ترضون تخلون عيالكم يروحون بالباص خاصة مرحلة الروضة؟

السلام عليكم

بنات بغيت اخذ رايكم شرايكم بالباص حق اليهال للمدارس؟؟؟؟؟ انا ودي اسجل ولدي اذا بغا يروح الروضة بمدرسة خاصة ………..بس ساعات احصر نفسي بمدرسة بسبب ان ممكن اوديه واروح الدوام ……… بعدين اقول شكثر ناس حاطين عيالهم بباص حتى مرة شفت باص مال حضانة بسلوى ياي مبارك الكبير …….. اقول انا الي احاتي او ابالغ والا الموضوع عادي؟؟؟؟؟؟؟؟؟ خاصة ان معاهم ابلة اذا وقفوا بتقول قعدوا ماعتقد بيخلونهم بروحهم؟؟؟؟؟؟؟

وساعات اقول لا صغار وماله داعي

انتو شرايكم؟؟؟؟؟؟؟؟

عادي تخلين ولدج بباص وهو بالروضة والا لازم انتي تودينة ؟؟؟؟؟؟؟؟

شاركوني

والله انا ولدي يروح بالباص
والحمدلله معاه مشرفه
واحس شخصيته صارت اقوي
لانه صار يعتمد علي نفسه
بعكس اول لما كان بالحضانه كنت اوديه وحيل متعلق فيني

العام سجلت ولدي بالباص والحمدالله ارتحت
والحبن انا بسجل بنتي ولدي بنفس الباص لانهم بنفس المدرسه بس احاتي بنتي اكثر من ولدي لانها بالروضه

اخووها حنون وحريص طلع على امه هههههه

شرايكم عادي وخصوصا ان باص مو تبع المدرسه ؟؟

واذا عندكم باص السايق محترم وثقه ياليت تعطوني رقمه واذا في سواقه يكون احسن

ياليت ماتطنشوني

لا لا لا لا ليش ما اودية واجيبة ليش حتى لو مااقدر وظروف ودوام ومو على طريجي لا لا لا

مشكورين بنات عالتفاعل واتمنى مزيد من المشاركات

انا كنت وايد أعارض ان ولدي يروح بالباص بس صارت لي ظروف أجبرتني ان اخليه يروح بالباص وكان الوضع جدا عادي الحمدلله وطبعا كنت حريصة ان شفت بعيني اشلون الطالب يدخلونه الباص من داخل سور المدرسة ومعاهم في ناني اتراقبهم داخل الباص ولما يوصل البيت أحرص ان ينزل من جهة الرصيف مو بالشارع عشان السيارات
الله الحافظ الله يحفظ عيالنا يارب وين مايروحون وبكل وقت

اميييييييييييييييييين يارب صاجة الفرسان الثلاثة
انا ساعات افكر يعني ادخل ولدي مدرسة احس ان في احسن منها بس عشان سالفة اشلون اوديه؟؟؟؟؟؟؟؟ الباص ما يقول لا وشكثر شايفة باصات صغار ملوت حضانة وبالنهاية الله الحافظ ……………… ولازم الوحدة تستودع عيالها عند رب العالمين سبحانة ماتضيع ودايعة

هلا عزيزتي ورد وردي

والله يا ورد لو انها راده علي جان خليته يروح فـ الباص

وماعليه الا العافيه .. خاصه اني مستحيل اقدر اوديه الصبح

ودايم اقول وايد ناس يودون عيالهم ف الباص

بس خليني اقول لج تجربتي وان شاء الله تستفيدين

انا وليدي يروح kg1 وماخليت مدرسة وروضه ما رحت لها

استقريت على الحياة وروض الصالحين

المهم ما تيسرت بالصالحين رحت سجلته بالحياة

بس حاطهايدي على قلبي

لان السالميه مستحيل اروح الصبح ما يمدي

الظهر معقوله اخذه بس الصبح لا

المهم سجلت ودفعت حجز المقعد وانتهينا

طلبت مقابلة الدكتور وشرحت له

قال لي بالحرف ..

اذا ماتقدرين تجيبينه السالميه ولا يوم بالاسبوع

من الحين اقول لج روحي دوري له مدرسة قريبه من بيتج او دوامج

قلت له دكتور خرعتني .. كـ انك تحذرنا من الباصات

قال هذا باص مدرستي .. وكلامي مو عن ثقتي في السواق او المشرفة

انا اتكلم عن الحاجه .. حاجه الطفل في هالعمر لج انتي او ابوه

اذا كبر شوي .. انا اقول لج جيبيه عندنا وخليه يروح ويرد ف الباص

بس الحين طفل.. لا .. !

قلت له بس دكتور انا ودي انه يستفيد من خبراتك في المدرسة بهالعمر

بدال لا اقط فلوس برا من غير ما يستفيد

قال لي سمعي مني .. لاحق ع الاستفاده

لا تدورين الفايده على حساب شي ثاني .. خاصه بهالعمر

=======

طبعا الكلام مو على هواي فـ رحت استشرت دكتور ثاني

( مصطفى ابو السعد )

قال لي نفس الكلام والله عاد هذاك بس يزف الله يعطيه العافيه

========

أبييييه لما رديت البيت

رديت البيت استخرت وقعدت افكر .. لما كنت اوديه الحضانه

كنت اسولف معاه واضحك معاه بالسياره الصبح عشان ما يخذر وينام

ولما نوصل واهو بعيونه النوم .. العبه واضحكه واقعده قبل لا انزله

بالباص من بيسوي له جذي .. ؟

ولما نرد يسولف لي شنو سوو ويافرحته فيني لا مريته انا اخذه

لا رد ف الباص ومعاه يهال يوصلهم من له خلقه يلعبه والا يسولف معاه ؟

رديت سحبت اوراقه وسجلته في مدرسة قريبه لي

واذا كبر ان شاء لله يحلها الف حلال ..

والله يسهل الامور

وايد تكلمت ادري .. :$

بالعكس نوووور كلامج حيل افادني خاصة انج حطيتي رايي دكاترة بهالموضوع وانا مانزلت هالموضوع الا عشان اقرا اراء وتجارب الناس واشوف شنو بعدين

الله يكتب الي فيه الخير

واااااااااااااااااااااااااي
والله حيرتوني
انا اقدر اودي ولدي الصبح على طريجي
بس الضهر صعبه؟؟؟؟
اهو ب kg1 ان شالله
مادري
اودي الصبح والضهر باص؟؟؟

الله يعين

شوووفي انا مو متزوجه بس بكلمج من واقع تجربه لاني مندبسه بعيال خواني اوديهم واردهم
في مدارس تزيدينهم 20 بالشهر ويخلونه يتم عندهم لي 2 تقريبا مع مشرفات والعاب ..
وفي فكره انج تتعاملين مع حرمه توديه وتجيبه .. واعتقد الحرمه اكثر ثقه من الباص ..
وفي انج تودينه وتردينه بباص بوجود مشرفه هم امان ..

لكن اياني وايااااااااااج تودينه بباص مو تبع المدرسه او مو بوجود مشرفه فوقهم

وربي ييسر لج الامور

مشكوووووورة شوق حبيبتي عالرد

لا انا فكرة اني اخذ باص من برة المدرسة ويلم باليهال ماحبها لان ممكن يقطهم كذا مدرسة على طريجة ولا معاه مشرفة ولا شي …… لا لا انا ماحب جذي ….. باص المدرسة نفسها ومشرفة وهم قاعدة افكر

ييتي عالجرح
حتى انا طبيعة دوامي ما تنفع اوديه واييبه فقلت حق زوجي درب عليك ودرب علي بعد شنسوي
لانه ولدي اسمله عليه مايقعد اخاف عليه ينط جدام الباص ولا يتكرفس ويطيح ومحد يدري عنه
ميخالف بعد نتحمل
الله يذكره بالخير ابوي اهو كان يودينا المدرسه وييبنا وكنا 4

انا الصراحة لما كانت بنتي بكيجي 1 دخلتها الباص كورس ..
تعبت نفسيتي .. ماحب جذي ..
والله لا يحدني على هالخيار مرة ثانية ..
اوديها واييبها وانزرع بالشمس وايد ابردلي قلب ..

اول شي طوووول الوقت احاتي واوسوس ويننت سايق الباص تلفونات وينكم وين وصلتو ولو يتأخر دقيقة ادق عليه ..
غير ان بنتي ترد مسكينة دايخة من الشمس .. احنا الكبار ندوخ شلون اليهال ..

طبعا مدرسة بنتي كلش كلش مو قريبة علي ..
بس قمنا نطلع مبجر وايد وامر دوامي واوقع تالي اقطها ..
واسولف معاها طول الطريج واراجع معاها الايات وانزل معاها اوصلها لي باب الصف واسويلها باي وتبوسني ..
هذا عندي بالدنيا ..
وبنهاية الدوام لما كانت بالكيجي تنهد مبجر دخلتها نادي بنفس المدرسة بعد الدوام يخلونهم عندهم لي 2 يمديني اطلع من دوامي وامرها ..
والحين اطلع من دوامي اهيه تخلص عقبي بساعة الا ..
انطر بالشمس واشوف فرحتها اول ما تشوفني ..
واشوف اليهال اللي ياخذونهم السواق او الخدم والله فرق ..
وحتى انا فرق نفسيتي الحين عن اول اصلا كلما اتذكر اني سجلتها بالباص يضيق خلقي بس كنت غشيمة ..

اتفقي مع دوامج تمرينه وتردين او احد يساعدج الابو او الخالات او العمات ..
كثر ما تقدرين حرصي انج توصلين عيالج وان ما قدرتي الله يعينج سجليهم بالباص هم اهون من السايق