تعالوا انا اللي بموت الحكيمه ترد علي

؛
؛

الله يعينج

دامج ما صدتي عليه شي ما تقدرين تواجهينه

؛
؛

نصيحه لا تفتشين

اممممم جربي تسولفين و نغزات و ان الدنيا تخرع الواحد يموت باي لحظه و يالله حسن الخاتمه ( تنبيه له ان فتن الدنيا فانيه )

وادعي ربك يستر عليه و عليك و يهديكم

الله يعينج بس ادعي واستغفري والله سبحانه معاج

لا حول ولا قوة الا بالله العلي العظيم

لاتستعجليين بالحكم عليه يمكن عنده موضوع خاص بأهله بدواهم بواحد من أصدقائه وما يبي يزعجج فيه , أحسني الظن فيه خصوصا انج مدحتيه بكلامج , وطولي بالج وكوني له الصدر الحنون عشان لا فكر يفضفض مايفكر يلجئ حق أحد غيرج الله يديم المحبة ولا يفرق بينكم

ذكريه بالاخره وفبناته اذا عندكم عيال وعلا طول. قولي الله يستر عليهم الدنيا تخوف ومن هالحجي لاتفتشين ولا تنبشين

الرجال لو يبي يغاازل حبيبتي عادي بيطلع بره كبري راسج واهتمي فيه اكثر دام ماشفتي عليه شي

,

لا تقولين له شيء الا من بعد ما تأكدين حبيبتي

يمكن عنده مشكله /.. مايندرى

اخذيها من ناحيه الايجاب مو السلب
,

لاتوسوسين

توني راده على موضوع الاخت (المها) عن الخيانه الزوجيه نسخته لج مثل ماهو لأنه راح ينفعج إن شاءالله وأنتي ماشفتي شي على زوجج بس مجرد شكوك ……..

هدي بالج وارتاحي…….

تبين أنصحج من قلب والا أقص عليج وأماشيج ؟؟؟؟؟؟؟؟ تبين خبرة 18 سنه زواج ماقعد شي من البلاوي والمصايب مامرت علي والتجارب المره اللي خذيت من دروس مو درس ………….

تبين الزبده كبري مخدتج ونامي وطنشي الموضوع كله ولاكأنج شفتي شي أدري صعبه بس عودي نفسج وتحملي الحياة الزوجيه يبيلها صبر…… والله ما أتفلسف عليج بس هذا الصج …..أنتي تبين تواجهينه عشان ترتاحين صح ؟؟؟؟؟؟؟ والله ثم والله ماراح ترتاحين بالعكس راح تحترين أكثر يعني شنو راح يقولج وشنو راح يبرر بيخربط بالكلام وبيطلع نفسه برئ وأنتي راح تطوفين له وهو راح يستانس إن الكذبه مشت عليج ولا راح يخاف بعدين بيقول هاذي درت وأسكتت والرجال الكويتي بالذات يموت على الخيانه حتى بعد الزواج طبعا البعض مو الكل بس اللي يحب الحريم ماراح يتوب ولا راح يخاف منج كلش …….ورب الكعبه عن تجربه إنتي من خلال سوالفج معاه هدديه بطريقه غير مباشره وألفي سوالف من عندج اليوم وحده معاي بالدوام درت إن زوجها يخونها شنو سوت فيه عفست حياته عفس وأبدي ناقشي الموضوع والله لو أنا منها أفضحه بالله وخلقه وأسوي وأسوي وخرعيه بنظرات عيونج ورب الكعبه الرجال يخاف من التهديد بطريقه غير مباشره ويقعد يحسب لج ألف حساب (مجربه والله) ولا تعورين راسج ولاتخربين بيتج( مرد الكلب على القصاب ) مع أحترامي لج ولزوجج بس والله المثل صحيح وين بيروح مرده لج وأنتي طبعا أهتمي بنفسج وخليج كاشخه على طول وطلعي معاه ولاتخلينه بروحه وعليج بالدعاء والاستغفار وإن الله يصرفه عن بنات الحرام ويرده لج والله يوفقج وأسمحيلي على كثر الكلام بس والله تجربه ومستفيده منها ويشهد ربي من كل قلبي أنصحج ……..وشكرا لج

الظاهر مشتهيه اتطلقين
بلدة طيبة ورب غفور
قالوا اللهم باعد بين أسفارنا وظلموا أنفسهم
فأرسلنا عليهم سيل العرم ومزقناهم كل ممزق..!
الخلاصه واضح انج مليتي من الهدوء وراحة البال
وتبين المطالب والتنبش والجكه وعوار القلب

=
حمدي الله ماصدتي ولاشفتي شي
وكونج غبيه اهون 400مره من ذكيه مطلقه والا مجروحه ؟!

يعني كملي حياتج
وديري بالج على ابو عيالج
واذا حابه تغيرين لوك هم شي راجعلج
وموشرط اللي يكلمون زوجاتهم مو سنعين لا يعني اقصد غيري روتين اذا كلش موسوسه..

وبس
تحياتي ياحياتي

الله يعينج

عسي ربي يهديه ويسخره لج

مالج بعوار الراس
يمكن عنده حجي بينه وبين ربعه

لما تسالينه منو تكلم ؟ ليش مسكر الباب شيقول ؟؟

ان شاءالله ماكو الا العافيه
لا تفكرين وايد وتعبين عمرج

هالشي صار معاي كنت اشوف زوجي كل ما يرن فونه

يطلع من الغرفه يتكلم وحتى مرات يدخل عزكم الله الحمام معاه تليفونه

ماقدرت اسكت كلاني الشك شنو هالشي الي يخليه ما يتكلم جدامي وحتى الحمام تليفونه معاه

الصراحه ما سكت مسكته وقعدت معاه قلت له يا فلان شسالفه صاير شي ؟ في شي انا مادري عنه ؟

قلت له ترى تصرفاتك غريبه ليش لما يرن تليفونك تطلع برا ما تتكلم جدامي ؟ وصلت فيك حتى بالحمام معاك

قلت له اذا السالفه ما تنقال ريح قلبي و قولي منو صاحبها من غير لا تقول السالفه !

ترى وضعك يشكك وانا اغار عليك واخاف تغلط ولا شي

طلع الموضوع صاحبه صايدينه سكران ومعاه بنت متزوجه @@

وقالي لو لا العشره جان ماوقفت معاه

يعني زوجج يمكن عنده مشاكل مع ربعه او ربعه عندهم مشكله ما تنقال

مو شرط زوج اهو الجاني والي فيه عله او يكلم بنات لا مو شرط

بس كلميه خليه ينتبه ان تصرفاته غلط لا تنبشين من وراه ترى الريال يكرهه هالشي باجر عناد عليج يخش عنج حتى الفون