|
|
سلام عليكم*
بنات أنا ولد عمتي طموحه هندسة ، وكل مرا يسولف أنا بصير مهندس ، عاد أسمع اللي حوالينه يسولفون هندسة كمبيوتر او بترول مدري كيميائي*
تدرون أنا حسبالي المهندس بس اللي يبيني عمارات :*
بس بسألكم عششان أعلمه أكثر عن الهندسة لأنه أحسه نفسي ضايع بالطوشه ؛
1) جم النسبة المطلوبة الثانوية العامه لتخصص الهندسة ؟؟ وأكيد علمي ؟؟
2) هل يدرس اهني ولا يودونهم بعثات برا ؟؟*
3) وشنو الفرق بين مهندس كمبيوتر ومعماري وكيميائي ومكانيكي ؟؟
4) والهندسة تعتبر مااستر ولا بكالوريوس ؟؟ وجم سنوات الدراسه فيها ؟؟
5) وأساتذة ودكاترة الهندسة ؟؟ هذول درسوها اهني ولا برا ؟؟*
6) وأهم شي الحين ، المعاااااااش يفرق،، شنو اللي يفرق بين مهندس الكمبيوتر والبترول والمعماري وووو،،،،،،الخ ؟؟ وجم ؟؟
والله يوفق ولد عمتي ان شالله ويحقق طموحه وطموحي وطموحكم
|
المشاركة الأصلية كتبت بواسطة سندس 90
 سلام عليكم*
بنات أنا ولد عمتي طموحه هندسة ، وكل مرا يسولف أنا بصير مهندس ، عاد أسمع اللي حوالينه يسولفون هندسة كمبيوتر او بترول مدري كيميائي* تدرون أنا حسبالي المهندس بس اللي يبيني عمارات :* بس بسألكم عششان أعلمه أكثر عن الهندسة لأنه أحسه نفسي ضايع بالطوشه ؛ 1) جم النسبة المطلوبة الثانوية العامه لتخصص الهندسة ؟؟ وأكيد علمي 2) هل يدرس اهني ولا يودونهم بعثات برا ؟؟* في هني و في بعثات 3) وشنو الفرق بين مهندس كمبيوتر ومعماري وكيميائي ومكانيكي ؟؟ هندسه مكيانكيه لها مستقببببل كبير بس مشكلتها بجامعه الكويت دكاترتها مو سهلين فالكل ينحاش منها بكالريوس.. بس في يقدر يكمل ماستر و دكتوراه بعد 5) وأساتذة ودكاترة الهندسة ؟؟ هذول درسوها اهني ولا برا ؟؟* 6) وأهم شي الحين ، المعاااااااش يفرق،، شنو اللي يفرق بين مهندس الكمبيوتر والبترول والمعماري وووو،،،،،،الخ ؟؟ وجم ؟؟ ما يفرق وايد.. بس من وزاره لي وزاره يفرق شوي والله يوفق ولد عمتي ان شالله ويحقق طموحه وطموحي وطموحكم |
سوري مو مرتب بس لان داشه من فوني
اذا ما زادت ><‘
و احسن تخصصات الهندسه اللي لها مستقبل
مكانيك و كهربا
و بالتوفيق
المعاش تقريبا واحد و إلي يفرق البدلات ( البدل فلوس زياده مثل بدل خطر اذا كان بمحطه أو بدل منطقة نائية اذا كان المكان بعيد)
المعاش تقريبا 1100 بدون البدلات
و النسبه لازم يضمن القدرات و القدرات اهوا إمتحان تطرحه الجامعه 3 مرات كل سنه و لج حق تدشينه دام انتي ب11
الهندسه اكيييييييييييييد علمي و القدرات المطلوب رياضيات و إنجليزي و مو متأكده من الكيميا
و اهيا كلية تقبل على أساس المعدل المكافئ و اهوا معدل مكون من معدل الثانويه و درجات القدرات
المعدل المكافئ = (70% ضرب نسبة الثانويه ) + ( 15% ضرب قدرات الإنجليزي ) + ( 15% ضرب قدرات الرياضيات )= طبعا اذا المكافئ طلع فوق 85 نقدر نقول انتوا في أمان
و القدرات مهم حيل ولازم تدرسونه عدل
لانه اعرف بنتين وحده نسبتها 93 و الثانيه 91 او 90
سبت القدرات أم 93 ما إنقبلت هندسه كورس أول لكن إنقبلت بالكورس الثاني لما شدت حيلها بالقدرات
و أم 90 إنقبلت كورس أول هندسه
و القدرات حييييييل مهم و نسبة الثانويه خل يحاوب ييب فوق 90 عشان يضمن عمره اذا يبي جامعة الكويت
أما برا ممكن من 85 اذا مو من 80 ضامن بعثه خارجيه و حق أمريكا بعد 
و في دكاتره من الهندسه المرحله الجامعيه يدرسوا بالكويت بس الدراسات العليا برا
و الهندسه أكيد باكلريوس و في لهم ماستر و الدكتوراه
و عدد سنواتها بين 4ونص و بين 6 ونص
و أسهل تخصص مدني و صناعي
و اذا ياب معدل 3 ونص يخلونه اهوا يختار التخصص إلي يبيه حتى لو المقاعد خلصت حق هذا التخصص
و طبعا من أول ما ينقبل و بسجل مواد نصيحه خل يدق على مدرس يحجزه حق الكورس لانه المدرسين جداولهم بسرعه تنترس
و المدرسين الزينين نقدرين تاخذين أرقامهم من منتدى الهندسه بس كتبي بقوقل منتدى كلية الهندسه و يطلع لج
و اذا تبين مدرس قدرات إنجليزي أنا أعرف خوووش واحد بس ما عنده رقمه الحين 
أخذه من أختي و أحطه إهني
و هذا إلي أعرفه
يمال العااافيه
بيض الله وجهج
ماقصرتي
آمآ جآمعة آلكويت 89 ترآكمي (نسبة الثانوي +قدرآت الجآمعه) للولد قبول فوري
وآفضل يدرس برآ شهادته بكالريوس آمآ آلتخصصآت مآآعرفهآ
بخصوص المعآش اذا مهندس بترول آكيد معآشه بيكون قوي خصوصا اذا كآن بالشركة
وآلله يوفقه <3
up
up
up
تخصصات الهندسة بالكويت :
1-هندسة صناعية = هندسة ادارة المشروعات
2- هندسة الكمبيوتر = توه فصلوها عن كلية الهندسة و صارت كلية بروحها و فيها تخصصات داخلية ( برمجه + تجميع + غيرها )
3- كيميائية = تصميم مصانع كيميائية + تصميم ادوات تتعامل مع الكيميائيات ( يعني مو كلها كيميا مثل ما البعض يتوقع )
4- ميكانيكية = تصميم اجهزة ذات مولدات او دراسة الحركة ( و فيها تخصصات داخلية اللي اهمه تصميم و انتاج اتوقع اسمها بالعربي )
5- مدني = تصميم مرافق تتعلق بالمدنيين ( و تخصصاتها طرق و ارصفه + غيرها ) و اهو اللي يسوي البيت او اي مبنى من داخل
6- بترول = التصميم ودراسة البحث عن البترول
المعماري ( كلية العمارة و ليس الهندسة ) وظيفتهم تصميم الواجهات ( يعني الشكل الخارجي للمبنى او المجمع او غيرها )
هذا باختصار شديد
و اتوقع البنات كفو و وفوا و اذا عندج بعد سؤال بليز كلميني خاص
وبالنسبة لهندسة العمارة هذي بروحها ويبيلها نسبة عالية حيل ومبناهم منفصل
والميكانيك يقولون تخصص صعب يبيله مجابل
بس الواحد يشد حيله *_^