|
|
حبايبي كويتيات
انه متابعه وياكم واخلي لكم مشاكلي من ونه كنت بنيه ماتزوجيت
كنت اجوف الحلول واتردد وايد انه سبق وحطيت كل مشاكلي
كلكم دريتوا عن زواجي الفاشل من الي كان يخوني
اقسم بلله العظيم ماجفت وياه و? يوم حلو ومادري شعليه صبرت
وكملت وياه للزواج ويبت منه بنوته عمرها سنتين احين ونه حامل بالثاني
رخص فيني وقطني في بيت ابوي اوردي اهو بيد امه و?له قرار كلا بيد امه الي تحقد علي
حاليا انه بالشهر الثامن ونه في بيت ابوي و? هامه حتى قلت له ابي تحجزلي بعياده ابي اعرف مته موعد و?ددتيي
هم حقرني وامه وابوه ساكتي عن الوضع كان مطلبي شقه تلمني وتلم عيالي تخيلوا ان ابوه راعي عقارات
وقاله ماراح اساعدك صارت سالفه عقب قطعهم ماراح لهم اقصد امه وابوه عقب توسطت خالته تقوله حرام هديل امك وابوك وراح واتفقو ا ان يعطونه مبلغ للاجار نبي نطلع بشفه تريحنا عقب شهرين كنسلوا وقالو له اعتمد ع نفسك يابنات المصيبه ان رضا بقرارهم وقطني بيت ابوي يقولي بتردين هاي الحجره تنطرج مابتردين كيفج مابي اخسرهم عشانج تخيلوا انه مرته ام عياله والشي بصالحي وبصالحه بنصير اربعه بحجره وهما بخير اقوله ليش غيرت موقفك كنت قبل وقفت وياي وزعلت عليهم قالي مابي اخسرهم ?نه عارف مايبون يساعدونه لكن شقول ابوه عذيم رجولة وبايد امه وحسباله الشقه لي بروحي
انه بروحي موقادره اعيش وياه اكثر يطقني و?يهتم فيني و?مريحني باي ناحيه فوق هذا مقعدني بلحجره مومريحتني
فقعدت في بيت ابوي وماصار عندهمم مانع ابي اتطلق بس اعرف روحي بتحطم وتحطمت بس استاه
ما عندي نصيحة معينة للأسف
يمكن لو علاقتج فيهم زينة بيساعدونج
او طالبتهم وموضحة الموقف بيتفهمون
والاهم زوجج فاهم ليش تبين السكن المستقل
انا مو عارفة شنو مشاكلج مع الزوج
بس اذا الطلاق مو لصالحج ولا تبينه
وعندج احساس انج ممكن تصلحين أوضاعج معاه
ردي
وبيشوف بنفسه الضيق
ومو لصالحج تخلين السالفة عداء بينج وبين اهله
خاصة ان علاقتج مو طيبة معاه
انتي اهم شي زوجج حاولي تردين له البنت مالها الا زوجها خصوصا لا كان عندها اعيال منه حرام تشتتهم .. و اذا السالفه جايده
دخلي احد كبير بالعايله
وين دور اهلج؟
وشنو رايهم بالموضوع؟
أولا : إذا الأهل حسوا إن المرا تعاند و حاطة راسها براسهم ، أكيد بيكسرونها.
فالحل أنتي بطريقتج ، ما تحسسينهم إنهم ند لج ، لا . بالعكس حسسيهم إنج من تحتهم.
ثانيا : اهو صج موضوع يبط الجبد ، لكن بالأخير أنتي الخسرانة مع عيالج .. اهو ممكن يشوفله مرا ثانية يزوجونه أهله و يسكنونها بشقة نكاية فيج.
فالحل إن تقعدين عل جبدهم بهالغرفة ، و تدعلينهم بعيالهم اللي اهم عيالج . أربع و عشرين ساعة يحوسون عل راسهم اليهال لين يملون .
و أنتي رابطي و صبري ، و حاولي تسايسين ريلج ، و اهو أصلا راح يرضى بالأمر الواقع و شوي شوي راح يستخدم رجولته
و يحل المشكلة .
اسمحيلي عل هالكلمة / أنتي اللي قاعدة تسوينه كسر لرجولته و كسر لباس أمه و أبوه
و من جذي اهم معاندين
و طبعا اهم الغلطانين و الحق معاج
لكن ان رديتي لريلج و مشيتي بالسياسة و الصبر و النفس الطويل
و دعليهم بخدامتج و عيالج و طبي عليهم كل ساعة و استحلي المطبخ للبلعة ، بهدوء و وجه مبتسم
صدقيني اهم راح يعطونج أجار شقة و يقولون فكينا طلعي
لكن ديري بالج تحطين راسج براس الريال و لا راس أمه و أبوه
في ناس ما يخافون الله ، إذا خاصموا يفجرون
؟؟؟؟
اللي فهمته تبين تطلعين و اهو يبي ياخذ فلوس من ابوه ؟؟؟
ليش ياخذ فلوس الايجار من ابوه ؟؟؟
اهو اكيد عنده معاش ؟؟؟
ابوه مو مكلووف فييه
و ليش وداج بيت اهلج ؟؟؟
و اهلج شنو موقفهم
و اهله اكيد ماراح يتدخلون الا باتصال منج انتي
؟؟؟؟ كلامج شوية مو مرتب
اذا بس على طلعة الشقة لازم اهو يدفع ايجار الشقة مو اهله
البلا منه اهو
لاتلومين ابوه ان ماعطاكم من عقاراته المفروض ريلج قبل لا يتزوج يكون قد الزواج ابوه ماله شغل يصرف عليه ولا ينلام
بس ريلج اولا مو قد الزواج ولا قد انه يكون عايله واكبر دليل انج الحين بالثامن ولا يدري عنج
وبيسكنج ويا طفلين بغرفه وحده
بدون اسباب مقنعه ولا ظروف تجبره على هالشي ..!!
امه وابوه عالعين والراس وبرهم واجب وفرض عليه
بس زواجكم انتو شي ثانيه ماله علاقه بالبر ولا له حق يمرمطج ويبهذلج عشانهم ..!!
الحل ان ابوج يتفاهم ويا ابوه
ويشرحله الوضع بالتفصيل واللي مايرضاه على بناته المفروض مايرضاها عليج
خل يحاجون ولدهم وخل يهدونه شوي ولا ينشبونله بالبلعوم ويعفسون حياته بكل بساطه بينكم عيال مالهم ذنب
انا بتكلم ،، معاج بكل صراحه
يعني الحين بتطلقين منوو بياخذج ؟؟
الحين بنااات قاعدين ببيوتهم
شلون !! المطلقاات وبعدين حبيبتي قبل
لاتفكرين بشقه وبـ اي شي ثاني
فكري بعيالج خليييج بالغرفه وربج يفرجهاا
والله يهدي ريلج ويهدي امه وابوووي …