|
|
السلام عليكم بنات
اليوم انا ميتة قهر والله اني انظلمت
وكله من وحدة حاطة علي حطة ما تشتهيني ما ادري ليش
ما اقول الا حسبي الله ونعم الوكيل فيها
سمعو السالفة
انا مدرسة رسم ومعاي مدرستين رسم اثنيناتهم عندهم ظروف فدايم يغيبون
واحنا مقسمين الصف بينا النص بالنص
وحدة من هالمدرسات راح اتسوي عملية فراح يطول غيابها
فالوكيلة اصعدت لي فوق عندي وقالت لي ادق على التوجيه واساله اذا نص الصف مال المدرسة الثانية ينزل احتياط والا ناخذه ضم
المهم انا دقيت على الموجهه وسالتها نفس السؤال
وقالت لي ما ادري هذي مسئولية وانا اخاف اقولج نطري لما احضر مدرستكم واشوف واتفاهم مع الادارة
قلت اوكي وسديت الخط
ولما نزلت شفت الناظرة وقلت لها الموجهه اهي راح تحضر واتفاهم وياكم
وبعد اسبوع واللي اهو اليوم احضرت الموجهه
ودخلت عليها انا مع المدرسة اللي راح اتسوي عملية
والا الناظرة ما تشتهي اترد علي ومالها خلقي
اثاري مفهمة الموجهة الناظرة ان انا مشتكية على الناظرة عندهاو اني تعبت من اخذ الحصص ضم وانا اشتكي من رفيجاتي ان اهم يغيبون !!!!!!!!!!!!!!!!!!!!!!!!!!!!!! 
وغير جذي تبي تربي عصاعص بيني وبين رفيجاتي وبيني وبين الادارة
واني لجيت راسها واذيتها باتصالاتي اهي مرة وحدة ومدتها دقيقتين ؟؟؟
واني وايد اشتكي 
وغير الحجي الثاني
والله يابنات جذب اشكرة
من كثر ما انا منصدمة ما قمت اعرف اتحجى ما غير عيوني غورقت ادموع وغصب ما سكتهم لين صعدت فوق المرسم بطيتها عاد ورى المخزن وانا ابجي
مو بس جذيه يوم شافتني وانا ادمع قامت تضحك والله حسيت انها مستانسة حيل مو اشوية
والله يابنات خربت علي كل تعبي والله العالم اشكثر انا تعبانة على شغلي
ما اقول الا حسبي الله ونعم الوكيل فيها
والله ضيقتي خلقي
شوفي حبيبتي مادام هالموجه حاطة عليج انتقلي وافتكي!
عسى الله يوفقج…. وماااالج الا الدعاء!
ويصبرج عليها
الله يكون بعونج يالرسامه
ومتقلبيش المواجع بالشكاوي
ترى أخلص المنتدى شكاوي وابجي وابجيكم معاي
ليش تسوي جذي؟؟؟؟
انتي فهمي الناظرة والوكيلة وشرحي السالفة لهم …
وجان تحجيتي جدام الموجهه وواجهتيها وقلتي لها…موهذا اللي صااار!!!!
والحل الأمثل والاكيد…
فرشي سيادتج واعي ربج يشرح صدرج ويعينج ويقوي قلبج…
بعد قلبي …اللــــــــه يبرد قلبج ..
وااااي شكثر تحر هالسوالــــــــــف..
اعوذ بالله من هالاشكال ومن شرورهم
ولا تضايقين عمرج يالرسامه دام انج على حق لا تسكتين عن حقج لو شنو ما يصير من باجر روحي حق الناظره وفهميها اللي صار وخلي رفيجتج اللي معاج تشهد معاج اذا كانت حاضره السالفه
والله يكون بعونج صج قهر
سلامتـــــــج من الحــــــــره حبيبتــــــــــي
واللــــه آنـا بعـــــــد أحتريــــت الصـــــراحه
شنـــــــو هالتصـــــــرف البـــــايـــخ ولييييييييييييييييييييش!!!!!!!!!
مــــــالـج الا ربــــــج يالرسـامـه وقولـي اللهــــــــم آجـــــرني في مصيبتي وأخلفنـــــــي خيــــرا منهـــا
وكثــــــري مـن حسبــــــي اللــــــه ونعــــم الوكيــــــــل
حسبي الله علي ظالمج يالرسامه و على اللي ظالمني
والله العظيم انا اليوم بعد صاير فيني موقف مع الاداره ,, بينحشوني غصب ,, من زين مدرستهم ,,
انشالله انتقل و يييبون بدالي كووووود من اللي هم يبونه ,,, اللي الخمطه بربع
حسبي الله ونعم الوكيل بكل ظالم
لو أنا في مكانك … أروح من باكر للناظرة وبكل هدوء وبكل ثقة
وتفتحين معاها الموضوع … وتوضحين لها السالفة .. وتطلبين منها
اجتماع بينكم إنتوا الثلاثة ( الناظرة والموجهة وإنت ) . .. وتوضحين لها
إنك مستعدة تواجهين الموجهة باللي صار بينكم بالضبط … وتوضحين
لها عدم مواجهتها أول مرة لها كان بسبب المفاجاة وإنك ما توقعتي
إن الموجهة بكبرها وبمقامها تكذب وتلفق قصص من خيالها على حساب
الغير … وضحي لها بعد إنك ما توقعت بعد من الناظرة نفسها إنها تستمع لطرف واحد
( طرف الموجهة ) وتترك المدرسة … بيني لها إن موقفها ما كان فيه اي نوع
من العدالة ….
وآخر شي وجهي كلامك للناظرة وقولي لها هذا اللي صار شرحته لك بأمانة
والله يشهد علي ،،، والكرة في ملعبك الحين وإنت الحكم بينا "
باختصار خلي الناظرة هي اللي تحكم والكلام يطلع منها مو منك .. حتى
بالمستقبل يكون عندك خط رجعة …
وأهم شي أهم شي … تكونين واثقة من نفسك وغنت تتكلمين ولا تخافين أبد
وكلميهم بنبرة هااااااااااااااااادئة قد ما تقدرين حتى لو ارتفع صوتهم لا يهزونك أبد
حافظي على هدوئك …. صدقيني دائما الصادق والواثق من نفسه تشوفينه بعيد عن
الصراخ والنياح ..تشوفينه هادي لأنه موقفه واضح…
وبإذن الله ،،، تتوفقين ويعينك ويتوضح موقفك عندها وتأخذين حقك ..
وحتى لو ما طلعتي من الموقف حسب ما تتوقعين على الأقل خليهم يعرفون إنك واحدة
ينحسب لها حساب .. مو من النوع الي ممكن يسكت عن حقه وخاصة في مواقف الكذب والتبلي
وسامحيني على الإطالة … ويارب اكون أفدتك ولو بالتخفيف عنك ..
مشكورة على ردج الحلو بس انا رحت حق الناظرة وانا منقهرة وبينت لها وجهة نظري وحاولت افهمها اني ما قلت شي شين على الادارة ولما الحين اقول ان الادارة زينة بس الموجهة اشكره جدامي تجذب وتجذبني !!
شرايج فيها !!!
رفيجتي حست فيني وواقفة معاي بس انا صدمتي بالموجهة شلون تخرب علاقتي بالادارة ؟؟؟
والله اني طول النهار وانا اقول حسبي الله ونعم الوكيل
شفتي شلون ؟؟؟
مو قهر ؟؟؟
اللي يشتغل ويخاف ربه يشوتونه
واللي ما عنده ذمة ولا ضمير يبونه !!
صج اللي قال لي حبتك عيني ما ضامك الدهر
اللهــــــــم آجـــــرني في مصيبتي وأخلفنـــــــي خيــــرا منهـــا
اللهــــــــم آجـــــرني في مصيبتي وأخلفنـــــــي خيــــرا منهـــا
اللهــــــــم آجـــــرني في مصيبتي وأخلفنـــــــي خيــــرا منهـــا
اللهــــــــم آجـــــرني في مصيبتي وأخلفنـــــــي خيــــرا منهـــا
اللهــــــــم آجـــــرني في مصيبتي وأخلفنـــــــي خيــــرا منهـــا
الله يكون بعون الكل