تضبطين اعصابج عند الحموله اذا متهاوشه مع رجلج لووووووووووول

سؤالي
البنات اللي ساكنين عند حمولتهم باللذات لان هذيلا اللي مايقدرون يكونون رسمين حيل لابد الحموله يكونون مطلعين لو شوي على حياتهم الزوجيه من فرح وحزن وهواش او زعل ويكون واضح ومبين يعني في بنات ماشالله عليها تزعل مع زوجها وتنزل عند الحموله فل ميك اب وضحك وسوالف ولا جنها اللي تبجي فوق قبل شوي وفي بنات مثلي يفلتون لووووووووووول يعني غصب اللي مايدري يدري انهم زعلانين باللذات اذا نفس نوعيتي ملامحي تفضحني انتفخ واعقد النونه لوووووووووووول وياقرده اللي يسالني شفيج ولا يافلانه علامج لووووووول يالله كل وحده تسدح اخلاقها قصدي تجربتها……………؟

لا اكيد مابين لهم شي
وحتى لو بين من ملامحي شي ماقول لهم لانة هاذا شي خاص فيني
وشكرا ع الموضوع

لا ماابين لهم عشان مايتدخلون في حياتي واذا ادخلوا شطلعهم هههههههههههههه

ما ابين ما احب احد يدري احاول ما احتك فيه
والاغلب اذا زعلانه يكون مالي خلق شي وما انزل

انا ما احب ابين كلش

ماشالله عليكم ماتنصادون ابد تعجبووووووووووني

والله للحين ماجربت..
بس انا احس بسرررعه يبين علي اذا منقهره من شي
وفي بنااات شكثر تقول والله ادري انهم يسمعون هواشنا بس لي نزلت جنه ممافي شي ويستغربون منها
صج مشالله عليهم….

لا انا يبين علي بسرعه …جان زين اقدر

انا قبلج انطقيت واروح ولا جنى متهاوشين يقعد يتغشمر او جنى العيد بس هذي غلطتي

هذا مشكلتي بالدنيا ويامالج من التدخل وزوجتك اعلى من صوتك وصير ريال عليها وووراها العين الحمرا وهات وهات كأنهم ما يصدقون يبون مجال حق التشيش اعوذ بالله من بشر بدال لا تطخخ تزيد

لا ما احب ابين لهم اى شى جنه مو صاير شى

لوووووول واهم شكوو لا طبعا بس انا المشكله يبين على ويهي . .

انا اشهد حق التشيش مالهم مثيل

اذا زعلانه ماانزل
لانه بسرعه يبين عليي

حاليا قاعدة اتدرب عند اهلي يعني احاول مرات اني مابين لخواتي عشان المستقبل ادعوالي

مع اني بسرعة انفجر لوووووووووووووول