|
|
السلام عليكم ورحمة الله وبركاته
ما أدري هذا الموضوع موجود من قبل ولا لأ بس آنا أحتاجة ووايد بنات محتاجين وخاصة ان احنا بعز شبابنا
وحبيت ان يكون تجمع لان نسبة كبيرة من نساء الكويت مصابات بهذا المرض والغالب انهم ما يدرون والكويت بشكل عام رجال ونساء ترتفع نسبة الصابين بهذا المرض وعندنا في الكويت جمعية الدسك
رجاء حار من مشرفاتنا اثبتون الموضوع
هذا المرض اصيب جزء مهم في جسم الانسان ( الظهر ) اذا سلم الظهر مشى الانسان واي خلل فيه أقعدة
شعوري اتجاه هذا المرض ( احساس كلش مو حلو لان دائما يحتاج مريض الدسك للآخرين يني مستحي أسافر بدون زوجي لان اذا ضرب الدسك منو بساعدني منو بشيلني اوديني المستشفى ) حتى لما اروح مكان السوق بروحي آخذ حذري والبس الجوارب الطبيه
بس أقول الحمدالله على كل حال
منو تبي تنضم لهذا التجمع حتى نستفيد من خبرات بعض وانعلم بعض اشلون نتجتوز معوقات هذا المرض في حياتنا
اشلون اكتشفتي ان عند دسك ؟
اسويتي لما عرفت ان فيج دسك؟
شنو العلاج ؟
هل اقرالاطباء لج عملية ؟
هل سمعت ان فيه علاج غير العملية الجراحية ؟
ووين هذا العلاج ؟
اشلون تمارسون حياتكم ؟
شنو الاحياطات الي تاخذينها ؟
جانا البرد عدو مرض الدسك شنو راح تسوون ؟
منو دكتورج ومنو احسن دكتور في الكويت لهذا المرض ؟
ما هو شعور اعيالج اتجاه هذا المرض خاصة للي طاحوا طيحة جايدة في السرير وما تحركو لعدة شهور
ويمكن اكون التدخل الجراحي ارحم اذا كان الدكتور شاطر . هذا تخمين مني لأن الى الآن ما أقروا عملية لي يقولون لازم يتفاقم وضعي علشان اسوون لي عملية
ولكم مني كل الحب والتقدير لقرائتكم موضوعي
شلون اكتشفته ياتني اول شي دوخة عقب الم مثل النار تمشي بضهري
سويت اشعة رنين قالي التهاب بالعصب
الحلول اول شي لازم تنزلين وزن اذا كان في وزن زايد
سويت علاج طبيعي والحمدالله راح
عدم لبس احذية غير مريحة وكعب عالي طبعا هالنصيحة ماطبقتها بحذافيرها لاني احب العالي
|
المشاركة الأصلية كتبت بواسطة ii dareen ii
 اول شي انا ياني عرج النسا يعني بدايات دسك
شلون اكتشفته ياتني اول شي دوخة عقب الم مثل النار تمشي بضهري سويت اشعة رنين قالي التهاب بالعصب الحلول اول شي لازم تنزلين وزن اذا كان في وزن زايد سويت علاج طبيعي والحمدالله راح عدم لبس احذية غير مريحة وكعب عالي طبعا هالنصيحة ماطبقتها بحذافيرها لاني احب العالي |
حياج الله معي في الموضوع
آنا مثلج أموت على شي كعب ما أشتري الا كعب حتى لو بسافر تخيلي
بس من يوم اكتشفت الدسك ما البس الا وانتي مكرامة جوتي ساس هذا الي مشى معاي . بس البس كعب حق العزايم ما أقدر احط الكعب في جيز وقبل لا انزل عند الناس البس الكعب وما أصدق لما ارجع السيارة اغير الكعب لووووووووووول ما اشحدنا ياربي بس ىنا متعودة على الكعب من أولى ثانوي
بس انتي تشخيصج دسك أكيد ؟ عرق النسا موغير
وترى الدسك يضغط على الاعصاب .ومنو دكتورج ؟
قالي الدكتور ان بدايات دسك لشديد الاسف ولازم احذر
وتفاقم الموضوع احس في كهربا من أصابع رلي لين ظهري عوار الله لا يراويه لأحد وهذا الفترة انشغلت في مرض ابوي الله يرحمة ووفاته وزاد العوار لما نمت في السرير ما اقدر اتحرك لا يمين ولا شمال ولا اقوم قمت حييييل اصيح حتى صاروا ايبون امكرم السمع القيصري اقضي حاجتي عند سريري الله لا يراويكم اعيالي انهارو . شالني زوجي حطاني في الوير جير وشالني مع الخدامة وسيدا الرازي عطوني ابرة وكان وقتها بداية البرد أول شهر12 . بس ما تحسنت صرت ما أقوم من السرير الا للحمام وامسك عصا.
وبعد الرتين في مستشفيات الكويت سويت اشعة الرنين وقالوا اعوجاج في العمود الفقري ودسك في الفقرة الرابعة والخامسة
وبدأت المراجعات مف مستشفى الرازي ولا أحد عرف لحالتي طب ليش ما أمشي وخاصة ان الدسك في بدايته .
سوتل وحدة واسطة عند الدكتور عبدالرزاق العبيد صج هذا دكتور ما أزكي على الله ولكن احسبه كذلك اشوية ممتاز عليه محد عرف حق حالتي الا اهو الحمدالله الله سخره لي . قالي سبحانة الله انتي اضعيفة بس اشلون اثر الدسك في بدايته على جسمج .
تشخيصه : ان الدسك في بدايته , ولا أحتاج عملية الا اذا زاد .و ان ضعف عضلات الظهر ادى الى عدم مقاومتها لخروجج الغضروف من بين فقرات العمود الفقري .وعندي عيب خلق اعوجاج العمود الفقري ( الحمدالله على كل حال )
العلاج : السباحة ( ما نصحني بالعلاج الطبيعي والكل بعد قالي ان العلاج الطبيعي في الكويت اكس )
دومت على السباحة والحمدالله تحسنت حالتي 70 % بي صارلي سنة ما أروح مللللللللللللللللللللييييييييييييييييييييت
قلت حق الدكتور شوفلي حل ثاني ما أقدر دايما اطلع من البيت قالي اكو احد يمل من السباحة
قلته آنا : على اني سباحة بس مليت
وكل ما بدا البرد أحاتي العام اجتهد بالدعاء اني ما يجينا برد قوي والحمدالله الله استجاب لدعائي السنه احاتي وخايف اصير فيني مثل ما صار قبل سنتين
موقفي من المرض في بدايته : الله وهبني رضى وقوة وصبر في مواجه المرض وخاصة لما نمت شهرين في السرير . والقرآن شفاء كنت أقرا البقرة في يومين والحمدالله كانت ازمة وعدت بفضل من الله
بس اختي نبهتني ان لازم ما اسكت وادور حل لأني قاعدة أكبر وموحل اني دايما اروح سباحة علشان تقوى عضلات ظهري وتقاوم الغضروف
سمعت ان في تدخل باليزر ويرجع الغضروف مكانه منو سامع عنه ووين في اي دولة
|
المشاركة الأصلية كتبت بواسطة ii dareen ii
حبيبتي انا حولوني على دكتور شيكي بالطب الطبيعي وهم راجعت ارناقوط وخذت موعد عند لتنيب بس والله مارحت له كان الم عرج النسا راح
قالي الدكتور ان بدايات دسك لشديد الاسف ولازم احذر |
التنيب سالت عنه قالو انه تخصص ركبة موظهر
اشلو ارناقوط ؟
تقدرين تمشين مسافات طويلة ؟
آن ما قدر امشي وايد اتعب لما اروح الجمعية وايد اتعب والسوق صرت ما احبة ما أقدر امشي آنا كنت اكز السوق كز
لدرجة اتصدقين اني لما جيت بفرش بيتي اسال الناس عن الشي الي ابيه واروح عند المحل اشتريه واطلع
العام وايد تعبت ساقي منتفخة من سنتين والعام زاد العوار واتعرفين الكويت كل دكتور اشخص غير الي يقول دوالي والي ما في شي والي والي ………….. آخر شي قالوا هذا بسبب الدسك ولازم تلبسين جوارب طبية
لما البسها ارتاح واقدر امشي بس مثل ايام الصحة
اللهم لك الحمد حتى ترضى ولك الحمد اذا رضيت ولك الحمد بعد الرضا
انا عندي انحنا بالعامود
ومرة متعبني كثييير
كنت اسوي علاج طبيعي بس انا من النوع الي ماستمر على شي
والحمد الله على كل حال
أتمنى لكم الصحة و العافية خواتى العزيزات
>>>>>>>>
من عندها اي معلومات
أسأل الله أن يكرمكم بالشفاء
أنا أعاني من الديسك في الفقرة 3و4و5 أسفل الظهر طبعا شلت حاجه ثقيلة
وإصابتي من سنة 2000
طبعا الألم ماكان ينطاق
لكني سافرت على حساب أبوي إلى الأردن وطبعا ما أحد نصحني من أطباء المخ والأعصاب بالعملية الجراحية إلا دكتور واحد في مستشفى حكومي في الكويت
نصيحة الأطباء
إن وزني ينقص
الوقوف ما أطول واقفة في المطبخ وإن وقفت أرفع رجل وأنزل رجل وتحتها كرسي صغير
الجلوس طبعا لمدة طويلة ممنوع لازم أقوم أمشي
واهم شيء ما أشيل حاجه ثقيله لأنها راح تجيب العيد يعني تنتكس حالتي
جلسات علاج طبيعي مع أدوية تخفف الألم والباقي تغيير نمط حياتك
وحذرني الطبيب من عملية زراعة الغضروف نصحني بتجنبها
اتمنى أن أكون أفدتكم
بدايت الدسك كنت حامل بالشهر 7 كنت اموت من العوار ماتحمل وبس بجي كل هذا قالو موارجه من الحمل ولدت اول ماولت زاد العوار وبدا ضهري ينحني ماقدر ارفعه ًطبعا بجري وماجهزت وصلت 35 يوم رحت الدكاتر اشاعه عاديه وقالو التهاب وحبوب مسكنه وزاد العوار الا درجه اني قمت اخورها حتا الطلاق من العوار مدري احس شكو بس النفسيه وزوجي يضغط علي ماصارت اربعي رحت للسلام استشاري عظام قال سوي رنين علا الظهر وتعالي طبعا العوار بالرجل اليسار بس مادري ليش الظهر انحنا ماكان يعورني فجاه تطلعت النتايج عرج نسا اسبابه دسك بين فقره 4 و5 وبين فقره 5 واول فقره من فقرات العزيزو طبعا الحمدالله علا المسكنات اللي تخليني اناااام مادري عن بنتي وشوي شوي بدت تحسن الحاله وابر بعدين قمت اتابع بالعدان مع استشاري االمخ وعصاب ابو الحسن بعدين دكتور وليد واكتشفت ان فيني برود بالاعصاب والحماله حيل صعبه علي خصوصن مع بدايت الشهر الرابع مااقدر اقوم من السرير وضهري يعورني اذا اخذت نفس عميق والكعب صار حلم بالنسبه لي والحمدالله علا كل حال تكيفت مع الالم وفي شي اهون من شي لان فيني كهربا بالقلب نستني الم الدسك او باني تعودت علا العوار وصار عندي شي اصعب منه والحمدالله علا كل حال ادعولي بالشفا لان بهالزمن الشكو لغير الله مذله لان اذا شكيتي لحد قال متشائمه وسواسه ودج بس انج ماتتكلمين وتوضحين الجانب الايجابي بحياتج وصحتج