|
|
مرحبا للجميع ابي مشورتكم اخواتي عن كيف نتخلص من الغيره الزايده عند اطفالنا من المواليد الجدد؟؟
لأن بنتي كانت اوكي معي وتحب بطني بس الحين اغراض البيبي كلها تبيها وتضرب بطني لما احاول انومها وتحط يدها في صدري وتسوي حركات النونو (يعني تدلع علي وتقول واا واا) على فكره عمرها سنتين وشهر.
تكفون تراني خايفه منها ع البيبي بعدين. 
اذا رحتي تشترين حق البيبي اشتري لها شي بعد و دايما قوليلها انها راح تكون اخت و انها احسن اخت و هالسوالف
و ان شا الله البنات يفيدونج اكثر
بس الحمد لله بعد ماولدت حاولت اقلم ولدي علي الوضع الجديد صج تعبت بالبدايه وكان يبجي ويقول انتي ماتحبيني وكنت ابجي وياه بس ما كنت اشيل البيبي كان كل اهتمامي له
وتبي لحاف صغير نفس اخوها
أنا ولدت بجري ببنت
دلعتها دلع مو طبيعي لدرجه إنها ليما الحين تنام معاي بافراشي الحين عمرها 3 سنوات و7 أشهر
لما حملت بولدي … ما كانت تفهم شي بس الصدمه لما ولدته … تغلبت على هالمشكله إني ماكنت
اشيله كلش علطول في سريره إلا وقت الرضاعه وهم ماكنت اشيله كمنت أسدحه بفراشي وأرضعه
وكل وقتي انا مع اهلي ندلع بنتي ونشيلها ونوديها وهو بالبيت مسكين
تخيلي ليما الحين الولد عمره سنه وسبع أشهر وهي الحمد لله مااااتغااارمنه أبد بالعكس ملاحظه
إن كلما أروح الجمعيه إذا شرت لها شي تييب منه إثنين ولما اسألها ليش تقول حق أخوي
وحتى الولد ما حسيت لما كبر يبي أحد يشيله أو ينومه لأني عودته من الصغر والله يساعدج
ويكون بعونج
حاولي تشترين أي شي لبنتج وقولي لها ‘نه من البيبي علشان تحبه