تخيلي نايمه مع ريلج بالفراش ومعاكم واحد ثالث@@

السلام عليكم ورحمة الله وبركاته

من المعروف ان غرفة النوم للمتزوجين لها خصوصية عميقة

فهي ممنوعة الدخول الا لاقرب المقربين ,,

و اخلص المخلصين ..

و ما يزيد هذه الغرفة خصوصية عن سائر الغرف في المنزل ..

احتوائها على مسرح العمليات الزوجية

و موطئ الراحة و الاستقرار في المنزل

الا و هو السرير ….

فالسرير له خصوصية اعمق من خصوصية الغرفة

فلو دخل اي كان الى الغرفة و مهما بلغت خصوصيته ,,,,,,

فمن الصعب جدا اذا لم يكن من سابع المستحيلات تركه ينام على السرير

قد يكون للبعض رأي آخر

” الله أعلم ”

**و لكن تخيلي انج نايمه انتي و زوجج و بينكم شخص ثالث !!!

للاسف هذا الي صاير في اغلب البيوت

فنشوف ان الثلاثة ينامون على سرير واحد

اعتقد انكم عرفتو منو المقصود بالشخص الثالث؟؟؟

طبعا

مثل ما توقعتو

عـــــــــــيــــــــــــــــــالـــــــــــــــــ كــــــــــــــــــم

أسمع البعض يقولون بان هذا الشي طبيعي و لا فشلة

خاصة في الشهور الاولى من الولادة

و انا اقول بأن هذا التصرف غلط غلط غلط !!!

و خاصة في الشهور الاولى من الولادة

لان البيبي راح يتعود ما ينام الا بحضن وفراش امه

اي راح يتعود و هو في هذه العمر الصغير

حتى يصير صعب تعودينه ينام بروحه

و يقول البعض بان هذا التصرف ناتج عن ان الام اناهي ماتبي تفارق بيبيها

حتى اذاقعد من النوم تكون قاعده يمه

و هذا من حنان الام و مشاعر الامومة

و هذا صح احيانا

و في بعض الاحيان يكون بسبب الكسل وان مالها خلق تقوم الام كل شوي من فراشها وتروح حق فراش ولدها كل ما قعد من النوم!!

بس يكفي انها تحط مصاصه او المميه بحلجه ويرد ينام واهي منسدحه بفراشها من غير ماتقوم

و لكن الخطأ الاكبر هو الي يصير بعد الاربعين@@

حيث يكون الريال وزوجته حدهم مشتاقين لبعض ويبون شسمووونه

و يكون البيبي معاهم على الفراش وكل ما ودوه فراشه قعد يتنهوص ويبجي ((فما العمل ؟؟))

االجماع جدام البيبي كلش مو محبب او زين حق الياهل

لان الطفل في هذه المرحلة تكون ذاكرته تصويرية

يعني مثل الكاميرا

يمكن(( مايفهم الي ييصير جدامه)) بس يحفظه عدل بذاكرته

و يخزن الصورة في عقله الباطن

ويمكن اتسبب له عقده لما يكبر ومحد يعرف سببها

بس احنا نعرف ان احنا السبب

عشان جذي احسن وسيله انج تعودين البيبي ينام بروحه في سريره

لان هذا السرير في بيوت كثيرة يستخدم لكل شيء الا هذا الغرض!!

مابي اقول حطو السرير بغرفه ثانيه نفس الاجانب ويشيشون علي الامهات لوووووول

مع ان طريقه ناجحه عند الاجانب ويحطون عنده جهاز عشان يسمعون صوته يعني ماراح يكون بروحه

**المشكله تبدا من لما المره تكون بالنفاس ووايد اشوف حتى خواتي ينومون عيالهم بفراشهم وسرير الياهل متروس ملابس و دثره هههههههه

فقولولي رايكم يا امهات انتو مريتو بهالشي مع عيالكم؟؟ وشنو رايكم؟؟

ويا امهات المستقبل شنو رايكم بهالشي وشنو ناويه تسوين اذا الله رزقج انشالله؟؟؟

والي ابيه الصج مواقفكم مع رياييلكم اذا بغيتو تشوون الشسموووونه وما قدرتو لان البيبي موجود؟؟؟؟ خخخخ

وتحيااااااتي لكم وناطرة ردودكم

و اللي عندها غرفة فقط ؟؟!!!

بصراحة بنتي ما تنام الا ويانه و لا قعدت و هي في سريرها تسوي مناحه

من حطاني في سريري !!!

مع بين سريرنه و سريرها متر

عاد تدرين مره قال الدكتور محمد الثويني
ان الطفل اول ماينولد خل يكون له فراش مخصص له
لاينام بجانبج
لانه راح تحلى السالف له ولا يرضى ينام في سريره حتى لو عمره شهر

ولكن واااااااااااي سلم قلبه لذيذ المولود ماودج تفارقينا ميخالف ينام بفراشه عندي بالغرفه واحط له ستاره تتسكر وقت الخبري وخبرج

والله يحفظهم ويصلحهم

تدرين أنا ولا مره بحياتي نومت ولدي يمي الا اذا مرض معلمته بفراشه من اول ما يبته وكاهو تعلم
ما ينام الا بسريره معنه توه سنتين ونص بس ما ينام الا بداره أريح له وأريح لي

اااااب

؛
؛

ام حيدر انا احبج و تعجبني ردودج

بالنسبه للموضوع :

انا معوده عيالي ينامون بغرفه بروحهم

لان فعلا" وايد ناس تصيرلهم عقد نفسيه و مايدرون شالسبب

بس لما تبحثين تعرفين ان اهلهم كانو يجامعون بعض و البيبي معاهم بنفس الغرفه

يسمع اصواتهم و يشوفهم

و هذا اكبر غلط

؛
؛

هذي غلطتج من البدايه

لازم من اول يوم دخلتي البيت فيه معاج البيبي

على طووووول على سرير خاص فيه يكون صوب سريرج

بحيث انج ما تقومين من فراشج لو يبجي او يبي شي

ومن يوصل عمره 8 شهور تخلينه بعيد عن سريرج مايشوفج

عشان تعودينه يغيب عنج ومن عمر سنه ونص خلاص تكون له غرفه خاصه فيه

جذي تكونين عودتيه على الخصوصيه وقت النوم

الحين مشكله والله صعبه مادري اشلون راح تحلينهاااا

بس حاولي تفهمين عيالج بالكلام اذا ما نفع الكلام ينفع الغصب

حبيبتي انا ماقلت حطيهه بغرفه بروحهها ((عشان جذي قلت لا يشيشون علي الامهات لووووووول))

لا انا اقصد تنام بفراشها فقط لا غير

بس الغلط منج حبيبتي انج عودتيها تنام بفراشج

عيل نفس ولد اختي الاخ بالروضه الحين ينومونه بسريره الصبح يلقونه بفراشهم شلون يا ومتى مايدرون ؟؟؟

على العموم شاكرة مرورج

قوه بنات
شلونكم
شخباركم ؟

ياريت لو تفيدوني
انا عندي بنت عمرها شهرين اسمالله عليها
انا اخليها تنام بسريرها
بس من متى اخليها تنام بغرفتها بروحها ؟
من اي عمر
ياريت لو تفيدوني يا امهات

والله عدل كلامج صج مرات قلبج ما يطاوعج تخلينه بروحه ودج تاكلينه ههههههه

بس لازم تتحملون عشان ماتتأذون بعدين

ومشكوووووووووورة

انا ولدي الكبير الله يحفضه كنت مستانسه عليه وتعود ينام عندي
اما الصغار من يصير عمرهم سنه احطهم في غرفة ثانية
والحين الكبير عمره 6 سنوات ينام في غرفته وكله خايف ومخترع وحالته حاله

والله ماشالله عليج عين العقل واريحلج عشان ما يأذيج

صج يتعبج كل شوي تقوميله بس ميخالف

يعطيج العافيه والله يخليلج وليدج

فديت الاب والله مشكورة

شلون يخزن بعلقه الباطن وهو نايم مو شايفنا أنا أنومه بسريرة يم سريري عمره11 شهر والله خرعتوني شلون يحزن وهو ماشافنا

بعد عمري تسلمين هذا من ذوقج يالغاليه وشهاده اعتز فيها… واي استحيت خخخ

وهم بعد الي تسوينه شي زين والسبب مو عشان الجماع بس

لكن بعد تعلمونه ما ينشب لكم 24 ساعه ويأذيكم بمكان راحتكم

شاكرة مرورج حبيبتي