تجمع لموظفات وزارة العدل فقط لاغير .

بسم الله الرحمن الرحيم ..
انا اول وحده اشارك
انا بقصر العدل ..
ادارة الرسوم القضائيه ..
الشغل روتيني عندنا ..
ومافي مميزات ..
اما العيوب فحدث ولا حرج ..
ماعندنا كوادر ماليه ..
ولا بدل شاشه ..
ولا بدل سماعه ..
ولا بدل جمهور ..
والمكان ضيق ويقمت القلب ..
غرفه 5*ه فيها 6 مكاتب منو يصدق …!!!
الله يعين بس ..
بصمه وكرت مع بعض .. امووووت واعرف شنو الحكمه من هالقرار ..!!
استأذان الصبح عند بعض رؤساء الاقسام للمتزوجات فقط ….!!( احلى قرار في الاداره )..!!!
عاملين للتصوير مافي ..
الخدمه ذ1اتيه اخدم نفسك بنفسك ..
موظفين للكفتيريا ما في صار لنا 3 اسابيع ..
يعني يبيي جايج وقهوتج ومايج وريوقج معاج ولا طلبي ..
معامله حشاكم زفت ..
ماكو تقدير ولا احترام ..
اممممممم..
وقت ما تخلصين شغلج لا تفكرين تبطلين جريده او مجله او تقرين قران او تروحين تصلين لا ..
روحي اشتغلي مع الاقسام اللي حواليج …!!!
بعد تكفون شقول ..
ضيـــــــــــــــــــــم ..
والله المستعــــــــــان ..
الله يفرجها علينا ..

وااي لا تخرعوني انا ان شاء الله بكون موظفه عندكم بس ناطره مقابلتي وبعدها اشوف اي قسم يقطوني والله يستر ويعطيكم العافيه بعد قلبي :*

ايه خرعتوني .. امبيه انا بس باقيلي الفحص واادوام بس انتي اي وزاره الاحمدي والشويخ ؟؟

حبايبي انا موظفة بادارة التوثيق الله لا يوريكم لا حبتك عيني ما ضامك الدهر ناس تركب فوق ناس لوعة اصحاب الخبرة متمرمطين بس الواحد شيقول الله كريم

والله يعين الكل على ادارة التوثيق هذا واحنا جامعيين الله يرحم

مافي الشويخ حبيبتي ..
في شرق ..
الرقعي..
الجهراء..
حولي ..
الاحمدي ..
انا شرق ..

اممممممممم

حبطتوني

انا كان ودي اقدم على العدل يا التوثيق او ضباط الدعاوي يقولون انه هالقسمين فيهم مميزات وكادر ومعاش الحقوقيين فيه اعلى من اي وزاره عاديه ثانيه

انتوا شرايكم

أنا كنت بالعدل وطلعت … تكووه حبيبتي ضباط الدعاوي أحسن من التوثيق هذا رايي الشخصي

وانا بعد موظفه يديده في الوزاره

اشلونج حبوبه وشخبارج ممكن اعرف ليش طلعتي صح انها وزاره محد يمدحها ومافيها كوادر بس ليش

اشلونج حبوبه ليش اشفيها ادارتكم؟

انا موظفة في وزارة العدل

في احدى ادارت الوزارة الكائنه في مجمع الوزارات

الله يعين و يوفق الجميع

انا بمجمع الوزارات ادارة التسجيل العقاري وووووووووووويع

انا ضابط دعاوي بمحكمة حولي
انا مرتاحة بدوامي
الي مضايقني فيه حشترنا بمكت واحد
اكيد وناسة يكون لج ربع بالمكتب بس شوي المراجع ماله خصوصية
احنا على الله ثم على المبنى الي قاعدين يبنونه لنا
اتصال مع المراجعين كلي
تثقفت بالقانون
زميلاتي خوش بنات
عموما ادارتي لكم عليها
بس اشوة مو صوبنا
بعاد بقصر العدل