تعالو خل نتناقش عن"الدلع المادي للزوج"

يعني المعروف ان الزوجة لاازم تدلع زوجها وتطيعه وتسانده عالحلوة والمرة صح ؟

بس "الدلع المادي" يعني لما تتليقف المرة (اسمحولي ع الكلمة) وتساعد زوجها عالطالعة والنازلة "ماديا"

وفي حريم ماجلة البيت عليها . . الخدامة عليها .. اقساط السيارة عليها .. اغراظ اليهال عليها ..

هذا غير الهدايا اللي على كل واي مناسبة .. واهو لما يشوف هالدلع بيتغلى ويصير جذي

شنو خليتي للريال ؟؟

مافي مانع من المساندة اذا كان الزوج محتاج طبعا وهذا مو بس تاخذين فيه اجر .. هالشي بعد يخليج تكبرين بعين زوجج ويذكر مواقفج الحلوة (اذا كان يبين بعينه)
^
^
وهالنقطة وايد مهمة ..

يعني باختصار .. ولاتزعلون من كلامي لأنه قاعدة اتكلم من الواقع وهذا حال الكثيرات منا >>>اهم شي الكثيرات

الزوج لاتدلعينه الدلع المادي اللي تكلمت عنه

لأن بيطلب زيادة (حتى لو كان زين) ومارح يحس بقيمة الشي اللي تسوينه له

ومع الايام بيحس انج مجبورة تصرفين عالبيت

وماتدرين يمكن يحس بفراغ مادي ويروح يلعب فيهم برة .. صح ولا لأ (مو الكل طبعا)

وبصراحة .. الاغلب مايبين في عينهم للاسف

(لاتفهمون كلامي ان هالشي حملة ضد ازواجنا لا والله حشى .. بس كل شي يزيد عن حده ينقلب ضده)

اعرف وحدة مرة عودة .. طول عمرها كانت تصرف وتصرف واذا زوجها قال شي .. تقوله اناا أدفع
وماكانت تخش حق نفسها ..

آخرتها .. دلع روحه يحليله واكتشفت ان عنده مبلغ كبير خاشه لنفسه في البنك .. خايف من الايام!

ونصيحتي لكم اليوم :

ولاتنسون تخشون لنفسكم .. الدنيا مو مظمونة ياقلبي . . بس اذا زوجج يستاهل ومحتاج مافي مانع من (المساعدة)