|
|
.gif "Eh S(17)")
بقول لكم موقف و أنتو حكموا
قبل اسبوع كنا بأحد الاماكن الترفيهية
و بنت اخوي شايله بنتي ام 4 اشهر
يات وحده منقبه مع احترامي لكل المنقبات
قالت حق بنت اخوي ممكن ابوس و تاشر على بنتي !
أنا لفيت قلت نعم ؟ قالت ممكن ابوسها ؟
مادري شلون يتني الجرأه و قلت لها لا و مشت
مع أني لما اتنح ما أتحجى بكثير من الاحيان
سؤالي هل ترضين ان احد من العامه يبوس عيالج ؟!
و قصدي بالعامة مثلا بالسوق او اماكن ترفيهيه و قربت وحده
قالت لج ببوس ضناج ترضين ؟؟؟
هل رده فعلي طبيعيه ؟
ولا لا
و اقول حق البنت سامحيني بس أنا ماعرفج
مافيها شي
بس انتي تضمنين ان مافيها امراض مثلا
و بالنسبه يمكن تكون محرومه مافكرت فيها الصرراحه
انحصر تفكيري بالناحيه الصحيه
بس والله عادي ما فيها شي بالعكس ليش ماتحب البنت هذا دليل انها حبت بنتج والله يخليها ليج ………..
بس يمكن في ناس محرومين من العيال وقلبهم يزوغ على أي ياهل
يعني في استثناءات
\
اخليها تبوسها و تلمها اذا تبي
قبل اسبوع تسولف علي رفيجتي تقولي شافت بيبي يهبل تقول ما ادري شلون صرت جريئه و قلت لامه ببوسه جان تبتسم الام و قالت عادي
بعدين سبحان الله الاطفال ينحبووووون وودج تاكلينهم حتى لو كانت البنت محرومه او لا عادي
بس و الله كسرت خاطري البنت ههههههههههههه
اي عادي لو عندي بنيه واحد بيبوسها بالعكس استانس ان بنتي محبوبه ليش افشل الناس واوسوس تصرفج غلط
ليش زمنا تغير ؟؟ حتى بوس الجاهل نخاف منه ؟؟
واتركي الوسواس عنج بس قبل لا تطلعين لاي مكان حصني بنتج بالاذكار وخلاص