|
|
السلام عليكم ،،
ماخاب من استشار الخلق واستخار الخالق
بنات بليييز شوراا علي
تعباانه حيل مع زوجي وكلش مو مرتااحه ع طوول منفس ويزفني بسبب ومن غير سبب
ومرتين قاطني عند اهلي يقول بطلقج ماابيج ومو مرتااح وانا ماصارلي غير 6 شهور متزوجه
وهو اللي يغلط اول مره مادخلت احد بالسالفه بس بالمره الثانيه دخلت اهلي ، وردني وكل يوم والثاني
يقول ارخص شي بالدنيا الحريم ،
وهو كلش ما يقعد معاي يتصرف جنه عزوبي يسهر ويطول ولما ادق احيانا مايرد ويطرش مسج نامي مطول
مصروف مايعطيني اللي يكفيني ، طالعات مايطلعني ، قعده مايقعد معاي كلش حتى قلتله اذا ودك تسهر اقعد معاي
العصر او المغرب ، مرات لما ارد من الجامعه يفتشني شنو لابسه تحت العبايه ، ولما مالقى شي يزفني عليه قام زفني
ليش وانا داخل الشقه اقفل الباب مادري شسالفه بعد
كلمته اول زواجنا ماكو فايده ، تعامله معاه باسلوب الدلعه واداريه ماكو فايده ، سويت مثله واطنشه هم ماكو فايده
لما يكون مع الناس واحد ثاني ، قلتله مره ابي اغراض من الجمعيه خلاني اجر العربانه ولما قلتله ابي شغله عصب امشي
وخلصيني لين وصلنا الكاشير قال تبين شي وهو اللي يشتري مااخذيت الاغراض اللي ابيهم
ومره وحده رحت معاه السوق اقوله ابي هالمحل قالي امشي انتي ماقلتي في البيت تبين هالمحل ، بالصيف قلت بفصل ملابس قال اوك انا اطلعهم مو مشكله ويوم خلصوا مرينا البنك قالي سحبي من رصيدج وطلعي ملابسج صادفتني عروس ناس مني وفيني ماقدرت افصل قمت اجر من العالم لان ارخص وهو مايبي يدفع ،
بس كل هذا ممكن استحمله ماكو مصروف ولا طلعات ولا دلع عاااادي استحمل
بس ابي نفسيته زينه معاي كله منفس واهو بالاصل مايقعد معاااي كلها بالكثير ساعه الى ساعتين باليوم
الله يعينك ..
بس ياقلبي انتي توك ماصار لك سنه وهذا اسلوبه ..
ماعليش ياقلبي لو انا مكانك يخسي رجال يقول ما ابيك وارجع له والله لو حياتي بيده ..
ياقلبي لاترخصين نفسك لو لزوجك وليته يستاهل .. مو عارف لك قيمه ابد وش هالنوع ذا وبعدين واضح انه شكاااااااااك
والله بتتعبين اقول استخيري ربك مره ومرتين وثلالث .. عشان لاتكملين حياتك معاه وتتعبين ..
اقعدي معاه قعده هااديه وقولي له ابيك تطلع اللي في قلبك وانا بطلع اللي في قلبي والل مضايقني
قولي كل اللي في خاطرك له .. وخليك صريحه وقولي له انا ماعندي استعداد اكمل حياتي بهالاسلوب مالي اي قيمه بوجودك وانا توني عروس سويت كذا فيني اجل لو بعد كم سنه وصار بيننا عيال وش بتسوي ؟؟؟
قولي له انا توني صغيره والعمر قدامي اذا انت شاريني تتغير عشاني واذا انا فيه شي مضايقك من ناحيتي اغيره لخاطر عيونك بس قوله لي ؟؟
اماا اذا انت رجال ماعندك اي استعداد تتغير وتعرف قيمتي وتحسسني بوجودي واهميتي في البيت طلقني ..
قولي له .. انت لما قلت لي ما ابيك ووديتني بيت اهلي رجعت لك لاني شاااريتك ولاني احبك وابيك ..
لكن هذا مو معناته انك تهيني كل شوي وتقول مابيك تحسب ان الحياة والموت عندك .. وقلبي ادوس عليه ولا تجرحه كل شوي ..
تدرين نص هالكلام اللي اقوله لك ودي في يوم اقوله لزوجي ……. الله يعينك ويساعدك ويسخره لك ويكتب لك اللي فيه خير.
وعليك بالاستخااارة وسورة البقره ختميها كل 3 اياااام ماتدرين لو عين صاكينكم الناس وحاسدينكم ع بعض . كل شي جاااااااااايز
طيب ليش هيك بعاملك ؟ ما بتساليه ؟ اساليه احكيلو ليش بتعاملني هيك؟
بدي اعرف الغلط يلي بالبيت واصلحو ، بدي اعيش حياه متل اي حياه تانيه
فهميه هالشي ، واحكيلو مو مشكله الواحد بصلح الغلط سواء مني او منك
مافي بيت كامل ومافي بيت ما فيه مشاكل ، بس خلينا نصلح نقطه نقطه
الله يعينك حبيبتي ويارب الله يهدي البال ويصلح الحال ،
اب اب
من جذى وانتى توج عروس حسبى الله على بليسة ماخلاج تتهنين نفس العالم والاوادم.
خلي احد من العايله يتدخل ويحل هالموضوع
مجرد ما تعرفين مشكلاته كامل وتحصرينها بورقه تعاملي مع كل مشكله على حدى
استغفر الله من ذنبه صآآر معه مرض الشك وهذآ ماله علاج بعد الله
عنده مبدآ الحرمه كوره طقهآآ بالطوفه ترجع لكــ
وآستخدم هالاسلوب معج وودآج بيت آهلج وقآلج مآآبيج ورجعتي
آهم شي آجلي موضوع الحمل
طنشيهآآآ آشغلي نفسج بالاذكآآر والاستغفآآر
والادعيه آعتبريه موب موجود تحملي يبيله فتره
ع مآآيستوعب آنج صج تغيرتي موب نفس آول
تطوفين له وتهينين نفسج عشآآآنه
صبري عليه كملو هالسنه لاتقصرين من دعآآء وبين فتره وفتره صآآرحيه نآآقشيه
قولي يآآبن الحلآل آنت حب آحد آجبرك علي في شي بدر مني
شوفي رده وع هالاسآآس قرري شفتيه يلف ويدور ونفس اسلوبه
دآآمج مآآجبتي عيآآل بيت آهلج آبرك وعزي نفسج
وربي يعوضج باللي آحسن منه ويكتب لج اللي فيه الخـــير
انا كلمته قبل وكل يزف وماله خلق يقعد معاي
مفكره اقعد عند اهلي جم يوم واخلي اخوي يتفاهم معاه
يقوله اذا صج شاريني يتغير ،، شراايكم ؟؟
وانا رديتله بعد ماشفت دموع امي بسبته وشلون كانت متضايقه
وع فكره اهو يصير ولد خالتي يعني مني وفيني
واهوا خطبج ؟ والا خالتج؟ اخاف ما يبيج وغاصبينه اهله الله اعلم
احسن خلي الرياجيل يتفاهمون معاه
عليج بالصلاة والدعاء
يوقفه عند حده الصراحه مصاخه ووقاحه
كلمي ريال من اهلج يشوف شغله معاه
والله يعينج