|
|
سلااام بنات…
وربي تعبت كثير من هالسالفه انا حامل وولادتي قريبه ان شاء الله والله يسهلها علي وعلا كل وحده حامل يارب
السالفه ان بولدي الاول زوجي سماه علا ابوه ماقلت شي بالعكس استانست والثاني سماه علا اخوه وبعد ماقلت شي
الحين شفت السونار وقالت الدكتوره بنت قال بسميها علا امي وانا صراحه ماني متقبله الاسم لانه قديم ومايصلح علا بيبي
وهو كل ماكلمته بالسالفه رافض نهائيا يغير الاسم اقتعته بكل الطرق يقول سكري الموضوع والله ضايق صدري
وافكر بالموضوع كثير شالحل
فلاتسببين على نفسج مشاكل على اسم عادي مارضى خلاص انتي ارضي
لما اسمي على امي او ابوي
او هو يسمي على امه وابوه
مو عشان حلاااااات الاسم
عشان غلاه راعي الاسم
فاذا عرفتي هالغمنده…………على قوله الفنان ابراهيم الصلال
وصلتي للحل المطلوب
فوفو
انتي بعدين دلعيها باسم ثاني
اختي قوليله انت سميت انا بسمي بعد موبس انت تسمي وقوليله اذا مصمم وخلاص بسمي ع امه قوليله الياهل اللي راح احمل في بعدين انشاءالله انا اسمي
وبعدين لاتحرين نفسج ع الفاضي خلاص طولي بالج وهدي
والله فشله تصير زعله على شنو والله ماابي أســم امه ..!! كلش موحلوه عليج
اسم امه بعد شنو تبين تسوين ؟
الله يهديه لــج
..
وصدقيني راح تفتخر بهالاسم انها ع جدتها..
وتكبر ويكبر اسمها معها…
واذا قال ليش اقتنعتني قولي من بر الوالدين انك تسمي ع اسمهم..وتستاهل اللي يسمي عليها…وراح ان شاء الله اذا ولدتيها بالسلامه تصير اغلى وحده عندهم وراح يقلدج الكل ويسمي مثلج…
اذا في وحدة بالعايلة نفس الاسم قولي له مابي اكرر الاسم
واذا مافي اقترحي مثل ما قالت ام الغزلان اسم مقارب
|
المشاركة الأصلية كتبت بواسطة ليه الجفآ
 انتي شوري عليه بلاسم اللي تبين اذا وافق كان بها ماوافق خلاص
والله فشله تصير زعله على شنو والله ماابي أســم امه ..!! كلش موحلوه عليج اسم امه بعد شنو تبين تسوين ؟ الله يهديه لــج .. |
أنا معاها
إذا الإسم مو عاجبج لا تسمين حرام تظلمين البنت بإسم قديم الولد عادي بس البنت لا .. بنتي الكبيره اللحين بالمدرسه ومو متقبله اسمها عورت قلبي كل شوي تقول للبنات وابلاتها أسامي ثانيه .. أحس من صغرها كارهه اسمها