تخلين الخدامه تبوس الياهل؟؟ ()

بسم الله الرحمن الرحيم..

شلونكم بنات وشخباركم؟؟وانشالله بخير؟؟

هالموضوع بصراحه نرفزني اقوى شي

لما تروحين سوق جمعيه حديقه الخ..
وتشوفين هالخدامه ماسكه ياهل وكل شوي تبوسه من حلجه مو شي يبط الجبد؟؟
انا بصراحه تلوع جبدي حتى لو شنو كانت جنسيتها ..
انا خدامتي اندونيسيه بيبي سستر اول ما يت قلت لها ماتبوس اليهال من حلجهم وياليت قلت لها ماتبوسهم بالمره
صايره ياسر عرفات تمشي وتبوس بهاليهال .. وبصراحه اهيا كاسره خاطري ولدها توفى اسم الله على عيالكم وهوه عمره 11 شهر طاح من الدرايه على راسه
وما ابي اقول لها لا تبوسينهم علشان لا يحز بخاطرها وانا الاهم عندي انها ما تبوسهم من حلجهم..
وقلت خل اقترح عليكم اشوف اذا انتو تخلونهم يبوسونهم ولا لاا؟
وجم سؤال بعد ..
تخلونهم ينامون مع اليهال بليل؟؟
تخلينهم يسبحونهم؟؟
يلبسونهم يأكلونهم؟؟
تخلينهم مع الخدامه بروحهم بالبيت؟؟
والي تبي تضيف شي ختضيف نبي نسمع اراء الجمهور
ونناقش هالموضوع

والله موضوع مهم..

بس صراحه شي حده ينرفز ان تبوسهم من حلجهم شالسالفه اذا الام المفروض ما تسوي جذي!!

ما تدرين ممكن تكون في جراثيم تنتقل :

انا بعد الود ودي انها ماتبوس الياهل بالمره لكنها ما تسوي هالشي من جدامي تتغافلني و تسويه..

بس مانقشتها طبعا..ولا يبتلها سيره.. يا امعوده بوس ولا طق و تقرص..

لي رجعه ان شاء الله للاجابه على باجي الاسئله

مشكوره عالموضوع حبيبتي

العفوو حبيباتي
ومشكوورين على المشاركه

لألألألألألألألألألألألألألألألأ
مااحب هالحركة

اذا انا ماابوسها مع حلجها ولااخلي أحد–حتى مرة تناقشت مع حماتي على هالسالفة—-اخاف تمرض تنتقل جراثيم وبكتيريا

ولاتسبحها

بس اخليها معاها احيانا لاطلعت

صراااحه اتحيرين معه هالخدم تخافين لاتقوليلهم كلمه يسووون شي بهلياهل اتخلينهم براحتهم يغثووونج بحركاتهم ماني عارفه شنسووي معه هالخدم وحنا بصرااحه مالنا غنى عنهم يالله موضوعج حلووو بتبوتاالنووسه كونوووسه

بس على حلجه اكيييد لأ ماراح اخليها

لا اكيد مااخليها تبوسه مع حلجه عاد ذاك اليوم شايفه بنوووته تهبلل بالطبيب لمت الخدامه جدام الناس وباستها على حلجهاااااا
شكلها الخدامه معودتها على هالسالفه والله اعلم كسرت خاطري البنت
وبالنسبه لعيالي انا اخلي الخدامه تنام عندهم اهم على سرايرهم واهي عالارض عندهم
واذا على السبوووح اتمنى انها تسبحهم بس اهم مايرضون لازم انااااا
ومشكوره عالموضوع ياعسللل

انا ماعندي خدامه بس انا ساكنه في بيت امي وعندها خدامه فلبينيه ونعاملها كأنها وحده منا لان صج مافي فرق بينا

وتموت على اليهال عندها بنت وحده هدتها لما كانت سنه ويت تشتغل عندنا وبنتها الحين عمرها 3 سنوات

تخيلي نفسج مكانها؟؟؟

كل مااروح اشتري شي حق بنتي والله ماانساها اشتري حق بنتها وحدها تستانس ولا مره شفتها تبوس عيالي بس اذا شفتها ماعندي مانع لانها نظيفه وزينه

شوفي حبوبه انا خداماتي وحده تنام عند الكبار ((5 سنين و 3 سنين))
ووحده تنام عند العنونو ((سنه))

بس سالفت بوس الحلج ان شفتها تبوسه على حلجه بسطرها على حلجها قطيعه

خل تحببه و تشمشمه لين يطق ميخها بس بوسه الحلج لا

اما السباحه و التبديل .. طقه و طقه يعني اذا انا موجوده انا اللي كل شي علي اكل و تبديل و انومهم و اطلع عنهم وتالي الخدم يدشون بس ينامون عندهم

بس اذا ما كنت بالبيت يعني طالعه مع ريلي او اهلي اكيد اهمه يسدون الفراغ

شنسوي و الله بجذب و اقول لا حشى ما يجيسون عيالي في ولا شي .. لا و الله الجذب خيبه

الخدم وجودهم امر واقع بحياتنا

ويــــــــــــــــــــــــــــــــع
انا الخدامه يبتها بس تلعب ويا بنتي غيره لا لا توكل ولا تسبح ولا شي قطع مالهم امان هذولي

تبوسهم عادي اوووكيييه خل تبوسهم بس من حجلهم ما اداني ومره قلت حق خدامة اختي لاتبوسينهم مني مو زين يصير مريض عصبت وطنقرت وقامت تبرطم على راسنا وتقول جنه مو عاجبها الحجي انا اللي امرض اليهال !!!!!!!!!!!!<<<<<<<اي تمرضين مناك بس

السلام عليكم ,,,

أنا وحدة من الناس ما أحب الخدامة تمسك ولدي ولا تسبحة ولا توكلة بس أنا ولدي عسر فلازم تساعدني علية أشوي

أما تبوسة تبوسة على خدة جدامي يعني توريني أنها تحبة !!

تشكرات

العفووووو حبيبتي ومشكورين على مشاركتكم