مرحبا كويتيات يعطيكم العافيه
بغيت اسالكم عن المختبر الالماني اللي بالجابريه سمعت انه يسوي تحاليل شامله عن الاكزيما ويكون تحليل دم وشامل كل شي والتحليل سعره 150 دينار انا شفت اعلانه بالجريده واتصلت عليهم وقالتلي الموظفه ان التحليل هذا يبين لج كل شي من التحسس من الاكل ونوع الحساسيه الي عندج وكفانا اللله وياكم الامراض حتى الاورام المبكره يكشف عنها
سؤالي هل سمعتوا عن هالتحليل وهل النختبر هذا ثقه ولا لا لانه اول مره اسمع عن هالمختبر ولا سمعت احديذكره وشرايكم تنصحوني اجرب ياريت يابنات ماتقصرون معاي ولكم دعوه مني بظهر الغيب
وجزاكم الله خير
انتظر ردكم
ماعندي خبره والله بس ماحبيت ادش من غير لا ارد
والله ماعندي فكره عنه بس اذا البنات عندهم ياليت يفيدونا وياج
عشان نسوي هالتحاليل والله يعطينا الصحه والعافيه ان شاء الله
اب اب
هالتحليل قديم بالغالب الناس تسوية حق الرجيم يشوفون الاكل الي يناسبهم والي مايناسبهم
ماعندي فكره بس برفعلج الموضوع
حبيبتي انا سويت تحليل الدم مال الحساسيه مال الأكل في مستشفى الحساسيه سويت نوعين واحد يطلع بنفس الوقت و هو يعطونج تقريبا 34 ابره بالجلد و يشوفون الأكل اللي عندج منه حساسيه و سويت هم عندهم تحليل ثاني بس يودونه فرنسا و عقب شهر ايبون النتايج و يعلمونج بعد شنو انواع الحساسيه اللي تعانين منها نصيحه سويه بالحكومه احسن وفري هالفلوس اتبرعي منهم و اشتري لج اي شي بخاطرج احسن …. لو تحتاجين تحليل ولازم تطلع نتيجته بسرعه روحي بس هالتحليل ترا ياخذ وقت سواء بالحكومه ولا الخاص ياخذون نفس الفتره ماتفرق …. و ترا تحليل الدم اللي 34 ابره ترا مايعور لأنه بالجلد حيل خفيف ترا انا اموت خوف من البره بس الحمد الله هالأبر ماتعور …. و ترا انا سويتهم من زمان يعني بسنة 2024 …
و هم قبل لا انسى انا قبل جم شهر سويت حق ولدي تحليل دم عن الحساسيه بس سويته عند انترناشيونال كلينيك بس ماطلع بهالسعر طلع ارخص لأني اذكر سويت تحليل الحساسيه و تحليل دم شامل و فحوصات و اشياء وايد طلع حسابي 160 دينار بس يمكن علشان ياهل يفرق انتي سألي احسن و ترا التحليل مال الحساسيه سووه عندهم مو بفرنسا و اطلعت النتيجه خلال اسبوع …
لازوردي
ونفع التحليل معاكم ولالا ؟
ايه حبيبتي نفع و ايد عرفت شللي يسبب لي الحساسيه و و خرت عنه و هم على ولدي تخيلي معاه حساسه و اكزيما و لما سويت التحليل انصدمت من شي كلش ماتوقعته طلع عنده حساسيه من جبن الشيدر مع اني توقعت يمكن البيض و لا اي شي معروف انه يسبب حساسيه بس كلش ماتخيلت الجبن و انا طايحتله اشتري له من الجمعيه البطاطا المشويه مع الشيدر و الحين قمت ادير بالي عدل على اكله و على كل شي ….
نصيحه حبيبتي اذا انتي اتعانين من الحساسيه و مو عارفه من شنو سويه علشان اتعرفين شللي يسبب لج الحساسيه علشان تتفادينه …. و ماتشوفين شر يالغاليه ….
أف لازوردي صدمتيني معقولة هالكلام حساسية من جبن الشيدر انزين بعد اذنج اتيكيت انا داشة عرض اي أحد يقدر يروح يعني بدون تحويل وهالسوالف لمستشفى الحساسية ووين مكانها ؟؟؟؟
الله يخليج ردي علي ضروري وشاكرة لج حياتي