تعالي قوليلي يا الخبرة شلون تدلعين زوجج ؟

طفوليه انتي شنو هدفچ من تدليله؟

1: هل تبين تدلعينه لانه فعلاً يستحق انچ تدلعينه ؟

2: تبين تدلعينه لانه تبين توصلين لقلبه ؟

إذا تبين رايي ..

1: لاتدلعينه دايماً ، خلي الدلع بين فتره وفتره ووقت ماتحسين انه فعلاً يستاهل الدلع

لانه بالنهايه الإنسان يحب التجديد ، وبالذات الرجل يمل من اللي دايماً تدلعه لانه

يحب اللي تدلل أكثر من ما تدلله وتدلعه ،

2: بعض الزوجات يقولون : انا احب زوجي وقاعده أسوي كل شي عشان يحبني !

فـ نشوف هالنوع من الزوجات تدلع وتدلل وتداري وتراضي ووووو الخ وبالنهايه

ياتوصل للي فبالها يا ماتوصل ، الحــل شنو ، انچ تحطين فبالچ وتقولين

( شلون أخلي زوجي يعجب فيني بالبدايه وشلون اخليه يحبني ؟ )

– اعتني بـ ( شعري ، بشرتي ، جسمي ، أطرافي )

– اعرف شخصيته عشان اقدر افهمه واقدر أتعامل معاه بسهوله وانصحج تبحثين بالنت
عن بوصلة الشخصيه لـ ناعمه الهاشمي وانصحچ بـ cd الاستاذ عبدالرحمن القريشي
اسم السي دي ( دورة تحليل نفسيات البشر ) سعره اعتقد بـ 10 أو 12
تقدرين تطلبينه من amazing training , حسابهم بالانستقرام @amazingtr

– ادخل دوره عن طرق التواصل .. لانه التواصل مؤ بس بالكلام ، التواصل انواع

منه التواصل الصوتي والجسدي والمعنوي

وسبحان الله ،،، لما الاسلام حرم على المراه ترقيق صوتها عند الرجل الغريب

ولما الاسلام حرم مصافحة الرجل للمراه الاجنبيه ،، فالله الخالق وادرى واعرف بخلقه

وحتى هالتحريم له فوائد على الرجل والمراه بأنه يجنبهم الوقوع فالحرام لانه الصوت واللمس

لهم تأثير قوي جداً ع الرجل ،،

– أدور وابحث عن معلومات من النت والكتب بحيث أطور نفسي اكثر

وأكون واعيه أكثر بالأمور اللي تجذب الرجل والأمور اللي تبعده عن الزوجه ..

~¥ كتب انصحچ بقراءتها ~¥

أ: كيف تكسبين محبوبك لدكتور صلاح الراشد
ب: اسرار ڤالنتينو لـ مريم شمس
كلهم من مكتبة جرير

{حسابات بالانستقرام انصحچ بمتابعتها }

# لمسيه وايدچ بارده ، ممم مسكي أي شي بارد بيبسي ماي أي شي بارد وبعدين مرري ايدج
بخفه على ذراعه ، راح يحس بالدغدغه ويستلذ فيها

# إذا بتقعدينه ، أسهل طريقه انه ايدج تكون بارده شوي

مثلاً مسكي ثلجه ثواني ونشفي ايدج ورشي عليها عطر يحبه ، ولما تقعدينه
مرري ايدج بخفه على ويه / وجه .. أو كتفه .. بس انتبهي لاتكون ايدچ حيل بارده
لانه جسمه راح يكون دافي فلما تكون ايدج حيل بارده راح يعصب

# صوتچ صوتچ صوتچ ،، من الاشياء القويه لجذب الزوج ( الصوت )
فكوني حريصه انه صوتچ يكون هادي وقمه فالرقه ، من الأشياء اللي تساعد بترقيق الصوت :
أ: ترتيل القرآن يومياً لمدة نص ساعه علاج سحري لصوت البحوح أو الخشن
ب: حاولي وتبعدين عن المشروبات لمثلجه لانها تأثر عالاحبال الصوتيه واستبدليها
بمشروبات حاره لانها تنعم الاحبال الصوتيه وترققها

# خلي على لسانچ دايماً ( يعطيك العافيه ، عساك ع القوه ، ماقصرت ، تسلم ، عساك سالم
اكرمك الله ، شكرًا ، جزاك الله خير ، عسى ربي يحفظك لي ، الله يديمك لي ، يحفظك ربي ،
بحفظ الرحمن ، )

# في اشياء تجذب الرجل مثل ، الهيلهوب لمخرم ، لحيول/ لحجول ، الكعب العالي ،
صبغ الاظافر المايل للالوان الطبيعيه وكذالك اللون الاحمر ، لسكيني ، التاتو الناعم
بأسفل الظهر عند مقدمة الخلفيه ( سوري عالوصف :/ ) وعالصدر و خلف الرقبه
والارداف وبالمنطقه الحساسه ( التنويع حلو كل مره بمكان ) ،

# العطور تجذب ، العطور انواع ، الخفيفه أو التواليت تكون للصبح ، والعطور الجذابة تكون
للعصاري والمغربيه ، أما العطور المثيره تكون لليل ، وإذا بتعرفين نوع الععطر شوفي دعايته
ومن إيحاء الدعايه بتعرفين لأي وقت ، وفي عطور من اسمها تعرفين أنها مثيره ،
عندچ عطور ماركة dolce & gabbana اغلب عطورهم مثيره ، أو كتبي بقوقل
sexy perfume for women

# الملابس الداخليه ، انواع واشكال ويعتبرون سبب في جذب الزوج ، اهتمي فيهم وفي نوعيتهم

من الآخر خلي تفكيرچ ( شلون اخلي زوجي يموت بدباديبي ^.^ )

الانسان عنده مداخل ، ( الشوف ، السمع ، الشم ، اللمس ) انتي جذبي زوجچ لچ عن طريق هالمداخل

وسوري أن طلعت عن موضوعج الاساسي ، بس حبيت افيدچ من تجربتي