|
|
شلونكم بنات
احب اذكركم انكم ماتنقلون اي خبر الا من المصدر الصحيح
مثل ما انا يبته اليوم من مسؤول مكتب خدمات الصحة العامة بالعاصمة
وهو المسؤول عن جدول التطعيمات وكل ما يتعلق بها بالعاصمة
الجدول انوضع من شهر 5 اللي فات يعني من شهرين
وهو ان تطعيم منشط الشلل انلغى في سن 2ونص و4 ونص
وان التطعيم الثلاثي زادو عليه وصار خماسي وما انلغى ولا شي فيه
واهو مايأثر على الطفل ولا شي
وانا اعتقد انكم ماتعرفون مكوناته اهو تطعيم لخمس طعوم
فلا تخافون ولا تحاتون ترا الصحة اخبر بصحة عيالنا لان عيالهم بعد
رجاءا لحد يتحسب على اي شي واي موضوع
الاحظ كثرت سالفة السب والتحسب على اي موضوع
وهذا رد الطبيبة رشا الصفي على موضوع الخبر الطازة
|
المشاركة الأصلية كتبت بواسطة د. رشــا الصفــي
 السلام عليكم
بصراحة ما عندي خبر لي الحين بمنع التطعيم الثلاثي اللي وقفوه منشط الشلل باجر اكلم قسم الصحة الوقائية و اييب لكم الخير الأكيد بإذن الله بس عندي جم ملاحظة بقولها اذا ممكن صار عند البنات خلط بالموضوع التطعيم الثلاثي هو DPT دفتيريا و تيتانوس و سعال ديكي يعطونه على عمر شهرين و 4 و ست شهور بأول سنة حاليا ضافوله الهيموفيلاس و النيموكوكال فصار خماسي و ليس ثلاثي فهالتطعيم ما ينعطى على سنة و نص و ليس منشط و ماله علاقة بالتوحد لا من قريب و لا من بعيد اوكي ؟ الشي الثاني التطعيم اللي قالوا انه يسبب التوحد اسمه MMR و هو عبارة عن حصبة و حصبة المانية و نكاف و مصدر الكلام دراسة سووها سنه 1998 بمشاركة 13 طبيب و سووا الفحص على 12 طفل بس و استنتجوا هالمعلومة و نشروا البحث في سنة 2024 اكتشفوا ان كلامهم غلط فسحبوا البحث و نفوا الكلام و عقبها طلعت 23 دراسة تنفي هالعلاقة بين التوحد و الMMR الشي الثالث التطعيم اللي وقفوه هو المنشط مال الشلل اللي حق عمر سنتين و نص و اربع و نص و بس فرجاء حار قبل ما نتكلم و ندعي عالناس و نتحسب عليهم نتأكد اول من المعلومة لأن الله سبحانه راح يحاسبنا على كل كلمة نقولها او نكتبها بأي مكان و اي دعوة ما يستحقها الشخص راح ترجع علينا لأن في ملاك يرد علينا اذا دعينا بأي دعاء يقول و لك مثله فديروا بالكم بليز لا نطيح بالغلط
|
هذي المعلومات الي عندي بعد
كنت ناطرة ردج على الموضوع اختي كيت كات ،،، انتي والدكتورة اخبر
مشكوووري
والله صج اخترعت وضاق خلقي 
الغرض قلوبكم تتطمن وترا انتو بايدي امينه
باذن الله اطباء ومسؤولين الصحة ماشاء الله
عليهم دايما يبون الزين ومنظمة الصحة العالمية
اشادت بالتطعيم عندنا والدليل قلة الامراض المعدية
بالنسبة للدول الثانية والمجاورة
بنت الكويت نورتي
عن جد كنت أحاتي هالخبر و كنت بسأل فيه أهل الخبره
بس و فرتوا علي وطمنتوني
مو لانه خطر
لانه منشط واهو من الولادة واحنا نعطيه للاطفال
فوقفوه بعمر 2ونص اكيد شافو انه كافي او شي من هذا القبيل
وعقب هالتطعيم في 3ونص وماانلغى
حياكم الله