تعبتي من الكلوميد والابر تبين منشط طبيعي؟؟حيااااج

السلام عليكم

شلونكم حبيباتي….ان شاء الله بخير…

أنا بقول لكم قصتي مع العلاج
انا متزوجه صارلي سنتين الا…
وفيني تكيس شديييييييييييييييييد وضعف في التبويض والكلوميد طبعا" زاد الطين بله

وكانت استجابتي للحبوب المنشطه والابر زينه بس سبحان الله ما صار حمل….

وزاااااااااااد وزني حييييييل فقررت اني أوقف العلاج عشان أنزل وزني

>>أدري طولتها تحملوني

المهم مالكم بالطويله قعدت احووووس بالمنتديات وطبعا" قسم >تأخر الانجاب<

ولقيت لي وصفه منشطه طبيعيه واستانست انها حيييل سهله وقلت بجربها

ألا وهي كما كتبتها صاحبة الموضوع:

<بنقل لكم موضوع مجرب و مفيد و اتمنى لكن الفائده

اسأل الله العلي القدير رب العرش العظيم ان يرزق كل محرومة ومحروم عاجلا غير اجل

بالذريه الصالحة يارب العالمين

اليوم باذن الله ياااااااااااااااارب اني لقيت لكم حل

للمبايض او البويضات الضعيفة

وللي ياخذون منشطات وابر تفجير

باذن الله خلاص المشكلة راح تنحل في 3 اياااااااااااام بس

اولا يشهد الله ان كل كلمة باقولها صحيحة

ثانيا والله ماقلتها لكم الا من باب حب لاخيك ماتحب لنفسك وحابه ادخل الفرحة لقلوبكم باذن الله

ثالثا الوصفه هذة قالتها لي امي

فأتمنى ان لا تنسونها من صالح دعائكم وان الله يهديلها اولاده ويفرحها فيهم ياااااااااارب

نــــــــــبـــــــــــــ ــدء

امي كانت في جمعة حريم يسولفون

المهم قابلت لها حرمة وقعدت تسولف معها

الحرمة تقولها انا كان عندي ضعف وتعالجت ومافي فايدة

تقول وحدة قالتلي خذي

1 كوب حليب صباحا عالريق ضعي فيه{2 م عين الجمل و1 م عسل اصلي}

وبعده على طول كوب ميراميه ماطبخه لا بس انقعه

وفي الليل

1 كوب حليب ضعي فيه{2 م عين الجمل و1 م عسل اصلي}

طبعا تبدين تاخذينه من خامس يوم الدورة يصير (5 و6 و7) يعني اخر 3 ايام من الدورة

تقوووووووووووول وربي سويته وبعدين كان عندي مراجعه للدكتورة ويوم رحتلها

والدكتورة تستصيب وتقول مو معقول وش المنشط الي خذيتيه هذا منشط مرررررررررة قوي

ماشاء الله البويضات عندك ارتفعت وصارت اوكي

تقول ومن بعدها الحمد الله حملت وعندي عيال ما شاء الله

وكل ماشفت احد صرت اقوله واكسب اجره

>>عاد انا قلت بجربها بما انها سهله >>>وبما اني حيل كسوله فاكتفيت بكوب واحد صباحا" لمدة3 ايام مع الميرميه

وكانت النتيجه ان بعد ما وقفت الوصفه حسيت بألم فضيييييع في المبايض والله يشهد علي

ورحت ركضه المستشفى وأنا ميته من الخوف وسويت سونار والا تشوف الدكتوره ان فيه تبويض في المبيض اليمين!!!
مع انه كان مايستجيب كلش للأبر المنشطه!!! سبحان الله
عاد انا حبيت ان خواتي في هالقسم يجربون هالوصفه وان شاء الله تنفع ونفتك من الحبوب والابر

يالله ياحلوات منو تبدأ معاي؟؟؟ونشوف كل وحده شنو يصير معاها؟؟؟

>>دعواتكم لي بالذريه الصالحه

جزاك الله الف خير انا فعلا سمعت عن عين الجمل اللى اهو ((الجوز )) وايد يمدحونه والله اعلم

مشكوره على النقل الهادف الله يجعله فى ميزان اعمالك

أشكر لج مرورج حبيبتي

حبيبتي من وين اشتري ؟؟؟؟ عين الجمل و عسل اصلي من غير كرتزون؟؟؟؟؟ بليز ساعديني

اختي عين الجمل اهو>>الجوز تحصلينه مع المكسرات

والعسل اللي استخدمته>>عسل جبلي(أسود) من وادي دوعن
وتحصلين عسل أصلي بكل محلات العسل

بالتوفيق حبيبتي

مشكورة على الخلطة والله يوفق لج انشالله

مشكوره حبيبتي وان شاءالله بجربها

مشكووووووووره ويارب تبشريينا بحماالج

جزاك الله خير لكن كم حبة عين الجمل اطحنها واحط ملعقتين والا اكتفي بحبتين؟؟؟

مشكووره حبيبتي

الف شكر لج حبيبتي الله يعطيج العافيه

أشكر لكم مروركم حبيباتي والله يرزقنا جميعا" الذريه الصالحه

آنا حطيت ملعقتين>>حبتين تصير اقل من ملعقتين

جزاج الله خير يالغالية على المعلومة

حياج الله اختي كاكاوه

وان شاء الله البنات يطبقون هالوصفه لأنها باذن الله بتنفعهم

شاكرتلج مرورج