت وبس لانه ينخاف منهم بس امج وخواتج وخالتج ناس ثقة لا تحاتين
انا ولدي وين ماروح معاي لدرجة ماتوظفت سنتين عشانه والحين الحمد الله كمل ٣ سنين وشي تون ادخله حضانه حصنيه بالله واتكلي على الله وماراحةيصير شي بس مو معناته تهملينه لا بس خليه يعتمد على نفسه
مو طبيعي الوضع
ليش كل هالمحاتاة
تعوذي من ابليس واستودعيه الله
والحمدلله ع كل حال
وطلعى صدقات كتير
بنية ان ربنا يخلهولك ويهديكى
وكونى ع يقين اكثر بالله
|
المشاركة الأصلية كتبت بواسطة أم ميميتو
 يعطيكم العافيه حبايبي انا عندي شغله بقولها يمكن هي
مشكله فيني و يمكن و سواس مادري انتو حكمو انا عندي ولد الله يحفظه عمره سنتين من ولدته وانا مجابلته على طول اخاف عليه وايد وايد لدرجة اني ما اخليه عند احد حتى امي و لما ضطريت اسوي عمليه وقعت على مسئوليتي اني اسويها فبنج موضعي بالمعنى العمليه ما تصير الا فبنج عام بس عشان ما انام بالمستشفى و اخلي و كنت مفكره اييب خدامه بس اخاف يتعلق فيها او انها تأذيه او تطقه وحتى الحضانه كنت بسجله بس الحين ترددت اخاف يطقونه او اي شي و خايفه احمل لاني قاعده افكر وقت الولاده وين بينام ولدي اخاف يتعود على خالتي او اي احد ثاني غيري بنات يمكن تضحكون علي بس التفكير ذابحني احس اني تعبت من خوفي على ولدي و ساعات اقول ياليتني ما يبته جان انا الحين مرتاحه استغفرالله ياربي |
ما يصير جذي انتي بتتعبين وبينعكس هالشي على ولدج
بيصير اتكالي
تعوذي من ابليس ووالله الحافظ