|
|
قالي الدكتور ان خلال اسبوعين اذا مانزل راس البيبي راح اعطيج موعد العمليه
وعدوا هالاسبوعين وراس الجنين لايزال فوق للأسف
فقالي الاحد الجاي راح يحدد موعد العمليه
قلتله دكتور اذا عمليه بسويها في الصباح مراح اسويها عندكم
قال اوكي بس لازم تراجعين الصباح هالفتره هذي علشان يعرفون وضعج قبل ماتجيج الولادة
طبعا مشيت على كلام الدكتور ورحت لطوارئ الصباح اليوم وشوفوا شنو صار معاي
يوم دخلت لقيت عدد لاباس فيه من المرضى وقعدت انطر دوري
جتني مره كبيره مبين عليها اردنيه او سوريه تشتكى
تقول تخيلي بنتي هذا شهرها وينزل منها دم وموراضين يدخلونها على الدكتوره يقولون انطري لين يجي رقمج
قلتلها دام هذا شهرها وينزل منها دم معناته ولاده لاتحاتين
قالت ادري انها ولاده بس ليش مايدخلونها مباشره على الدكتوره ليش يخلونها تنطر بالدور
طبعا حاولت اكون هاديه معاها وقلتها الدكتوره عارفه شغلها وتعرف الحالة الطارئه من الحالة العاديه وبنتج مافيها الا العافيه باذن الله لاتحاتين
قالت انزين رقمج كم؟
فوريتها رقمي وانصدمت لما شافت رقمي قبل رقم بنتها
قالت انزين انتي حاسه بعوار حاسه بشي ولا عادي
انا فهمت انها تبيني ابادلها بالدور
قلتلها ابدا موحاسه باي عوااااااار انا جايه بس جذيه وقمت من مكاني وخليتها
جان تعصب وتقول لبنتها وانتي ليش ساكته صرخي قولي اااااي علشان الدكتوره تدخلج بسرعه
امبييييييييييييه صج صج ارفعت ضغطي
طبعا هذا ولا شي من اللي راح يجيكم بعد شوي لوووووووووووول
لما جا رقمي دخلت على الدكتوره
قالتلي شنو الشكوى
قلتلها انا بنص التاسع وراس البيبي فوق فمادري هل راح تعطوني موعد عمليه او تنطرون لمن يجي وقت الولاده؟؟؟؟ شنو اجراءاكم بالضبط؟؟؟
قالتلي (الدكتوره مصريه طبعا) وانتي ازاي عرفتي ان راس البيبي فوق
قلتلها قبل يومين مسويه سونار راس البيبي فوق
قالتلي وين مسويه سونار ومنو اللي قالج ان راس البيبي فوق
@@
قلتلها انا اراجع بمستشفى خاص واتابع حالتي اول باول
قالت وبنفسييييييييه يعني طول فترة الحمل تراجعين بمستشفى خاص وبوقت الولاده تجين الصباح علشان نولدج ازاي كده؟؟؟؟؟
والله والله يابنات اني ماقدرت امسك نفسي قلتلها وبعصبيه ليييش عندج مانع
بين عليها الربكه قالت لا عادي مجرد سؤال
والخبله كانت بتسويلي فحص داخلي علشان تتاكد ان راس البيبي فوق
وانا دكتوري قايلي مستحيييييل نسوي للمريضه فحص داخلي اذا راس البيبي فوق علشان مايقوى الطلق وينولد الطفل بالمقلوب
فرفضت انها تسويلي فحص داخلي وقلتلها سويلي سونار
قالت ممنوووووووووع نسوي سونار
قلت اجل اشمعناتها غرفة السونار اللي بالطوارئ
قالت للحالات الطارئه فقط
طبعا انا ماحبيت اجادلها اكثر خلتني اوقع على رفض الفحص الداخلي واخذت نبض البيبي وسوتلي تخطيط قالت مافيج طلق واذا جا موعد ولادتج بعد اسبوعين نقرر اذا عمليه او لا بنفس اليوم
يعني مراح يعطوني موعد عمليه
ووووبس هذي السالفه كلها
والله يابنات ان مستشفى الصباح فيه كل الامكانيات اللي بالمستشفيات الخاصه وبالعكس اجهزة مستشفى الصباح متطوره وجديده اكثر من اجهزة المستشفيات الخاصه اللي همهم الماده
اللي خرب ع المستشفيات الحكوميه الناس اللي يشتغلون فيها مع ربعهم يسوون كل شي ومع الكويتي كاننا نطر من عندهم
اللي يصلح حكومة الفساد اللي كل الدكاتره الكويتيين الزينين نحشوهم وخلوهم يروحون الخاص
لمتى هذا التسرب للدكاتره الشطار والكويتيين؟؟؟؟؟؟
والله يابنات اني اروح اراجع عند الخاص موعلشان خدمتهم ومعاملتهم علشان ماكو دكاتره زينين بالحكومي
اعذروني اذا طولت بالموضوع
وبانتظار تعليقاتكم
انا نفسج تقريبا نصحوني اولد بالصباح علشان الخبره اكثر وخصوصا للتوائم
بس المعامله كل شي اذا الي مو حامل النفسيه تكون بالنازل اذا دشت المستشفى عيل شلون الحوامل!
العيب الثاني النظافه كلش ماكو نظافه وعلى ذمة الراوي والخاص يسحبون بيزات بس بصراحه وانتي مرتاحه
بالعكس انا اقول الدكاتره الزينيين بالحكومي بس ماكو اجهزة ولانظافه !
الله يهون علينا يارب ويسهل عليج ياحبيبتي
واهم شي صلاة الاستخارة وربي بيكتبلنا الخير ان شاء الله
بس صدق هالدكتوره شينه وقوية عين
وش دخلها تروحين خاص ولا تروحين عام
هذي حرية شخصيه
وزين انكـ رديتي عليها ولطمتيها 
ولا هالمصاروه جنه دافعين من جيبهم شي
انا رحت لهم مره وانا حامل وبعد قلت توووبه ادشه
انا ولادتي ببنتي الاولي وبكر
ولدت بالممر علي السرير واللي ولدتني السستر
وغرف الولادة متروسه هنديات ومجابلينهم هالدكاترة
ونطرت اربع ساعات علي شان يخيطيون الجرح
الاولويه لهالهنديات طبعا
مصيبه صابتهن كل ماامشي بالسوق
اغلبهن حوامل
يحملن ويولدون بالكويت
علشان رعايه ويضبطونهم ربعهم الهنود الشغالين بالمستشفي
صراااحه انا تجربتي جدا سيئة مع مستشفي الصباح
انا بالبجر رحت هناك بس كنت اراجع عند دكتور وواسطه شالني شيييل حتى لاستقبالي فتحلي غرفه االلي تصير غرفتين وحمام بالصباح
والثاني فتح بطن بالشفا
الثالث قال ريلي ان رحتي خاص راح يسوونلج عمليه لا تروحين وانا متضايقه اقوله بالولاده ماكو عنايه ونطره ووصاخه قال ان رحتي خاص والله ماراح اييلج المستشفى ولا اطلعج
حدني ووللحين شايلتها بقلبي عليه
الله ياهم لعبو فيني
كنت باخر التاسع وانا ما اييني طلق فوقتها كان فيني كحده وكل ما كحيت نزل شي (وانتو بكرامه) انا حسبته افرازات عادي
يوم رحت اسوي سونار والا يقولي انتي وين بتولدين قلت الصباح
قال الفني الحين تروحين لان ماكو ماي الا 4 سم
تخيلو
واطيير الصباح يوم راويت الدكتوره السونار قالت لا مانعترف فيه
قلتلها توني قبل سساعه مسويته قالت لا
دخول
طيب شنو ولاده
قالت ما ادري انتي دشي وبس
ودشيت
الساعه12 الظهر تخيلو مفصخه ولابسه لبس الولاده والله العظيم لي الساعه6 المغرب يالله سولي سونار
مالت عليهم
قالو مافي ماي قللت لاوالله وانا ليش يايه من الصبح
استغفر الله
بس ربي ياجرني على اللي شفته منهم
سوري طولت
هذا غير النظافه
في غرفه الطبيبه قالت انسدحي بفحص الا الازرق الي مفروش مبين مستعمل قلت لها غيروه قالت مافيه والله قعدت وانا كاشه منه
يوم قعدت بره انطر الدخول والا هالمصريه تطقطق بالكعب وتسلم على هذي وهذي السسترات والا والله العظيم تطلعلها طبقه شكبرها من هالمفرش الازرق وتدعسه لها بالجيس
حسبي الله عليهم
الا الدكاتره كلهم شطاااااار ونصهم بروفوسوور وشطاااااااااااااااار
قليل ماتلاقين دكتور خواره
والي حالتهاا خاصه او متعسره ليش يحولونها الصباح ؟!!!!
وعلي فكره هما مايبون الكويتييين لان ولادتهم ابلاااش
يبون وافدين من براا علشان الفلوووس وبس
حببيتي لاتيآسين وان شاء الله تكون خيره لج
بالنسبه لمستشفى الصباح خلااااص طفح الكيل
انا ماهمتني معاملتهم لانه هذي مستشفياتنا من سنين ان كان ولاده ولا طب عام
لو اقولج اللي شفته منهم ماراح نخلص بس بالمختصر الصباح مايبون كويتين الا واسطه
لانه مو مستفيدين منا شي اما الوافدين يستقبلونهم لانهم دافعين فلوس حتى لو شي رمزي
فالاولويه لهم واصلا الوافدين ماتهمهم لانظافه ولا مكان اهم شي تولد وتطلع واهي المستفيده
\
اول امهاتنا مايولدون الا بالحكومة الحين محد بسبة تعاملهم الزفت عفوا ويا الكويتيين جنه حقد بقلبهم علينا
مع التحية…………
على قولة مثل
حط فلوسك بالشمس واقعد بالظلال
صج ام اللسان وانا سامعه انه الصباح زين بس أنا اقول قط فلوسك
بالشمس وأقعد بالظلال