تجهيزي من الرياض ساعدووووووووووني

السلام عليكم ورحمة الله و بركاته

شلونكم كويتيات ان شاء الله بخير

انا هاليومين ان شاء الله بروح الرياض و ان شاء الله اخلص كل تجهيزي منها

من مجوهرات و بدلة بيضا ابيها تكون ناعمه و حلوه و عبي الخ الخ

و لاني مااعرف الرياض عدل

يا ليت تفيدوووني عن المحلات اللي احتاجها هناااك

همـــــــــــتكم بليز

السلام عليكم ورحمة الله وبركاته
الله يوفقج ويجمع بينج وبين زوجج على خير ويطرح بينكم القبول..
والله يباركلج بمهرج..
دايما كل ماشريتي شي قولي يارب باركلي فيه
طال عمرج.. بالنسبة للذهب لا يطري عليج تشترين لاسعودي ولا بحريني. طقمين بالكثير واذا ودج تزيدين حطي باساور مع خواتم ذهب
او تراجي واضحة تغني حتى عن لبس القلادة مع طقمها من الاساور والخاتم.
الكويتي لا يعلى عليه..
اللي تشترينه من السعودية ونتي مغمضة التالي

الالماس طقم عرسج الالماس.. واذا ماعندج ميزانية روحي لاسواق الثميري بالرياض وسط البلد اسالي اي ليموزين ويوديج
واسالي عن الالماس المستعمل
بس استعمال اميرات يعني مو نفسنا ماتخلي مناسبة الا وتوري الناس شوفو تراني شريت الماس.. الاميرة بس من مرة وحده وتقطه.. تحصلين طقوم فيها رصة الباقيت مال الالماس وااااااااااضحة ونقشاتها ناعمة وحلوة بحوالي سبع الاف ريال هذا استعمال الاميره و منظفينها مافيها حتى الخدش
وهي شاريته قولي باربعين او خمسين الف _03ba:
وترى هم تلقين طقوم نظيفه جديده مو مستعملة رخيصة ذهب ابيض.. وهم فيه الماس ..وفيه بعد زيركون شحلاتهم
بس لا يقص عليج ويقول الماس وهو مو الماس
عندهم بالسوق واحد يسمونه الشيخ تودينله الطقم ويقولج هذا الماس ولا لا
لا واذا كان الماس يقولج المبلغ مبالغ فيه ولا لا وكلهم يخافون منه
انا كنت شارية ساعة عرسي كونكورد من الدهام.. والدهام عنده ماركات على قولته هو وكيلها الوحيد في الخليج واسعاره معقوله جدا..
وجيتهم وقت تنزيلات خذيت منه ساعه الماس بلجيكي وتركيب يدوي بعد يعني ماتطيح حبته بالساهل بس باربع الاف ريال وسببت ساعتي ضجة وقتها.واجد والله عجبتهم. وبعد مارحت الثميري
لقيت ساعات اللي اغلى من ساعتي عند الدهام استعمال اميرات والماس وماركات على الف وخمسمية ريال بس
بس اشوى مالقيت ساعتي ولاجان مت قهر
الساعات الماااااركات بالسعودية ارخص.. بس ساعات الاستعمال اليومي مالت الماسة والرشيد اللي بثمانين وبستين دينار وطقة دكني ومادكني بالكويت ارخص وبفرق
وعندج محل ساعات الحميضي هم عنده وكالات نادرة الحميضي هم بسوق المملكة بس غويلي
وعندج بالفيصليه كشكات ساعات حلوة بس الكويت ارخص بالساعات الرخيصة
وترى اسواق الثميري شكلها شعبيه متهالكة لكن البضاعة تقققققققققققققققققققطع القلب
اما المفاجئة العظمى كانت في العبي
افخم محلات العبي بالسعوديه: الاختيار الاول فوق بناطحةالمملكة( مملكة المرأة)
وتوب شيك ومنتصف الليل وبدون اسم تلقينهم بالفيصليه وبشارع الثمانين في العليا
عبيهم على الف وخمسمية والفين وتلقين غالبيتها موجوده بالكويت
بس الصدمة ان في بالعليا برضو سوق شعبي اسمه طيبة والعويس
جنب بعض اجمل عبي شفتها بحياتي عبي سوق طيبه تخيلي السوق هم شعبي
بس هالحضارم عايشين بالسعوديه ماخذين افكار المحلات الغالية مالت العبي وزايدين عليها خذيت منهم ثلاث عبي قصات غريبة وكلف عجيبه وخاماتها اكثر سواد من خامات الماركات الغاليه بالعبي.. اغلى وحده بميتين ريال مع ملافعهم العرييضه والنقشه عالصوبين وكل من في الكويت يسالني عنهم
وفي شي لاحظته بهالسوق
يعني فيه حول مية محل عبي مافي واحد نفس بضاعة الثاني شي عجيييييب.. وراح تعجبج بجايم البيت وشلون رخيصة عندهم وخاماتها حراير والوانها كلاسيك وفيه زاهية اذا تبين… مو طبيعيه..
انا افضل بالرياض الاسواق الشعبية لان العالمية مكررة بكل مكان واسواقهم الشعبيه بضاعتها روعة ومميزة ومبتكرة
بالنسبة لبدلة العرس
انصحج تشترينها جاهزه من الكويت المحلات الجاهزة صارت تبيعهم على ثلث مية دينار وتهبل شحلاتها وخو كلها ليله حرام
مع اني قصيت خامة من محل العيسائي لاقمشة العرايس بالرياض في الاندلس وفصلتها بعرسي بس طاحت بجبدي لني ضعيفه حيل وماقدرت ااجرها ماحطيت فيها مجال توسعه.. هو اسعاره معقولة بس هم انصحج انج تاجرين من الكويت
اتمنى اني افدتج ياقلبي باللي قدرت عليه
ويشهد الله مابخلت عليج باي معلومة اعرفها وسامحينا عالقصور
موفقة ان شالله

ونسيت اوصيج ترى ديري بالج الرياض صاير فيها انفلات امني مو طبيعي والاسواق الشعبية ترى مافيها سيكيوريتي نفس الاسواق العالمية المسكرة وكلها حظارم واجانب مايبيعون فيها سعوديين الا ماقل وندر
وهالاجانب لو يشوف احد يتحرش فيج مافزعلج فديري بالج
لاتروحون اقل من ثلاثه نصيحة وان شالله ترجعين بالسلامة وتطلعين احلى عروس باحلى تجهيز
ودمتم سالمين

سعووووووووووووووديه فديتج مااااااا قصرتي والله يالغاليه

جد جد انقذتيييني كنت بروح على وجهي ماني عارفه شي

الله يوفقج و مشكوره على اسامي المحلات ولاهنتي لبى قلبج

و ان شاء الله اذا جيت اقولج شنو شريت مناك

و لا تحاتين بروح مع البدي قارد مالي < اخوي لووول

فديتج مشكوووووووووووووووره

بنات محلات الجناط و الجواتي عزكم الله " الكشخه "

وين الاقيها :d

صحاري مول حلو وتلقين فيه كل شي عبايات سنيوريتا (تفصلين العباية ويوصلها لج الكويت) والاختيار الاول وبوكنان
في محل جناط كشخة بس ما اعرف اسمه

حيااك الله في الريااض

والله يعينك على الجوو الحلوووو

اولا حبيبتي الذهب والألماس أحلى شيء طيبة والثميري

العبي مثل ماقالت الأخت سعودية كويتية

الشناط والصناادل في حياة مول وصحاارى

وأي سؤال أنا حاضرة

نسيت أقوول في محل عبي في الأندلس على طريق العليا العام

اسم المحل نواعم اول ماتدخلين مع البوابه الرئيسية ثاني ممر يساار

هلا حبوبه

اول شي جعل ربي يوفقش ويجمع بينكم على خيرررر
وانا بعد بسافر ان شاء الله ذا اليومين معش

نصيحه لوجه الله روحي محل الدهام للساعات ترااااااااه عجيب اشتري ساعه لش ماركه مناك ترى مافيه لها تقليد فالكويت
وروحي محل الغنيم للمجوهرات عجيب اخذي منه طقمش الالماس صراحه العجب والعجاب عنده
وطبعا الخامات هناك لايعلى عليها لاتطوفش
وبس هذا الي عندي وبالتوفيق حبوبه

بنات نسيت لاقولكم
انا عندي بدله عرس لونها ابيض مع افتح درجا الوردي قطعتين روعه صراحه وطلبيه من لبنان وتوها جديده ومع مسكتهااا
وطرحتها عبارة عن 2 والبدله مرصعه بالاحجار والشوارفسكي
للجادين فقط تراسلني خاص
وبالتوفيق

انصحج بالدهام مثل ماقالوا الخوات

وعندج سوق العليا مول عنده بدل عمليه وشغلات ذربه تهبل انا لم سافرت العام خذيت منه شغلات حلوه<< موعروس بس بتفيدج بخبرتها

وروحي الفيصليه الدور النسائي عندهم ماركه شانيل درجه اولى الاصليه بس غالييييييييه حيل
ومحلات نواعم للبجامات والقمصان ارخص من اهنيه
وسوق طيبه عندهم الملافع الطيبه عجيبه ورخيصه على 40 و80 بس ساده و مايسمونها طبيه لها اسم ثانيه–انا كنت اخذ منهم واجي اخيط الشغل اهنيه

والرياض مول هذا مجمع جديد بس جيييييييييييييل مشابه للافنيوز ونفس المحلات بس اذكرعندهم محل بجامات روعه والوانه صيفيه مثل الوردي والاخضر تهبل

وان شالله قدرت افيدج

موفقه حبيبتي وماقصروا البنالت عساهم ع القوه..

فيه العبي عندج مجمع الاندلس ومري مجمع غرناطه مول حلو البدلات فيه ..

العليا مول حلو للاقمشه..

عندج محل مصمم يبيع بدلات يصمم ويعرض اسمه زهرة اللوتس بشارع العليا..

وحياة مول للشنط والجزم .

وموفقه ياقلبي

ياحياتي اللهي وفقج وفعلا على قولة البنات صحارى بالنسبة لي احلى مجمع بالرياض
عندج محل في سوق العثيم مول على طريق خريص.. جنب البوابة للجناط جناطه تاخذ العقل وماركات
وعندجفي المملكة والفيصليه ماركات جنط حلوة ومعقولة اسعارها مثل ليز كليبرون وغيس
طبعا كلها اصليه واسعارها ماتجاوز الالف ريال اكثر شي
وشوفي جناط محلات الماركات ترى رخيصه وحلوة يعني حق الطلعات والدوام حلوة جنط الدو ولا جنط مانغو والمحلات كلها تلقين فيها جناط لا تكثرين الجنط نصيحة يعني ثنتين فخمات مع ابواكهم وخلي مالات المحلات الثانية 3
واختاري لونين زاهيين و
ث الوان رئيسيه تنفع مع كل شي
بعدين ترى منتي في مقطعه من ثاني يوم العرس بتطلعين مع الرجال تسوق وتمشي
اهم شي ركزي عليه اللي تلبسينه بشقتج عند زوجج
هذي للاسف ماركزت عليها.. ركزت باللي بس قبال الناس.. والرجال اهم منهم كلهم
يعني بجايم حلوة نفانيف قصيره ضيقه اللي تحتها ليقنز ولاتكثرين قمصان نوم طويله جيبي بس قميصين نصيحة فشلني زوجي من اول ليلة قالي البسي عبايه احسن وهالخلاقين لاعاد اشوفها عليج يقصد القمصان الطويله
تبين اسواق حلوة بالرياض: روحي غير المملكة والفيصليه وطيبه وصحارى
روحي للعثيم مول الجديد اللي بطريق خريص
وروحي لغرناطه مختصر العالم كله بسوق غرناطه هذا. وبتلقين جنبه فندق السفينه شنو فخم
ومايخالف اذا تمرين سوق الحريم بسوق حجاب كانت صدمة عمري يوم دشيت هالسوق الاثري الشعبي
عندهم دراريع قطن وروز زاهيه جويتيه وصفرا وتفاحية وبيضا والوان حلوة وقصات انوثيه تهبل
وتشجيراتها فنكية تونس بس على خمس و عشرين ريال .. يابلاش
تصلح لمن تنزلين حزة غدا ولا صبح عند حمولتج اذا انتي معاهم طبعا بعد عرسج بفتره
اول الايام بتلبسين الشغل الفخم طبعا
وموفقه ياقلبي وبانتظار مشترواتج لا جيتي ان شالله
وموفقه ياعمري ماسويت شي

السديم

عروس الرياض

نصوره العامر

السنافيه

مس لوتس

سعوديه كويتيه

فديييييييييييييييييييييييييييييييييييييييييييييييي يييييتكم بنااااااااااااااااات

مااااااااااااااااااااااااا قصررررتوا كلكم و سعوديه كويتيه فديتج مشكوره ع النصاااايح < بجر امها و ما تعرف بالتجهيز شي

مشكووووورين لبى قلووبكم جد ساعدتووني و انقذتوووني :$

لاهنتوااا كلكم