تحليلين حمل والنتيجه سلبيه

قوه ياحلوات انا تاخرت علي الدوره خمس ايام مع ان دورتي منتظمه وسويت تحليلين حمل منزلي والنتيجه سلبيه احس تعبانه وبنغزات بصدري بس ابد ماعندي افرازات مابي اروح المستشفى كل مره بعد مااروح تجيني الدوره قاعده اقول اكيد الدوره تاخرت لاني خاطري احمل ماادري شلون اشيل موضوع الحمل من راسي

حبيبتي حللي هرموني دام دورتج منتظمه وفي حمل يصير متأخر مايبين بسرعه عرفتي

وان شاءالله يارب حاااامل

حوووبي حللي هرموني داام تقولي دورتج منتضمه ومابين بالمنزلي يجوز حملج متأخر لقطتي متأخر ربي يرزقج ان شالله ياكريم وتبشرينا ونفرح فيج

ان شاء الله حامل

الله يرزقني ويرزقج ان شاء الله

حللي هرموني
يمكن كان التبويض متاخر فما يبين الا بالهرموني

انشالله تكونين حامل

الله كريم يارب ترزق كل محروم الذريه الصالحه بنطر يومين وبعدين احلل

لو منج جذي وملهوفه ماانطر ولايوم
سيدا على المستشفى وتحليل دم
المهم يارب تبشرينا بحملج
^___^

اليوم شرفت الدوره الحمدالله على كل حال الحمدالله يارب كل تاخيره وفيها خيره انشالله بكره اروح لام فيصل اشوف ليه تاخرت الدوره اخاف عندي سدد او شي ثاني الله كريم الله يفرح كل محروم يارب