|
|
الســـــلام علـــيكم …
شلونكم شخباركم …
بنات . انا توني متخرجه من كلية التربية .. بس بغيت اسأل عن كذا سؤال وياريت اللي يعرف يجــاوب .. ويكون سوا فيني جميل ..
1- متى استلام الشهادات ؟؟
2- متى نسجل بالديوان ؟؟
3- ومتى نبدأ فحوصات ؟؟
4- ومتى التسجيل للوظيفة ..
لا تبخلون عليّ بردودكم ..
مشكورين ويعطيكم العافية .. مقدما
روحي اخذي لمن يهمه الامر من الجامعه
بس التسجيل دخلي على موقع ديوان الخدمه وشوفي
يحط لك مواعيد اللي راح يفتح فيهاا وكم المده
وموووفقه ان شالله
مافي مواعيد محددة لاستلام الشهادات من الجامعة ومراجعة الديوان ..!!
خريجات التربيه الاساسيه ذاك اليوم راحت رفيجتي و سالت عن الشهاده يقولون لها نستلمها 7-7
|
المشاركة الأصلية كتبت بواسطة Pop^*^CoRN
 الديوان راح يفتح تاريخ 16-7 بس نسجل و نراجع المنطقه اكيد بهالفتره نكون مستلمين الشهاده و اخلاء الطرف
خريجات التربيه الاساسيه ذاك اليوم راحت رفيجتي و سالت عن الشهاده يقولون لها نستلمها 7-7 |
مشـــــــكوره ع الرد POP ^*^ CORN 
أنا مثلج خريجة هالكورس
وقعت ورقة اخلاء الطرف و هذي هي عندي انطر العمادة يدزون لي مسج اوديها لهم
ما ادري متى بيدزون المسج طولوو
و الديوان يفتح نص سبعة إذا مو غلطانة نسجل بالنت
بس ما ادري متى نروح المنطقة التعليمية بالضبط
طبعا المنطقة التعليمية قسم التعيينات بيعطونج اوراق الفحص الطبي هالسوالف
و موفقة يا أبلة
وبعدها
شوفي هذا النموذج عبي بياناتج فيه
بالاول اختاري القوى العامله الوطنيه
https://www.csc.net.kw/maincsc9.htm
وهذا يبته لج من الموقع:
فترات التسجيل لعام 2024
1- الفترة (30) من الجمعة 5/مارس/2010 حتى الجمعة 19/مارس/2010 لاستيعاب خريجي الهيئة العامة للتعليم التطبيقى والتدريب وجامعة الكويت(الفصل الدراسي الأول).
2- الفترة (31) من الجمعة 16/يوليو/2010 حتى الجمعة 30/يوليو/2010 لاستيعاب خريجي الهيئة العامة للتعليم التطبيقى والتدريب وجامعة الكويت(الفصل الدراسي الثاني).
3- الفترة (32) من الجمعة 17/سبتمبر/2010 حتى الجمعة 1/أكتوبر/2010 لاستيعاب خريجي الهيئة العامة للتعليم التطبيقى والتدريب وجامعة الكويت (الفصل الصيفي).
4- الفترة (33) من الجمعة 26/نوفمبر /2010 حتى الجمعة 10/ديسمبر/2010
بس يوصل دورج يدقون عليج وراجعي المنطقه التعليميه تالي