|
|
مرحبا كويتيات يبتلكم موضوع وااايد وااايد الامهات غافلين عنه وبالأخص انا كنت اسبح ولدي بو4شهور بسرعه بس بخلص لانه اهو اول ياهل عندي وبصراحه اخاف حتن يوم كان اصغر بس الحين قمت ابدع فيه لووول الله يسلمكم انا قريت موضوع عن المساج بموقع انه له فوائد كبيره للعظام ولعضلات اليهال لانهم مساكين لايمشون ولا يحبون وخاصه بهالعمر يكون بس نايم وجسمه وايد يكون تعبان من النومه اما عالبطن او الظهر المهم شوفو انا شسويت طبعا الصور منقوله قبل مااسبحه يبت زيت بيبي اويل اللي بالبابونج البنفسجي وحطيته فباديه وسخنته بالماكروييف شوفوا وياي وسمين بالرحمن وبلشنا
بعدين مسكت الريل وقعدت اسويله فبطن ريله حركات دائريه واهو مستغرب ومستانس لووول الله لايحرمكم من ابتسامه عيالكم يارب 
بعدين الله يسلمكم تمسكون معصم الريل اللي اهو اخر ساق الياهل وشويه تضغطون مو حيل مثل هالحركه 
عقب تنزلون للورك على هالضغطه الأوليه وعقب تسوون حركات دائريه بكل صوب 
عقب تردن ريلكم مكان ماكانت صوب المعصم لوول اللغه الفصيحه انا وياها من سنيين مانتوالم المهم وهمن اتردون تضغطون ضغطه خفيفه 
بعدين تحطين ايدج على صدره وجنكم بتفجون كتاب يعني ضغط خفيف على الصدر بس علشان ان يكون مستوي بمستوى واحد وهالحركه وايد بيرتاحون عليها اليهال ويدوخوون وهذا اللي احنا نبيه وندوره لوول 
وتالي الحركه الخطيره والعنيفه اللي اهو الله يسلمكم انكم تشدون جتوفهم شويه يمين ويسار نفس هالصوره وهنيي تبدأ المعاناة بتشوفون الياهل يعصب ويمكن يصارخ بعد لانهم مايحبون هالحركه بس ماعليكم كملوا شغلكم وادعولي عقب 
الحين انيي للبطن لا البطن مشكله هنيي شوي شوي عليها وخاصه اذا كان تو الياهل مشربته الحليب يعني يفضل يكون صارله راضع ساعتين على الاقل علشان ماتقلب جبده ويرجع وهالشي طبعا مانبيه يصير
وترى البطن مايحتاي اكثر من 3 حركات دائريه مو اكثر لانه احنا مانبي نضايقه
بعدين نغضب ريول مستقيمه ونمسح على بطنه بطرف الايد بهالطريقه بالضبط ونمشي لي اخر البطن مره وحده او مرتين بالكثير
بعدين وااااه ويلتي ويلتااااااااه لوول نقلبه لصوب الظهر وهنيي صج صج بيرتاح راحه مابعدها راحه ولمن تقلبينه عى بطنه بتلاقينه نااايم لوول من كثر الراحه 
واخررررر شي خلي الياهل مرتاح ويتحرك على راحته بس
وسلامتكم يارب وتعيشون انتو واطفالكم بس انا انصح ان الاطفال حديثي الولاده يكون هالمساج بزيت الزيتون الدافي ليش ان فيهم قشره بالجلد وهالشي وايد يساعدكم انكم تتخلصون منها وتريكون اطفالكم بس من 3 شهور وانت اللي طالع يفضل فبيبي جونسون لانه خفيف وايد ومريح ومايأذي وهالمساج قبل ماياخذ البيبي الشاور افضل وحتن عقب مايخلص الشاور واايد زين بس مايكون جذي مني والدرب لان الياهل ذكي وبيستغرب هالحركات وبيقعد يصارخ ولا تستفادون شي من ورى هاللويه كلها مابي غير دعوه حلوه وكلمه مشكوره وربي يخليلي ولدي ويخليلكم عيالكم يارب 
والله يخلي لج وليدج ويحفظة
انا بلشت المساج من عمر 3 شهور حق بنتي بس الحين كله تبي تروح تحبي ما تبي اسويلها مساج 
|
المشاركة الأصلية كتبت بواسطة حرم راشد الماجد
 يسلموووووووووووووو مجهود رائع بصراحه
انا بلشت المساج من عمر 3 شهور حق بنتي بس الحين كله تبي تروح تحبي ما تبي اسويلها مساج |
حبيبتي والله الله يخليها ميخالف سويلها بالبانيوو وقت الاستحمام همن بتستانس بسم الله عليها مشكوره عالرد الحلو ياعسل
أنا كل ما اغير حفاضته اييب كريم سيباميد بالحليب واحط على ايدي واسوي مساج حق ريله ومرات احط ايدي داخل ملابسه واسوي حق صدره وبطنه من غير لا افصخه بس ولا مره جازفت ونومته على بطنه
الحين اسم الله عليه عمره ٣شهور واسبوع تقريبا بس بحاول اسويها
والله يخليلنا عيالنا انشالله ويحفظهم
|
المشاركة الأصلية كتبت بواسطة أميرة طفولتي
تسلمين حبيبتي
أنا كل ما اغير حفاضته اييب كريم سيباميد بالحليب واحط على ايدي واسوي مساج حق ريله ومرات احط ايدي داخل ملابسه واسوي حق صدره وبطنه من غير لا افصخه بس ولا مره جازفت ونومته على بطنه الحين اسم الله عليه عمره ٣شهور واسبوع تقريبا بس بحاول اسويها والله يخليلنا عيالنا انشالله ويحفظهم |
كفو عليج والله زين تسويين وماشالله 3 شهور الحمدلله تقدرين تخلينه على بطنه نايم شويه انا اتذكر والدتي الله يسلمها بنفاسي واهيى تخليه نايم على بطنه تقول خليه يرتاح من الغازات وفعلن وايد زين يرتاحون من الغازات اللي ذبحني فيها ولدي بالنفاس بس يبجي وماذقت راحه دقيقه وحده والله بس عادي لاتخافين سويها انشالله مفيده يارب وفيها العافيه
والله ودي اسوي حق ولدي بس ادري اسم الله عليه مرح يقعد
لا ضروري اسوي لها انا نفسج اسبحها بسرعه بسرعه والبسها اخاف عليها
بس شوقتيني لازم اسوي لها
يسلموو عالموضوع روعه
تصدقين انا ولا مره سبحتها .gif "Eh S(2)")
اخااااااااااااف .gif "Eh S(22)")
بس لازم اجرب واتعلم :.gif "Eh S(10)")