تعالو نتجمع ونطالب بكادر ينصفنا ياخريجات علم النفس

اااااه تخصصنا اغلبنا غصينا فيه مع ان وااايد حلو ومفيد وعلمنا شغلات وايد وبرة عندهم هالتخصص نمبر ون بس اهني للاسف الاماكن محدودة الي نقدر نتوظف فيها .. مادري ليش فاتحين هالتخصص عندنا بالكويت

زوجي قالي حولي من علم نفس لي علوم ادارية بس ماسمعت كلامة وقلت الله عقب سنة ونص احول وكلامة طلع عدل التخصص ماله مستقبل وظيفي بالكويت

بنات نقدر نتوظف في بعض الاماكن القليلة جدااا بس من غير اي كادر ينصفنا وللاسف الكل يستهين بتخصصنا مع ان المفترض يكون لنا كادر كونا نتعب مع البحث النفسي ونواكب التطور دايما من ناحية الدراسات والنظريات وغيره

قمنا نظطر نشتغل بوظايف مو على التخصص وندور عنها !! شي غريب درسنا 4 سنوات وتعبنا واخر شي نشتغل بالشؤؤن الادارية!! ليش كل هذا؟ علشان الكادر اللي ماعمرهم فكرو يعطونا لو 100 دينار مع ان الكوادر صارت 300 و400 بس الحمدلله 100 نعمة

حتى لو اشتغلنا على تخصصنا كراااف بدون كادر وكان الكوادر تنعطى للموظفين الاقل شغل بس لانهم تخرجو من تخصصات ثانية ( عن تجربة اشتغلت وكراف وماكو كادر والتخصصات الثانية شغلهم اقل وكادر عالي )

اكون منصفة ان مسمى باحث نفسي له بعض الجهات المحدووودة جدا اللي نوعا ما فيها عدالة لهالموظف منها بيت الزكاة والهيئة العامة لشؤؤن القصر ومكتب الانماء الاجتماعي والخدمة النفسية في جامعة الكويت وطبعا مدرسة علم النفس ويمكن جهه او جهتين غفلت عنهم .. هذيل فقط اللي لهم كادرات حلوة للباحث بس التوظيف عندهم بواسطات كبيرة ولهم شروط تعجيزية في بعض الاحيان

صديقاتي ايام الجامعة اغلبهم راحو بنوك !! التخصص ويييييييين والوظيفة وييين بس شيسوون الحياة تتطلب

بنتي حبيبتي تقولي يماه ليش انتي مو مثل كل الامهات بعد عمري تسمع بالروضة امي بالدوام امي تشتغل امي يابت لي من الدوام !! عاد انا استقلت علشانها وماتحسفت لان بنتي وبربيها وابيها تحت عيني .. واساسا كان دوامي كراف وتعب بدون تقدير ولاكادر وزوجي قال تكبر بنيتنا وتدش الحضانة وندور احسن وظيفة وانا لي الحين سنتين ادور واقدم وماكو فايدة !!
وحملت وولدت بس ولدي بسم الله عليه عندي خالتي الله يواليها العافية تقوم فيه بسم الله عليه مو عسر مثل اخته

يمكن انا فضفضت وقرقت وقلت قصة حياتي بس لان قهر الي صاير حاطين لنا وزارة ولا وزارتين والسلام !

بنااااات طالبو بكادر للباحثين النفسيين سواء بمدرسة او بجهه عمل ترى محد حاسب لنا حساب لان كله احنا ساكتين ! ومانطالب بشي !

بنات خلونا نتعاون بليز ترى وايد تخصصات كانت مالها اي حسبة واصحابها طالبو وراكضو وتكلمو وصارو يحسبون لهم الف حساب

والحين الباب مفتوح لكم يا نفسيات كل وحدة تقول شنو ودها وبخاطرها واقتراحاتها ووين ممكن الوظيفة تكون زينة وعالتخصص وفيها كادر او العوض ولا القطعيعة وظيفة زينة وبكادر ومو على التخصص ؟