ترتيب ملابس الداخليه

بنااات نبي نتناااقش عن طريقه ترتيب الملابس الداخليه شلوووون

مثل الستيان والسليب
والله لاعت جبدي بعرف ارتبهم مو عارفه

يالله كل وحده وفكرتها

والله ضحكتيني … هذا بذمتج موووضوع

عادي مثل ماتشتريهم شوفي كيف مرتبين سوي مثلهم

اشتري بوكسات ملونه وحطيهم فيها
او في تقيسمات مالوت الكبت بأيكيا اشتريلج جم واحد وقسمي فيهم

روحي ايكيا تلقين تقسيمات وايد حلوه تصلح للاشياء

واخذيلج فره على قسم تبادل الخبرات المنزليه راح تستفيدين

لووول سؤالج مهم بس يضحك و بالقسم الغلط

اشتري سوالف الترتيب و التقسيم ملوت ايكيا . . . و كل شسمه حطيه مع شسمته و خلصنا بعد اشيبيله

حبيبتي اذا عندج درج حطي ستيانات فوق بعض مثل للي بسوق وسليب مثل ما طلعتيه من كرتونه اول ما شريتيه شوفيه شلون كانو لفينه وتعلمي لفيه مثل الشيء وسلامتج بس

واذا ما قدرتي تشترين تقسيمات جيبيلج كرتونه مال الطماط وسويلج تقسيم بدرجج وببلاش بدله لا تقطين فلوسج علي فاضي سويلج تقسيم بكرتونه طماط او الخيار مو خووش فكره صح وفري فلوسج لنفسج

الستيانات عادي حطيهم فوق بعض و السليب جفسيهم عالجنب اليمين مره و الجنب اليسار مره و من تحت سويه رول يصيرون جنهم ورق عنب لوووووول بس شكلهم يصير مرتب و حطيهم باليراره يم بعض و اذا خلصت الطبقه حطي طبقة سليبات ثانيه.

شوفي انا كبتي فيه ادراد بره احطهم فيه مرات اذا عندي مزاج مرتبين زبعدين تعالي شوفي العفسه

بس انصحوني بالتقسيمه اللي بايكيا وخذيت فكره من المنتديات كراتين الجواتي وانتي بكرامه اخذيلج 4 وصفيهم

كل كرتون لون وكل لون حطي فيه مثلا ملابس الداخليه للبيت وكرتون للشلحات وكرتون للسليبات ابو خيط وكرتون للملابس الخاصه

وكرتون للاطقم وانتي وكيفج وشكثر يكفي درجج او بالكبت نفس الشي

يبيعون بـ " دايسو " مثل تقسيمات للملابس الداخليه

في اللي تصير علب بلاستيكيه .. و في اللي يصيرون جنهم قواطع تركبينهم .

حبيبتي بدايسو يبيعون التقسيمات يجننون ورخاص انا سويتهم صار الدرج يجنن ومرتب فعلا روعه ودشي قسم ركن الترتيب وبتشوفين كل شي بعينج

وين دايسو ودي اشتري التقسيمات

بالفروانيه صوب الجمعيه مقابل للبنك التجاري على ما اعتقد

جزاج الله خير ..

اشتري من سنتربوينت علاليق خاصه للملابس الداخليه
و بعد تقسيمات من دايسوا

اهم شي احط معاهم مسك القرشي بعد ما اطحنه عشان الريحه تصير حلوه

انا تبهدلت مع ترتيبهم كل ماسوي طريقه القى فيها عيب

اخر شي استقريت على اكثر حل ناسبني

واحد من جوانب الكبت من داخل فاااضي تخيلي بس فيه رف فوق .. وكذا مره اقول بركب له عمود للتعليق واتكاااسل

اخر شي شريت الادراج البلاستيك اللي مثل هذول

خذت حجم كبير وعالي اصغر بشوي من الجهه مالت الكبت وحطيته داخل

وخليت رف للسليبات القطن السود والبيض ..

ورف للسليبات القطن الملونين ..

ورف للسليبات السترنق

ورفين للأطقم ..

و رفين للستيانات

والسليبات اسويهم مثل الرول ..

واقط بينهم مكعبات المسك و صابونات اصغر من بولقري احب ريحتهم

وايد ريحتني هالطريقه واعرف اللي عندي بدون ماعفس الدنيا