|
|
السلام عليكم ورحمه الله وبركاته
شلونكم ؟
شخباركم
المهم
انا اشوف القسم وااااااااااااااااايد يشكون من ازواجهم ومن الخيانه بقولكم سالفت وحده صابره علي زوجها 15 سنه
كان ما يصلي ولا صلاه وحتي عيونه زاااااااااااااااااااايغه علي البنات وحركات وسوالف صبرت عليه زوجته واحتسبت
الاجر ولا عمرها فكرت بالطلاق لانه مو حل للمشاكل بالعكس اللي هالشي يضر ما ينفع بعد 15 سنه الزوج تغير
صار اللي ما يصلي قام يصلي بالمسجد كل الفروض وفوق هذا يقرا القران وترك كل شي شين في حياته وحتي الخرابيط
هداها تدرون شلون ؟؟؟؟؟؟؟؟؟؟؟
لانه زوجته سنعه بدال لا تشتكي حق فلانه وعلنتانه
شنو سوت قالت ماراح اشكي حق احد لانه محد راح ينفعني اشتكت لربها اي نعم لربها تدعي وامسكت سجـــــــــــــادتها
تصلي بالليل والناس نيام والله سبحانه بدلها حال زوجها وصار من احسن الناس طبعا هي عانت واااااااااااااااايد بس
عمرها ما اشتكت حق مخلوق لانه عندها الخالق وهي قالت لي قولي قصتي عشان الناس تستفيد
بس هالشي قالت يبيله صبر 15 سنه وهي صابره وماقالت يبا ما ابي ما منه فايده بالعكس كان عندها يقيــــــــــــــــن بالله
سبحانه انه ربي بسخره لها لو كل وحده قالت انه عندي يقين وصبر جان كل البيوت الحين بسعاده
اذا كان في امل ان الريال ينصلح
لازم زوجته تصبر عليه وتحاول انها تعدل اموره وترده الي الطريج السليم
خصوصا اذا في بينهم عيال
لكن اذا كان الزوج مستمر بالخطيئه ولا يبي طريج الصح هني كلام ثاني
يتشموتون فينيي … والوحده مالهاا الا صلاتهاا ودعاهااااا اذا تبي رجلها لهاا الا اذا بايعته هذا شي ثاني
ويعطيج العافيه حبيبتي على السالفه الحلووووه
مسكينه ضيعت 15 سنه شالفايده تاب بعد ماشابت وراحت احلى ايام عمرها مايستاهل الريال الخاين الا مره وحده فرصه وحده ماتاب ليش تعيش معاه عبالج 15 سنه مالعبت بحسبتها موشوي 15 سنه شوفي نفسيا اساسا اشصار فيها والنفسيه تلعب دور بالجسم
وبسبب سكوت الحريم الرياييل طايحيله
البنت تشكي ويردون عليها البناات شلي مقعدج معااه تطلقي عيشي حياتج ربج يعوضج .؟؟!!
مااحسه هذا الحل …
الله موجود ..
فرضا طيب ان حاله ما انصلح شسوي ؟؟
انطر 20 سنه ثانيه ؟؟
ويعطييييييييييييج الف الف عافيه عالنقل اللي صـج راح يستفيدون منه اغلب البنات
بس ماتوقع بهالزمن المرا تصبر على بلاوي ريلها
15 سنة ضاع عمرها معاه وبعد ما شاب وصارو عياله كبره قلتي لي اهتدى
اشحلاته بعد كل هالعمر بعده على خرابيطه؟؟؟؟؟ ادري ان الصبر مفتاح الفرج بس مو 15 سنة
انا عطيته مهله سنتين ماتعدل بيت اهلي ينطرني انا ما اصبر عليه