|
|
السلام عليكم شلونكم يا كويتيات ((المدرسات)) انا حابه اسوي تجمع حق معلمات ماده علوم الاسرة والمستهلك يعني الاقتصاد المنزلي سابقا..
منهجنا الحين تغير وااايد صار مثل ماده الفنية والكل قاعد يشوف المدرسات مو عارفين شي ولا عارفين شلون يعلمون البنات ولي سألتي الموجهه تقول انشالله نعطيكم دورة ؟؟؟ شنو هالدورة والمنهج خلص
المهم ابي كل مدرسة عزيزة وفاضلة تدرس ماده علوم الاسرة المستهلك تدخل وتبيدي رايها المناهج اليديدة
شنو رايكم القديمة ولا الحين؟؟ وشلون التوجيه معاك حسب كل منطقة تعليمية؟؟ وخلونا نشارك بعض الافكار والهموم.gif "Eh S(14)")
خصوصا حبيباتي ان السنه الياية المرحله المتوسطة راح تصير حصة وحده + تدريس ماده اسمها العمل التطوعي تدروون
والمرحله الثانوية راح تصير حصتين بدل حصة + فيها عملي يعني كل سنه تغير يديد…
شدو الحيل والهمه خل نشارك بعض بكل ما عندنا من افكار مقترحات
واتمنى القى منكم ردود حلوة … ….. شكرا….
الاداره مستغلتنا اسوأ استغلال
بس لي الحين ما تعينت .. لأني تخرجت شهر 2 اللي طاف و بسبب الانتخابات وقفوا التعيين
و الحين ناطره
و صج بالتربية العملية شفت ان اللي درسناه ب 4 سنين شي و اللي قاعد ندرسه شي ثاني
و اشوف ان ماله داعي يدخلون مواد الفنية بالمادة لأن هالاشياء ياخذونها بالفنية
فليش احنا ندرسها بعد
هذا كل بصوب و سالفه التحضير اللي مو راكب عالمنهج بصوب
و هذا كل من التوجيه اللي مو عارف شنو يسوي
و احنا الضحية
لما تصيرين مدرسه صج بتشوفين العجب العجااااب
نبي الفزعة وردودكم فيدونا من تجاركم وخلونا نستفيد
و بالنسبة للتحضير و المنهج
الدكتورة هيفاء العنجري لما اقترحت المنهج اليديد سوت مثل فورما حق التحضير
و تكون زاهبة بس مجرد انج تسحبينها من الكمبيوتر
و تقول انا كنت بخفف عليكم هالكراف اللي تكرفونه
و التحضير بدال ما ياخذ منج يوم كامل على ما تحضرين و تشترين الاغراض و حالتج حاله
بس مجرد انج تسحبينه من الكمبيوتر و تحطينه بدفتر تحضيرج .. و ما ياخذ منج 5 دقايق
بس التوجيه قبل بالمنهج اليديد و رفض طريقه التحضير
عشان يخلون الوزارة تتحسف ليش غيرت المنهج
ما تشوفونهم كل كورس يطلبون ورقة فيها نقد المنهج
و احنا اللي ضايعين بالطوشه
الله كريم
اب
|
المشاركة الأصلية كتبت بواسطة Om Ali 86
 الظاهر بس احنا الثلاثه مدرسات علوم اسره و مستهلك مافي غيرنا بالمنتدى
|
جان زين يسهلون عملية التحضير لأن كل مرة عندهم قرار غير أحلى مافي المنهج إن مافيه امتحانات بس مشاريع والمنهج حلو لوعطونا راحتنا في التحضير والتدريس وياريت يرحموناا من الورش اللي هدت ميزانيتنا وياريت ناخذ الإمتياز كله بذمتهم
و سمعت خبر شبه اكيد و العهده على الراوي
ان الاقتصاد المنزلي راح يدخل بالمجموع و راح يصير ماده اساسيه من السنه اليايه
اهوا و البدنية و الفنية