بسم الله الرحمن الرحيم
ولا اله الا الله وتبارك الرحمن
بشاركم بتجهيزي عشان الكل يستفيد و اللي عندها راي لاتبخل علي فيه على فكره اغلب الصور من النت واللي موموجود بحطه من تصويري والله يعينكم
راح ابتدي بالاجهزه والادوات اللي شريتها
الله يسلمكم رحت محل بليلى جاليري اسمه Twins and Siblings وشريت هالشغلات لانها من ماركة BEABA وهالماركه طبيه وتهتم بصحة الياهل قبل كل شي وكل ادواتها على طول اشتروا منها ولاتفكرون بالسعر لان صج يسوى واشياء راح تظل عندج العمر كله احسن من الرخيص ويخترب وحالته حاله وعلى فكره هالمحل يبيع لج هالماركه بنفس سعر النت لان اهوه الوكيل ودشوا على النت قارنوا الاسعار بتلاقونها نفسها
"بنات اي منتج بحط صورته وبتكلم عنه اكون شاريته يعني ممكن يكون في منه انواع كثيره بس انا بحط لكم اللي استخدمه واستفيد منه فقط
والموضوع متجدد يعني كل بين فتره وفتره بضيف اشياء على حسب اللي اجهزه"
هذا طباخ + فرامه (تطبخ الاكل :عيش – باستا – لحم – دجاج…الخ) بعدين فيها صفه حلوه انها تفرمه عقب الطبخ او اذا ماتبين براحتج بس ترى هالماركه معروفه دشوا النت اقروا عنها تحفظ الاكل من البكتيريا و غيره من الاشياء اللي تضر البيبي على فكره انا شريته لان ماحب اخلط بالطباخ بين اكل بنتي واكلي لان الياهل مايتحمل اي شي + اخاف من البكتيريا
هذي التقسيم اللي نخزن فيه حليب حق الجنطه
طبعا لازم اطقم كل شي انا احب الترتيب وكل شي يكون لونه واحد 
هذا الجهاز عجيييييييييييييييب اكثر جهاز حبيته لان فيه اكثر من صفه خصوصا حق الاربعين وحق تالي الليل :
1. يسخن لج الماي و يعقمه حق الحليب ماعليج الا انج تختارين درجة الحراره (دافي او حار حيل) امبيه بنات جربته حق بنتي اللي عمرها سنتين سويت الحليب طلع بالضبط دافي لا بردته لا عباله نفس اول لما اسخن الماي بالسخان الصراحه قصه هذا يريح من هالشغله
2. بظهره فيه تخزين حق المميات تحطين داخل وتحطين ماي بعدها تدخلينه بالميكرويف راح يعقمهم لج وتركبيه بالجهاز مره ثانيه يضلون معقمين لين تستخدمينهم
3. يسخن لج الاكل مال البيبي او الحليب او اي شي تبين تسخنينه بهالطريقه
هذي فرشه حق غسيل طبعا المميات + الحلمات بس شنو ميزتها انها ماتجمع باكتيريا + لها بيت تحطينه فيها عشان ماتنحط اي مكان ممكن يعرضها للتلف او الوسخ
نكمل …..
وهذا ستاند حق المميات عشان تنشفينهم قبل التعقيم
هذا صحن الحلو فيه ان حتى لو تحطينه بالميكرويف المواد المصنوع منه ماتخليه يتفاعل مع الاشعه اللي بالميكرويف خذيته حق بنتي الكبيره فديتها معاه قفشه وشوكه وباديه كله ست كامل
و هذا مصباح حق تالي الليل يشتغل بالكهربه + بدون كهربه يعني تشحنينه وخلاص يعتبر ابجوره يعني
عاد هذا المنتج عجيب شريته بدون تردد
حق ترتيب الاغراض لما احطهم يم راسي وفي منه الوان ازرق وبني
يتبع…..
مــــاشــــاء الله أغراضج روووعـــه …عليج بالعافية
حبيبتي ممكن تعطيني الويب سايت مالهم
حبيبتي ماشالله روووووعه عليج بالف عااااااااااااااااافيه
هذا مثل كرسي بس مصنوع من مواد تخلي الببي يحس ان بحضن امه وله فوايد وايد الصراحه نسيت هذا اللي اذكره
انا اخذت هاللون
بما اني بولد باذن الله بالشتا فشريت هذا الجهاز يخلي الكلينكس المعطر معقم + دافي عشان امسح فيه جسم البيبي يشتغل بالشحن عشان تحطينه بالجنطه او على الكهربا اذا بالبيت
ما شاء الله اغراضج روعه وغريبه
وعليج بالف عافيه وعسى الله يسهل عليج
بس لو ماعليج امر تحطين لنا الاسعار
جم سعر الجنطه مالت الترتيب الاغراض
راح اكتفي بهالقدر اليوم من الصور وبكره بكمل مع باجي التجهيز
وشكرا حق كل اللي ردوا هذا من ذوقكم حبايبي واسعدني تعليقكم
اقتباس:
المشاركة الأصلية كتبت بواسطة عروسة خالد 
ما شاء الله اغراضج روعه وغريبه
وعليج بالف عافيه وعسى الله يسهل عليج
بس لو ماعليج امر تحطين لنا الاسعار
جم سعر الجنطه مالت الترتيب الاغراض
|
حبيبتي مشكوره على الاطراء الحلو والجنطه الله يسلمج سعرها 15 دينار
ماشاء الله وايد حلوين
يعطيج العافيه يالغلا بغيت اسعار المنتجين الى نسخت صورهم جم سعرهم وشلون التواصل ؟
ماشاء الله رووووووووووعه ممكن تعطينا السايت اللي طلبتي منه لو سمحتي؟
حلوين ماشاء الله – من وين شاريتهم؟
اقتباس:
المشاركة الأصلية كتبت بواسطة هيام الشوق
يعطيج العافيه يالغلا بغيت اسعار المنتجين الى نسخت صورهم جم سعرهم وشلون التواصل ؟
|
حبيبتي الاول ب11 دينار والثاني ب15 حياج الله
المحل موجود بليلى جاليري انا مابيع المنتجات شريتهم من هناك .gif "Eh S(15)")
جم طلع حسابج كامل
وابي الكرسي ضروري جم سعره
اقتباس:
المشاركة الأصلية كتبت بواسطة ؛؛sokrrah؛؛ جم طلع حسابج كامل
وابي الكرسي ضروري جم سعره |
الكرسي ب45 دينار + المهاد اللي فوقه ب18
حبيبتي قاعده احاول ادزلج رساله خاصه بالاسعار والتفاصيل بس بريدج مليان ياريت تفضينه عشان اجاوبج براحه
