|
|
السلام عليكم
حبايبي ما بي اطول عليكم
انا توني تعيين جديد وطبعا ماني عارفه اي مستوى راح ادرس
المطلوب شنو الاشياء إللي يحتاج من الحين اجهزها للدوام من لوح او قرطاسيه ابي تقولون لي كل شي
لأني عارفه نفسي من ابلش دوام راح اتكون اعيوني براسي <<<<<مغيمه
فأبي احس إني على الاقل امجهزه شي قبل لا ابلش تدريس
صباح الخير والف مبروك على التعيين
الاشياء اللي بشكل عام تشترينها للدوام
دباسة+دبابيسها
صمغ+لزاق شفاف
لزاق دبل فيس
اوراق4 a
مسطرة طويلة متر (اذا انتي تحبين تسوين وسائلج )
بطاقات مستطيلة طويلة و قصيرة
بطاقات 4 a
ألوان عريضة مستر سكتش (اللي بريحه و علبتها زرقاء)
جلاد شفاف (تغلفين بعض البطافات والوسائل)
كوركتر-اقلام رصاص- اقلامج المفضله للكتابه-الوان خشبية ماركة زينه
دفترج التحضير+دفتر علامات
اوراق ملونه ومزخرفه للطباعه
النوتات الصفره الصغيره عشان تكتبين ملاحظاتج بالمكتب والا بالحصه
صندوق العدة عشان تحطين فيها اقلامج و مغناطيساتج حق الحصه
مساحه سبورة
اقلام سبورة
مغناطيسات مدورة قطع و مستطيله جنها مسطره ومغناطيسات كلبسات عشان تقضب الوسائل على السبورة
ممكن اذا انتي فاضية تطبعين كلمه بسم الله الرحمن الرحيم وتغلفينها و تحطين وراها مغناطيس يعطي شكل لسبورتج ونفس الشي
حق التاريخ وعنوان الدرس و رؤس الاسئله اللي لازم الطلبه يتعودون عليها
ومعقم للايد سائل
كلنيكس مبلول (وايبز)
شمعه معطره من قليد(أحب الاسترخاء)
منظرة صغيره اذا تحبين تهتمين بشكلج على طول
كلنكس صغير…
هذا بكل تواضع اللي اذكرة…
والله يسهل كل امورج يارب
روحي يا قلبي دسمان .. وهناك اخذي الصور االلي تي مجيسه .. كل جيس له عنوان ..مثلا جيس الفواكه : عباره عن صور الفواكه كلها وورا كل صوره اسم الفاكهه بالعربي .. انتي اخذي هالصور وحطي ورا كل صوره قطع المغناطيس اللزق .. راح تلاقينهم هناك
الحين شنو مجموعة الصور اللي تحتاجينها؟؟ اللي راح اذكرهم لج تحتاجينهم باغلب دروس الانجليزي بالنسبه للابتدائي
اعضاء الجسم .. الفصول الاربعه .. الفواكه والخضار .. الاكل الصحي .. الاكل غير الصحي .. الالوان .. الحيوانات ..غرف المنزل .. افراد الاسره.. …الوظائف.. الارقام .. الحروف السمول .. الحروف الكابيتال .. صور كلمات الحروف : يعني مثلا صورة apple for a
وانا انصحج حبيبتي تحطين الحروف السمول والكابيتال مع كلمات الامثله في ملف خاص اللي فيه اوراق شفافه .. اسهل لج واايد تالي ويكونون مرتبين .
ممكن تلاقين هناك بعد علاقة فلين فيها اسامي ايام الاسبوع ملونه .. ووحده ثانيه فيها اسامي شهور السنه .. هذيله هم يفيدونج .. ممكن تعلقينهم يم سبورتج
هذا اللي اذكره الحين … هذيله كل معلمة انجليزي ممكن تستخدمهم في المناهج من اولى لي خامس .. مبدئيا جهزي هذيل واذا استجد شي كمليه تالي .. والله يوفقج يا بعد عمري
مبروك على التعيين اولا
بالنسبه للوسائل ….انا اقول مو الحين
نطري شوي احسن عاساس تعرفين شنو المراحل اللي بتمسكين
وشوفي يمكن يعطونج وسائل جاهزة ……نادرا ماتحدث
بس اشتري اغراض المكتب مثل ماقالت الاخت ستربوري
اقلام سبورة ….علبه تحطين الاقلام والمغناطيسات اشتري احجام
واللي يتلزق ورا البطاقات …مساحه للسبورة
اوراق طابعه ….حبر للطابعه ….دفتر تحضير اذا حابه تكشخينه من الحين
واغراض القرطاسيه كلها اكيد تعرفينا …..من دباسه ودبابيس وغيره
وحق مكتبج ….اشتري معطر للجو ….فواحه ….كلينكس
مناديل ديتول المرطبه ……غسول لليدين بعد الريوق بعد ما تطلعين من الحصص …..
مرطب وحمايه لليدين عشان الطابور واذا طلعتي بالفرص وغيره …….
شحاطات سبير غير اللي تستخدمينهم …انا لازم احط عندي احتياط ماتدرين شيصير..!!
مرايه …..ادوات مكتب كشخه ……..مفرش حلو للمكتب
انا عن نفسي لازم بخور وخلطه حلوة ولاعتهم والمبخر الصغير والفحم هذول احطهم بعلبة بروحهم
بس هذا اللي يحضرني حاليا ……بس للدوام نفسه واغراض الوسائل انا احب ااجلها
لاننا راح نقعد اسبوعين قبل لا يداومون الطلبه والطالبات
فعندي وقت اكون قريت المنهج وعرفت بالضبط وش يبي
بدال لا اخسر فلوسي …واشتري اشياء مالها داعي ومالها مكان اصلا بالمكتب
وسلامتج
مبروك على التعيين اولا
بالنسبه للوسائل ….انا اقول مو الحين
نطري شوي احسن عاساس تعرفين شنو المراحل اللي بتمسكين
وشوفي يمكن يعطونج وسائل جاهزة ……نادرا ماتحدث
بس اشتري اغراض المكتب مثل ماقالت الاخت ستربوري
اقلام سبورة ….علبه تحطين الاقلام والمغناطيسات اشتري احجام
واللي يتلزق ورا البطاقات …مساحه للسبورة
اوراق طابعه ….حبر للطابعه ….دفتر تحضير اذا حابه تكشخينه من الحين
واغراض القرطاسيه كلها اكيد تعرفينا …..من دباسه ودبابيس وغيره
وحق مكتبج ….اشتري معطر للجو ….فواحه ….كلينكس
مناديل ديتول المرطبه ……غسول لليدين بعد الريوق بعد ما تطلعين من الحصص …..
مرطب وحمايه لليدين عشان الطابور واذا طلعتي بالفرص وغيره …….
شحاطات سبير غير اللي تستخدمينهم …انا لازم احط عندي احتياط ماتدرين شيصير..!!
مرايه …..ادوات مكتب كشخه ……..مفرش حلو للمكتب
انا عن نفسي لازم بخور وخلطه حلوة ولاعتهم والمبخر الصغير والفحم هذول احطهم بعلبة بروحهم
بس هذا اللي يحضرني حاليا ……بس للدوام نفسه واغراض الوسائل انا احب ااجلها
لاننا راح نقعد اسبوعين قبل لا يداومون الطلبه والطالبات
فعندي وقت اكون قريت المنهج وعرفت بالضبط وش يبي
بدال لا اخسر فلوسي …واشتري اشياء مالها داعي ومالها مكان اصلا بالمكتب
وسلامتج
مثلا في مدارس كل ابلة لها عهدة … عبارة عن البطاقات والصور والوسائل حتى اقلام السبورة يعطونج اياها والاقلم الحمر للتصحيح… واذا كنتي تبين تطبعين صور من الانترنت حتى المجال مفتوح وتقدرين تغلفينها حراري بعد …كل شي بالمدرسة… يعني معاشج كله حقج!!! ما تقطين ولا شي….
انشا الله مدرستج تكون جذي … وتريحج…. وشغلج كله تسوينه بالمدرسة حتى تحضرين هناك احسن واضبطين اغراضج حق اليوم الثاني وتردين البيت وانتي مرتاحة ولا تحاتين شي….
الله يوفقج حبيبتي
هلا حياتي ..
أول مبروك التعييـن ..
وان شاء الله تتوفقين يارب ..
بصراحه بنات الانجلش ما قصروا ..
دوووم متعاونين ويحبون يخدمون الكل ..
بس بغيت أضيف ..
ان الشغلات اللي ضروريه.. وتستخدمينهم ..
مهما كانت مراحلج ..
شغل الصف ..
– المجسمـات أو صور ( حيوانات – فواكه – أكل – هوايات – رياضات – ألوان وغيرها )
تشوفينهم مثل ما قالت مرايم بـ دسمان أو العجيري أو السنافر ..
– حروف الكبيره والصغيره .. وايد راح تفيدج .. انا اشتري 3 من كل نوع .. لاني دايم أضيعهم .gif "Eh S(6)")
وراح يفيدونج وايد .. حتى لو درستي صفوف كبيره .. راح تستخدمينهم بالالعاب ..
– بطافات تكون بيضا أو ملونه مسطره أربع سطور و سطرين ..
وتجلدينهم أو تغلفينهم تغليف حراري .. للكلمـات .. والمراجعـات ..
– بطاقات الطويله .. لـ أسئله الـ Pre listening questions
أو الـ Structure المستخدم بالحصه ..
– وسيله صغيره .. حق الـ Reading plan ..
تكتبين فيها شغلات للقراءة في بدايه الحصه .. أسئله .. كلمات .. اذا راح تدرسين صفوف صغيره ..
( وايد راح تفيدج )
– مغناطيس الأسود الصغيره .. أخذي وايد راح يفيدج ..ومغناطيس المدور الملون .. ومغناطيس العيدان ..
اذا عندج وسيله أو صوره كبيره ..
– علبـه اقلام حمر .. لانهم راح يخلصون أو يضيعون ..
انا عاده أخذ كرتون كامل أحمـر ..
– مسجل صغيروون .. ( مع انهم قالوا راح يوزعون CD Player )
فـ نطري .. وشوفي شنو راح يوزعون اذا اشرطه أو CDs
لان صج راح يفيدج ..
– طبعا أقلام سبوره .. ومساحه صغيرونه ..
وعلبه تحطين فيها أغراضج .. وشغلج ..
ولا تنسين تحطين .. منظف السبورة .. وعلبه كلينكس ..
لان الابله السنعه تبين من نظافه سبورتها ..
( انا استخدم بيني وبينج .. الجل المعقم الصغيرون .. اللي يعقم اليدين . عرفتيه ..
احطف في علبتي وكل ما شفت السبوره مش وولابد أستعمله .. وايد فادني ..
أو ممكن بطل ماي صغيرون ..)
– ممكن صور كرتونيه ملونه .. تحطينها في زوايا السبورة اذا تدرسين صفوف صغيره ..
تعطي نظره حلوة للسبوره ) ..
– دفتر التحضير .. ودفنر المتابعه .. وسجل الضعاف ..
وان شاء الله اذا ذكرت شي أفيدج ..
موفقه حياتي
حبيبتي ..
ولا تنسيـن الشخصيات ..
اللي تحطين ايدج داخلها ..
تستخدمينها وايد لـ dailogue
وموفقه حياتي
..
|
المشاركة الأصلية كتبت بواسطة Om Yassin
 انا اقول داومي احسن عشان تعرفين الادارة عندكم…يمكن تكون مدرستج موفرة كلشي حق الابلات
مثلا في مدارس كل ابلة لها عهدة … عبارة عن البطاقات والصور والوسائل حتى اقلام السبورة يعطونج اياها والاقلم الحمر للتصحيح… واذا كنتي تبين تطبعين صور من الانترنت حتى المجال مفتوح وتقدرين تغلفينها حراري بعد …كل شي بالمدرسة… يعني معاشج كله حقج!!! ما تقطين ولا شي…. الله يوفقج حبيبتي |
اختي ما اتوقع في مدرسة توفر كل هالاشياء وواووووو اذا صج عاد صج المعلمة بترتاح نفسيا
مشالله عليكم
مشكورين وما قصرتو والله
حيييييييييييييييل استفدت منكم عسى ربي يقدرني واردلكم الجميل بإذن الرحمن
|
المشاركة الأصلية كتبت بواسطة om yassin
انا اقول داومي احسن عشان تعرفين الادارة عندكم…يمكن تكون مدرستج موفرة كلشي حق الابلات
مثلا في مدارس كل ابلة لها عهدة … عبارة عن البطاقات والصور والوسائل حتى اقلام السبورة يعطونج اياها والاقلم الحمر للتصحيح… واذا كنتي تبين تطبعين صور من الانترنت حتى المجال مفتوح وتقدرين تغلفينها حراري بعد …كل شي بالمدرسة… يعني معاشج كله حقج!!! ما تقطين ولا شي…. الله يوفقج حبيبتي |
والله جان زيييييييييييييييييييين
راح العب بالفلوس لعب
_03ba:
so you can print them
مشكووووووووره يا قلبي لا خلا ولا عدم الله