تذكـــــــرتها .وكـــــــسرت خاطري أقروا سالفتها

ببدي على طووووول ..السالفه هذه من فتره بسيطه

مره من المرات كنت معزومه على عشا ..وكنت متكشخه وحاطه مكياج وكان شكلي حلو حيل ..وكنت مخليه اختي بالبيت عند عيالي لانها كانت اساسا تعبانه وحامل واخر شهرها وقالتلي ماني رايحه قلتلها اوكي ..انا ماراح اطول عليج كلها ساعه وبرجع ان شاء الله ..فلانه ..اذا حسيتي بأي شي عوار ولا زاد عليج الطلق قوليلي ..قالت اوك..وخليتها ومشيت

بعدها بساعه الا ربع ..دقت علي أختي تقولي زاد علي العوار وديني المستشفى ..وطرت انا وزوجي على طول البيت خذيتها ورحنا لللمستشفى الخاص ..

قعدت اطالع اختي وهم يحطون لها جهاز الطلق والنبض وهي كاسره خاطري ..حطوها بالملاحظه يبون الرحم يفتح عندها طبيعي بدون اي تحاميل ولا شي بس عطوها مسكن ..وحطوها بالملاحظه العامه على ماتجي دكتورتها ويصعدونا لغرفتها

المهم..

ناس رايحه ..وناس راده برى غرفة الملاحظه وكانت عباره عن 3 سراير بينهم ستاره ..دشيت قلت شمطلعني برى ..بصراحه لاني مجربة عوار الولاده كنت حدي منغثه على اختي ..مابي اشوفها تتالم جدامي ..

وشوي..
الا تدش وحده عمرها تقريبا 25 سنه معاها خدامتها ..كانت خدامتها تعبانه ..ويبون يحطونلها مغذي ..كنت اطالعها من بعيد لبعيد ..ماشاء الله البنت ارتحتلها من اول ماطلعتها كانت محتشمه مايبين منها شي..كنت اشوفها تطالعلي وانا عيوني تلف الغرفه وترد تطالعها واقول بيني وبين نفسي شفيها تخز؟؟ادري ياربي اني نسيت امسح المكياج بس كان خفيف مو حيل ثقيل ..
قلت ياربي الظاهر نقدت..

شوي ولا تجي صوبي وتقعد عندي سلمت ورديت عليها السلام ..وبعدين قالتلي ممكن اسالج سؤال؟؟قلتلها امري حبيبتي ببتسامه خرعه..اقول يارب لاتعلق

الا تقولي ..شلون حاطه مكياجج ؟؟هنيه انا قلت اشوه قالت شنو قلت لا عن اختي اشوه من قبل شوي لوووووووول
الا قلتلها ليش سؤالج هذه غريب عادي كريم وكل يوم لطخي وتعلمين ههههههههه <<<<صج معدومة مشاعر ..

الا وتسالني زين شلون تنسقين ببلبسج ابي اتعلم تكفين انا ماعرف هنيه انا قلت يمكن تتطنز ولا شي ؟قلتلها انتي شنو تبين بالظبط؟طبعا قلتها وانا اضحك ..الا ما غير عيونها تدمع هنيه انا انصدمت قلتلها حبيبتي شفيج قولي ترى مو قاعده الا عند اختج؟؟

الا تقولي ..زوجي السبب قلتلها ليش؟قالتلي زوجي كله يقولي انتي مو مره ..انتي بصوب والحريم بصوب وهي انهدت وماحبيت اقطع كلامها ..تقولي زوجي حتى يقولي انه مو مرتاح معاي لابنوم ولابشي ودي اتعلم احط مكياج ودي اصير حرمه انا تزوجت وماكان بمخي غير الدراسه ماكنت اعرف بحياتي غير الدراسه اهلي كانو يمنعوني من طلعة البيت وعمري ماختلطت مع احد عايشه حياتي بين الكتب ..ولما تزوجت زوجي كان يجي البيت يشوفني لابسه بجامه ثوب عادي يقولي والله جنج واحد من ربعي عمره ماقالي كلمة حلوه كله يحبطني ..انا ماعرف شي مره حاولت احط مكياج ..اول ماشافني قالي تخرعين ..لانه ماعودته ولاتعود ..تقول باختصار ماعرف وتبجي وقلبي تقطع عليها ..واللي صدمني تقول انها صيدلانيه وماشالله معاشها طاير على ابوها وخوانها ياخذون منها علبو انها مو محتاجه وماعندها عيال.؟؟؟؟قسم بالله لاتشوفون شكلها متعذبه المسكينه ..؟يوم قلتلها خلاص ابشري اعتبريني مثل اختج هاج رقمي واي شي تبين دقي علي قالتلي زوجي يذبحني لو شاف رقم اي وحده عندي يقول ماله داعي تكلمين احد غير اهلج …اهنيه وربي بغيت اقوم على زوجها واذبحه يومه بط جبدي

شوي ولا تقوم ولفت علي بنظره ..ولاتقول ..((تصدقين..احس مرات الموت أرحم ))ومشت

ظليت اطالعها وهي تمشي منكسره بعد جبدي مدري عنها الحين ولا ادري عن حياتها شنو ربي يسعدها بظهر الغيب ياااارب تحنن زوجها عليها ..

معقوله الرجاجيل قلوبهم معدومه كل شي يبون من الحرمه تسويه لهم وينكرون ابسط حقوقها الا هي الكلمه الحلوه ؟
حسبي الله وحده ونعم الوكيل..

والله مرات لو نشلع عيونها ونعطيهم مايكفي …..