|
|
بنات أنا اول ماتوظفت في احدى الوزارات كل الأهل ومعارفنا قالوا لي يااااابختج وزارتكم حده فله ماكو دوام
وبالفعل هذا اللي صار دوامت وكان توقيع عادي
نداوم ساعة عشر ومحد يحاجينا ونطلع على الوحدة وثلث
ولكن
الدنيا ماتظل على حالها
اول تحول
خلوا دوامنا كرت
ومن ساعة 8 لي 2
امبي بنات شلووووون لازم اقعد من 6 الصبح والشاااااااارع زحمة. امبي فيني بجية قمت افكر اقدم استقالتي
بنات أبيكم تواسوني وتأزروني متى تقعدون وشلون تظبون وقتكم امبي حده ضايق خلقي
هذا وانت تقولين ماكو شغل
قعدو سوالف وحش
على الاقل تحللين راتبج
بث اب لعيونج
أحلام بنت —> انشااللله يارب تتوظفين في أحسن مكان منوره يالغالية
مسويه موضوع نواسيج فيه على قعدة الصبح؟؟؟؟؟؟
حتى لو ماكو شغل
شلون ترضينها على نفسج تداومين 10 والمفروض انج تداومين 8 حالج حال غيرج من الموظفين في باجي الوزارات
شلون تحللين معاشج مع احترامي لج
قولي الحمدلله بس
واذا على القعده عاااااااااااااااااادي نامي على ال 11 وقومي 6 وطلعي من بيتكم 7 الا ربع عشان لا تحوشج الزحمه
واستعيلي باللبس والميكب حطي خفيف واذا مامداج حطي الحمره والا الماسكرا بالدوام لانج بتوصلين مبجر اذا طلعتي 7 الا ربع
والشوارع فاضيه عن الزحمه
عطيتج الحل <<< شرايج فيني لوووووووول
المشكلة لو انه اول ماداومت اقعد من الصبح وجذي جان عادي بس انه صعب انه الواحد يكون مدلل بعدين يشدون عليه مره وحده في البداية يكون صعب عليه
مشكوووره ياقلبي على المرور زفتج شوي شجعتني :d لوووووول
حقوقية زوغه—> وااااااي ياقلبي والله كلج ذوووق مشكوووورة حبيبتي على المرور
انا اطلع من البيت 6:40 دقيقة و عادي اوصل عال 7:15
بذمتج هذا حجي تقولينه
عالأقل استري على نفسج
حبيبتي قلبي عمري حياتي أنتي موظفة وتتقاضين معاش على عدد الساعات
انزين بسألج لو قصوا معاشج وعطوج نصه شنو بتسوين ؟؟؟؟؟؟!!!! أكيد بتقومين الدنيا وما تقعدينها عشان اللي خذوه منج
ليش ما تحطين نفسج مكانهم
عالعموم الله يطرح فيج الإخلاص وحب العمل والأمانه
وترى والله اعرف ناس قدموا استقالتهم لأن ما فيه شغل وحاسين بالملل يعني موظفينهم جذي (بطالة مقنعة ) << صج ناس عندها امانه واخلاص
موفقه حبيبتي وخلي النوم عنج وفكري باجر شنو بتقولين يوم القيامة إذا انسألتي ؟؟؟؟
اما عن الفراغ في الدوام ما في دوام مافيه شغل وكرف حتى لو بسيط اخذي معاج كتاب تسللين فيه و تفيدين نفسج او الاب توب او مجله او اقري جزء من القرآن او او ……. في شغلات تقدرين تشغلين نفسج فيها بالدوام اذا فاضيه
الله يوفقج
الوزارات صاير تسيب واهمال من الموظفيييين يبوون رواتب بدون مسؤوليه ولا اننضباط !!!! يبون اداومون على الراحه ريوق سوالف واستئذانات !! والي ابط الجبد يشتكوون الرواتب حييل ضعييفه ويبوون زيااده على شنو مادري انتو اشتغلوا بالاول انبطوا بالدوام تالي قولو نبي زياده
حللوو معاشكم على الاقل الي قاعدين تاخذوونه بعدين كل الناس قاعد تقوم من الصبح ناامي امبجر وتقومين شبعانه طلعي مبجر من البيت ماتحوشج الزحمه
انزين لو اقولونلج خلاص داومي من 10 لي 1 بس راح نقص من معاشج الساعات الي ماداومينها ترضين !!! طبعا لاااا ماراح ترضييين 
واذا صج تبين تشتغلين وتكرفيين روحي اشتغلي مكان في شغل وكرف روحي القطاع الخاص بكرفونج لما يطلع المعااش من عيوونج
ماعليييه سامحيني ادري زفيييتج لووووووووووووووول بس حمدي ربج على الاقل اداومين في مكان وعندج معاش غيرج واايد بنات مو محصلين وظايف
لازم الزحمه
حمدي ربج كرت مو بصمه بعد
وبعدين ترا كل الوزارات راح تتسنع ويعدلون دوامهم
شدعوه علييييج استقاله مره وحده
وهذا أنا قايله واااسوني ماشاالله عليكم وايد واسيتوني
مشكووورين ياقلبي على المواساة
نظمي نومج قعدي مبجر وطلعي من بيتكم مبجر واخذي معاج لاب توب او شي يسليج بالدوام ويقضي على وقتج
|
المشاركة الأصلية كتبت بواسطة لومية
 لوووووووول امبي شفيكم بنات هدووواااا شوي شوي علي وااااااي يمه كليتوني مااااااسوت علي
وهذا أنا قايله واااسوني ماشاالله عليكم وايد واسيتوني مشكووورين ياقلبي على المواساة |
نواسيج على شنو؟
تدرين في ناس تصحى الساعة 5 الفجر وتقعد تبجي لانها مو لاقيه وظيفة تسدد ديونها وعلاج مرضاها
وتحاتي اليوم شلون بيعدي علشان توكل عايلتها
وتفر من مكان لي مكان علشان تلقا وظيفه
روحي صلي ركعتين وحمدي ربج